Jaisa kay guzishta safhaat mein arz kar chuka hun kay meri 'biwi' ko mera iss mozou per likhna pasand nahin chunancha ek din farmaney lagii'n kay 'ab aap koi aisi cheez bhi likhein jisey hum logon ko bata sakein' chunancha mojooda kitab iss mozou per meri aakhri kitaab hai. Ab unki farma'esh per meiney roznama 'Jinah' mein 'Kaamyabi' kay unwaan sey column likhney ka silsila shuru kya hai. 'Kaamyaabi' mera pasandeeda mozou hai. Mein guzishta 30 saal sey iss mozou per parh aur ghor o fikr kar raha hun. Kaamyabi kay chund usool hain. Har kaamyab insaan inhi usoolon per shaoori ya ghaer shaoori tor per amal kar kay kaamyabi hasil karta hai. Jab aap inn usoolon sey aagaah ho jatey hain to saalon ka safar maheenon mein taey kar letey hain. Meri dili khwahish hai kay mein Pakistani awam khusoosan naee nasal ko inn usoolon sey aagaah karun, naee nasal taraqqi karey gi to Pakistan taraqqi karey ga. Iss jazbey kay tehet column ka yeh silsila shuru kya hai iss kay elawa iss mozou per hum ek roza free seminar bhi muna'aqqid kartey hain.

    Kitaab kay hawaley sey apni qeemti ra'ey dena na bhooliey, khut likhiey, paeghaam (sms) bhejiey, phone kijiey, mulaqaat bhi kar saktey hain, mein aap ka bey hudd mashkoor honga. Agar aap kay paas azdwajii khushyon kay hawaley sey koi tips hain to humein zaroor muttala'a farmaein, ta'kay agar woh mufeed paey gaey to inn ko bhi kitaab ka hissa banaya ja sakey.

Arshad Jawed 881 – Shadmaan – 1 – Lahore 0300-9484655