|
Bewaqoof
|
Group: Members Joined: 19th Sep, 2010 Topic: 263 Post: 4444 Age:
39
|
|
| Posted on:18th May 2010, 7:33pm |
|
| |
 MQM And Altaf Hussain Donation For Pakistani People
Altaf Hussain ki taraf se cancer mai mubtala bachcha ke walid ko 2 lakh rupee ka check pohncha dia gaya hai.
iss se qabal Janab Altaf Hussain Sahib ne Atta Abad Hunza ke landsliding lake ke mutaasareen ko 10 lakh rupee ka donation dia tha.
Zalzala se mutassira ilaqo mai bhi Altaf Hussain ki hidayat per MQM ke karkunaan ne waha ke logo ki bharpoor khidmat ki hai.
iss thread mai MQM aur Altaf Hussain ki taraf se jo donation di jaati hai os ki tafseel bian ki jaaye gi.
|
|
ch Babar
|
Group: Members Joined: 15th Jul, 2007 Topic: 32 Post: 1873 Age:
40
|
|
| Posted on:19th May 2010, 4:32am |
|
| |
Donation Karachi main karobari tabqay se MQM jo "donatin" wasool karti hae aor jis "tareeqay" se wasool karti agar us ki tafseel bhi yahan bian kar di jaye to banda aap ka shuker guzar ho ga. |
|
Seemi
|
Group: Members Joined: 11th Sep, 2007 Topic: 14 Post: 3817 Age:
28
|
|
| Posted on:20th May 2010, 11:22pm |
|
| |
lol @ babar bhai :D karachi port per bhi jo donation ikhatha kiya jata hia, us ki tafseelaat se bhi qoum ko agah kiya jaye to ain nawazish ho gi. :D |
|
Bewaqoof
|
Group: Members Joined: 19th Sep, 2010 Topic: 263 Post: 4444 Age:
39
|
|
| Posted on:20th May 2010, 4:30pm |
|
| |
Altaf Hussain and Electricity in Sindh MQM ke qaid janab Altaf Hussain ki hidayat per Miththi Sindh ke village ko electricity faraham ker di gayee. Village Piaray ji ko bijli ki farahmi waseem akhtar ke MNA funds se mumkin ho sakti. 63 years ke baad ilaqay ko bijli ki farahmi se logo mai khooshi ki lahar dor gayee hai.
|
|
H/dr_Qasim
|
Group: Members Joined: 10th Sep, 2010 Topic: 185 Post: 6560 Age:
36
|
|
| Posted on:21st May 2010, 4:47pm |
|
| |
MQM donations
Ye apny Mofaad kay leye donation kurty hen apna vote bank bunanay kay leye Insani Humdurdi kaa koi lana dana nahi es meah, |
|
ch Babar
|
Group: Members Joined: 15th Jul, 2007 Topic: 32 Post: 1873 Age:
40
|
|
| Posted on:22nd May 2010, 3:40am |
|
| |
donation bhi bin managay...mot bhi bin maangay Aaj kal MQM eik taraf "mustahiq" logon main raqm taqseem kar rahi hae to doosri tarf Karachi main mot taqseem kar rahi hae. kash koi Liaqat Ali Khan se pooch sakta k khud to tum mar gay Pakistan k sath ye kya neki kar gay ho. |
|
myrizvi
|
Group: Members Joined: 20th Apr, 2008 Topic: 130 Post: 7702 Age:
55
|
|
| Posted on:22nd May 2010, 4:01am |
|
| |
ch Babar liaqat ali khan k marnay ka pakistan ki maujoodah sooratay haal yaa... MQM ka maut taqseem karnay say kia talluq hai???
MQM liaqat ali khan nay nahi balkay aik punjabi gen zia ul haq nay apnay sindhi CM ghaus ali shah k hathouN banayee thee..
History Of MQM - MQM Ki Takhleeq (Pasay Manzer)
|
|
ch Babar
|
Group: Members Joined: 15th Jul, 2007 Topic: 32 Post: 1873 Age:
40
|
|
| Posted on:22nd May 2010, 4:10am |
|
| |
my rizvi bhai yaqeenan MQM Liaqat Ali Khan ne nahi banaie thi laikin mosoof ne apnay siasi mafad k liye, apna eik siasi halqa wajood main lanay k liye urdu speaking muhajireen ko apni sar prasti main Karachi main abaad kiya isee liye yahi log aagay chal k MQM ki shakal main Pakistan k liye eik fitna ban gay hain in logon ko agar punjabi muhajireen ki tarah he abaad kiya jata to aaj Karachi ko is soorat e haal ka samna na hota. |
|
myrizvi
|
Group: Members Joined: 20th Apr, 2008 Topic: 130 Post: 7702 Age:
55
|
|
| Posted on:22nd May 2010, 4:25am |
|
| |
plz prove ur claims if possible come on History of MQM.... ap MQM ki harkatouN ko ghalat taur par liaqat ali khan aur bainul satoor urdu speaking k sar thop rahay haiN... it's NIT true... apki hisorical info kafi weak aur adam seyasi baligh nazri par mabni hai. |
|
ch Babar
|
Group: Members Joined: 15th Jul, 2007 Topic: 32 Post: 1873 Age:
40
|
|
| Posted on:22nd May 2010, 11:46pm |
|
| |
weak info Re"apki hisorical info kafi weak aur adam seyasi baligh nazri par mabni hai.
