Neem Hakeem mani (semen) ko johar e hayat, quwwat e hayat aur khoon sey bhi zyada qeemti cheez samajhtey hain. Woh mani (semen) kay behney ko blood kay behney sey zyada qeemti samajhtai hain. Humarey yahan amooman 100 qatrey (drops) blood kay mani (semen) kay 1 drop kay baraber samjha jata hai. Jadeed research sey sabit hua hai kay mani (semen) na quwwat e hayat hai aur na hi khoon sey zyada qeemti. Agar mani (semen) waqaee khoon sey qeemti hai to ek bar ejaculation sey khoon ki ek bottle (500 ml) nikal jati hai. Bohut sey logon ney kabhi na kabhi din mein 2 time zaroor musht zani ki hoti hai. Iss soorat mein blood ki 2 bottles nikalney kay baad yeh zinda kaisey rahey. Mera woh client jo din mein 15 baar tak mushtzani karleyta tha ussey to kisi bhi sorat mein zinda nahi hona chahiya. Jab kay woh na sirf zinda hai balkay hatta kata hai aur bachey paida kar raha hai. Chonkay mani (semen) koi qeemti cheez nahi lehaza iss ka ekhraj kisi bhi tarhan nuqsandeh nahi hai.

    Bohut sey logon ka khayal hai kay bharpoor jinsi lutf aur aulad ki paedaesh kay liye mani (semen) ka thick hona zaroori hai. Iss ki bhi koi haqeeqat nahi. Jinsi lutf kay liye mani (semen) ka sirf kharij hona (baaz auqat ejaculation kay baghaer bhi bharpoor jinsi lutf hasil kar leta hai) aur aulad kay liye iss kay vagina mein jana zaroori hai. Kabhi  aisa bhi hota hai kay fard ki mani (semen) bohut thick hai magar woh na sirf jinsi lutf sey mehroom rehta hai balkay bachey bhi paeda nahi kar sakta, kyun kay iss thick mani (semen) mein sperms hotey hi nahi yeh sehatmand sperms ki quantity bohut kam hoti hai.

    5. Jiryan - Dhat Syndrome:

Peeshab kay baad ya pehley mard kay zakar sey kharji honay waley white material ko jiryan kaha jata hai.