yeh kitna hi kiyu na ho iss kay insaani sehat per koi burey asraat nahi partey.

    2. Khud lazzati - Musht zani (Masturbation)

    Khud lazzati sey muraad mubashrat aur ehtelam kay elawa kisi doosrey tareeqey sey mani (semen) ka ikhraj hai. Khud lazzati ka sab sey ahem zariya musht zani yani hath sey semen ka ikhraj hai. Hamarey haan sab sey zyada ghalat fehmiyan isi hawaley sey paee jati hain. Ek fard iss amal ko haftey mein 1 ya 2 bar karleta hai. Merey ba'az client rozana aur ba'az ek din mein 6,7 bar tak kar letey hain. Mera ek shadi shuda client 24 ghanto'n mein 15 dafa tak karleta tha, iss ney aisa kaee bar kiya, yani woh jagtey mein taqreeban har ghantey mein ek bar karleta tha. Woh abhi tak na sirf zinda, hatta katta bul kay kaee bachon ka baap hai.

    Mukhtalif muhaqqaqeen kay mutabiq 95%  sey 98% mard iss aadat ka shikar hain. Bohut sey bachey 10 saal ki umar sey pehley hi musht zani shuru kar detey hain. Agarcha khud lazzati ka shikar aisai naujawan hotey hain jin ki abhi shadi nahi hui hoti, magar jadeed research sey ma'aloom hua hai kai shadi shuda mard bhi aisa kartey hain. Mashoor American muhaqqiq Kinsey kay survey kay mutabiq America mein 70% shadi shuda graduate saal mein taqreeban 24 bar musht zani karletey hain. Yani ek maah mein 2 baar naujawano kay elawa 70 saala  boorhey bhi musht zani kartey hain.