Iss hawaley sey humarey naujawan 2 qism ki pareshani ka shikar hain:
-
Jinsi, jismani aur zehni kamzori ka ahsas aur khauf
-
Shadeed ehsas e gunah
Musht zani kay silsiley mein hamarey yahan bohut si ghalat baatein maaroof hain maslan iss sey penis ki ragein ubhar aati hain, yeh curve aur darmiyan mein sey patla ho jata hai. Insan ki nashaunuma ruk jati hai aur woh shaadi kay qabil nahi rehta. Iss ka dimagh kamzor ho jata hai hatta kay insan pagal ho jata hai. Maghrib aur doosrey taraqqi yafta countries mein latest research sey yeh baat sabit ho chuki hai kay iss kay kisi bhi tarhan kay koi burey asraat nahin. Yani yeh amal insan ki zehni, jinsi aur jismani sehat kay liye har giz nuqsandeh nahi.
Baaz naam nehad mahireen kehtey hain kay ek hud tak to iss kay koi nuqsanat nahi lekin agar yeh hud sey barh jaey to phir nuqsan deh hai. Iss ki bhi koi haqeeqat nahi hai kya zyada bolney sey insan kamzor ho jata hai. Yeh jitni martaba bhi ki jaey iss kay koi nuqsan nahi. Fitri tor per koi insan isey hud sey zyada kar hi nahi sakta. Taham bohut zyada karney ki soorat mein semen kay bajaey blood aaney lagey ga aur infection ki wajah sey penis sooj jaey ga aur testicles mein dard honay lagey ga. Aisi soorat mein ek week kay liye masturbation chor dein har cheez normal ho jaey gi aur insan ko kisi qism kay elaj ki zaroorat nahi hogi.
|
