Jinsi haejan mein blood ki ziyaditi ki wajah sey vagina ka baerooni hissa sooj kar mazeed tang ho jata hai iss soorat mein patley sey patla zakar (penis) bhi aurat ko bharpoor orgasm dey ga.

    Bohot sey mardon ka khayal hai kay zakar ko bilkul seedha hona chahiya, jab kay haqeeqat mein akrra hua zakar aksar auqat bae'in (left) dae'in (right), ooper ya neechey ko jhuka hota hai. Bamushkil 1% afraad ka zakar seedha hota hai. Aisa hona bhi mushkil hai kyun kay zakar bones ya kisi sukht cheez ka bana hua nahi hota. 85% logon ka zakar bae'in (left) side curve hota hai. Issi tarhan amooman aksar logon ka dae'in (right) testicle bhi kuch neechey hota hai aur aik goli bhi qadrey choti hoti hai. Yeh sab kuch normal hai. Musht zani na karney walon ka zakar bhi bae'in (left) taraf curve hota hai aur zakar ki rageinn bhi tanau mein khoob ubhar jati hain. Ragein jitni ziyada ubharti hain itna hi ziyada khoon zakar mein jata hai aur erection bhi itna hi ziyada hota hai.

    4. Mani (Seminal Fluid):

    Humarey yahan aksar log mani (seminal fluid) ki nature kay hawaley sey bohut pareshan hotey hain kay yeh thori hai ya ziyada, garhi hai ya patli. Infiradi ikhtilafat ki wajah sey mani (seminal fluid) ki quality mein farq hota hai, jis ka mardana quwwat (potency) kay sath hargiz koi ta'alluq nahi. Mani (semen) ka siwaey bachey paida karney kay aur koi function nahi hai. Mani (seminal fluid) kay zariey sperm bahir aatey hain. Iss kay elawa mani (seminal fluid) mein sperm kay liye khoorak hoti hai, warna woh zinda na rahein.