Agarcha bunyadi tor per yeh kitaab mard hazraat kay liye hai magar khawateen kay liye bhi iss ka muta'alla itna hi zaroori hai taa'kay woh mardon ki zarooriyaat aur masail sey aagaah ho sakein. Iss kay elawa inn ko ilm ho sakey kay in kay khawand unhein kon kon si khushyan kis tarah dey saktey hain taa kay woh gaahey ba gaahey apni pasand ki azdwajii khushyan hasil kar sakein. Isi tarah mardon kay liye humari kitab "Azdwajii Khushyan___Khawateen Kay Liye" ka muta'alla bey hudd mufeed sabit ho sakta hai taakay unko ilm ho kay biwiyan unhein kon si lazzat muhayya kar sakti hain. Iss tarah mardon ko yeh ilm bhi hasil hoga kay unki biwiyan unn kay jinsi masail kay hal mein kis tarah unki madad kar sakti hain. Iss kay elawa gharelu zindagi ko khushgawar bananey kay liye donon ka kirdaar alaehda alaehda hai jab mian biwi donon kutub parh leingey to unko ma'aloom ho jaey ga kay khushgawar gharelu zindagi mein unn ka aur unn kay saathi ka kya kirdaar hai. Bharpoor azdwajii zindagi kay liye humari kitab "Sex Education_________Sab Kay Liye" iss mozou per asal bunyaadi kitaab hai, iss liye iss kitab ka muta'alla bhi bey hudd mufeed sabit hoga.
"Azdwajii Khushyan_____Mardon Kay Liye" ek amali kitaab hai, agar iss per poori tarah amal kya jaey to inshaAllah aap ki azdwajii aur gharelu zindagi khushyon sey bhar jaey gi aur aap ka ghar jannat ka namoona ban jaey ga. Ahl-e-ilm ka khayal hai kay yeh teenon kutub 1."Sex Education______sab kay liye", 2. "Azdwajii Khushyan___khawateen kay liye", aur 3. "Azdwajii Khushyan_____mardon kay liye" Pakistani mua'ashirey mein azdwajii zindagi mein ek inquilaab ki naqeeb sabit hongi.
|
