Aaj ki taraqqi yaafta aqwaam ney mehnat ki azmat ko nuqta e urooj per pohncha diya hai. Inn kay afraad ko 10 hazar naakamiyan bhi mayoos nahin kartiin. Edison bulb banatey waqt 10 hazar baar naakam hua magar uss ney haar maanney sey inkaar kar diya aur apni koshish jari rakhi hutta kay bulb bananey mein kaamyaab ho gaya. Doosri taraf unhon ney azdawaji zindagi ko ek art bana diya. Iss silsiley mein aisey aisey goshey bey naqaab kiye kay aqal haeraan reh jati hai. Hum ajeeb qoum hain kay na to bharpoor andaz sey kaam kartey hain aur na hi Allah Ta'ala ki paeda karda ja'ez lazzaton sey bharpoor tareeqey sey lutfandoz hotey hain. Hum yeh donon kaam routine mein kartey hain. Humein na kaam karna aata hai aur na hi zindagi sey lutf andoz hona.

Quran majeed mein irshad hai kay:

      "Phir azdawaji zindagi ka lutf tum inn sey uthao" (Al Nisa 24)

    Azdawaji lazzat aur sukoon hasil karney kay liye ilm ki zaroorat hai budqismati sey hum mein sey 90 % sey bhi za'ed mard azdawaji zindagi kay hawaley sey zaroori ma'aloomaat nahin rakhtey. Humney chotey paemaaney per ek survey kya. Iss mein shaadi shuda logon sey ek sawal poocha gaya kay aaya unko ilm hai kay mubashrat (intercourse) ki exact jagah kahan hai. Yaqeen karein kay kisi ek fard ko bhi iska ilm na tha. Agarcha woh saal ha saal sey mubashrat kar rahey hain. Woh yeh saara kaam andaazey sey kar rahey hain. Ilm ki kami ki wajah sey mard hazraat ki aksaryat apni biwiyon ko jinsi lehaz sey mutmaen karney mein naakaam rehti hai.