Neem hakeem ek khatarnak jinsi beemari qarar detey hain jo kay inn kay mutabiq nuqsandeh hai, jab kay jadeed research ki roshni mein yeh koi beemari nahi bal kay yeh urethral gland sey nikalney wala material hai jo amooman iss waqt nikalta hai jab fard peeshaab ya stool pass karney kay liye zor lagata hai. Medical nuqta e nazar sey iss naam nehad jiryan ki koi haqeeqat aur ahmiyat nahi aur naa hi yeh kisi beemari ya kamzori ki alamat hai. Iss kay elaj ki bhi koi zaroorat nahi.
-
Jab bhi koi fard khusoosan ghaer shadi shuda sex kay hawaley sey sochta hai, tasawwur karta hai ya jinsi baat sunta hai, koi jinsi kitab parhta hai, naked picture dekhta hai ya jins e mukhalif ko dekhta hai ya uss sey baatein karta hai to jinsi haejan ki wajah sey uss kay zakar sey white lais dar ratoobat kharij hoti hai. Yeh aisey hi hai jaisey mithaee ko dekh kar fard kay mouth mein pani bhar aata hai. Jadeed research sey maloom hua hai kay yeh material ek khaas hikmat kay tehet kharij hota hai. Kyun kay insan jab sex kay hawaley sey sochta hai to agla qadam mubashrat hi hota hai. Qudrat insan ko iss kam kay liye tayar kardeti hai aur kuch lais dar material zakar kay munh sey aa jata hai jo lubrication ka kaam deta hai jis ki wajah sey zakar ka munh chikna ho jata hai jis sey dakhool aasan ho jata hai. Jadeed research sey yeh baat sabit ho chuki hai kay iss ratoobat ka ikhraj kisi bhi tarhan nuqsandeh nahi hai.
|