agar aap aisa samjhtay hain to main apnay baray main aap ki is raye ka ehtram karta hon aor next time mujay aisay sanjeeda topics main apni fazool raye se ejtinab karna chahye ta k meri waja se topic divert ya kharab na ho. |
|
myrizvi
|
Group: Members Joined: 20th Apr, 2008 Topic: 130 Post: 7702 Age:
55
|
|
| Posted on:23rd May 2010, 3:20am |
|
| |
NCF politics wing k 'incharge wazeer' ki hasiyat say apko izharay khayaal maiN "zimmah daranah rawayyah" ka mozaherah karnay k saath saath apni zuban ka bhi khayaal rakhna chhaiyeh.shaheeday millat liaqat ali khan ko khud to tum mar gay jaisay ilfaaz likhna apko zaib nahi deta... qaumi shakhseyaat par tanqeed /ikhtilaaf karnay k bhi kuch osool howaa kartay haiN... yeh koi ch baber, myrizvi yaa bewaqoof jaisay log nahi hotay jinkay baray main jo chahay bak dia jaa.ay
zubaan bigRi so bigRi, khabar lijyeh dahan bigRa :) |
|
ch Babar
|
Group: Members Joined: 15th Jul, 2007 Topic: 32 Post: 1873 Age:
40
|
|
| Posted on:23rd May 2010, 6:23am |
|
| |
"incharge wazeer" ???? main bohat pehlay ye request pesh kar chuka hon k Politics cetagory k Mods main se mera name hata diya jaye abb forum admin ki marzi hae agar abhi tak name nahi hataya gaya warna is resign k baad main ne kabhi khud ko "Mod" nahi samjha.
Liaqat Ali Khan aap k nazdeek Shaheed i Millat ho saktay hae meray nazdeek un ki aisi koi ahmiyyat he nahi k main un ka barray ehtram se name loon. meri baaton ko aap "bak bak" samjhtay hain to phir mera khamosh ho jana he behter hae ta k meri waja se aap k forum ka mahol kharab na ho Allah Hafiz. |
|
myrizvi
|
Group: Members Joined: 20th Apr, 2008 Topic: 130 Post: 7702 Age:
55
|
|
| Posted on:23rd May 2010, 9:01am |
|
| |
ehteraam aik qaul hai:
har kissi (specially "shakhseyaat") ka naam izzat say lena chahiyeh... iss liyeh nahi woh iss izzat k "qabil" haiN... balkay iss liyeh k ap aik baa.izzat shakhs haiN :).... aik hadees ka mafhoom hai k tum jhooTay khodaa'ouN ko bhi "gali" nah do k woh kissi nah kissi k liyeh ehteraam ki hasiyat rakhtay haiN... kiyouNkay phir woh jawaban tum.haray khoda ko gaali dengay
yeh forum "mera" bhi otna hi hai, jetnaa k kissi bhi deger 'member' ka... sehat mand disscussions say... ikhtelafay roy say... tajzeya nigari say, aik doosray k mauquf ki tardeed aur apnay mauquf ki pur zore hemayat say forum ka mahaul kharaab nahi hotaa....... illa yeh k aisaa kartay howay apnay zobaan par control nah rakha jaa sakay.
maano nah maano, jaanay jehaaN ikhteyaar hai
ham naik o bad hazoor ko samjhaa.ay jatay haiN
Alla Hafiz |
|
ch Babar
|
Group: Members Joined: 15th Jul, 2007 Topic: 32 Post: 1873 Age:
40
|
|
| Posted on:24th May 2010, 11:48pm |
|
| |
ma'zrat Main is forum pe un tamam doston se khaloos e dil se ma'zrat karta hon jin ko Liaqat Ali Khan k baray main meray remarks se takleef ponchi hae ya hurt howay hain. yaqeenan meray woh alfaaz aisay nahi hain k jin pe main zidd karon k main ne jo kaha hae theek kaha hae. Liaqat Ali Khan se meri kisi qisam ki jazbati ya siasi wabastgi bhalay na ho laikin un ka ziker mujay is tarah nahi karna chahye tha , main apnay alfaz wapis leta hon.
mera above replies main "Urdu Speaking" Muhajireen ka bhi ziker aaya to main ye wazeh karna zaroori samjhta hon k mujay kisi bhi Urdu Speaking Pakistani se koi masla nahi hae aor main Urdu Speaking Muhajireen ko na to haqarat ki nazar se dekhta hon aor na un k baray main kisi qism k ta'sub ka shikar hon. Urdu Speaking Muhajireen ka bhi Pakistan pe utna he haq hae jitna kisi aor zuban bolnay walay Pakistani ka.punujabi muhajir k muqablay pe urdu muhajir ko jis tarah abad kiya gaya main us pe kuch kehna chahta tha laikin baat ghalt rukh pe chali gai laikin abb main mazeed is pe kuch nahi kehna chahta. zuban aor qomiyat ki bunyad pe main Urdu Speaking Pakistanies se kisi qism ka koi ta'sub nahi rakhta.
|
|
myrizvi
|
Group: Members Joined: 20th Apr, 2008 Topic: 130 Post: 7702 Age:
55
|
|
| Posted on:25th May 2010, 3:13am |
|
| |
u r great ch baber ghalati sab hi kartay haiN... magar woh log great hotay haiN jo apni ghalati ko tasleem karkay apnay ghalat behaviour /ilfaaz par maafi maang laiN... mujhay zati taur par apkay in ilfaaz say sakht sadmah pahoncha thaa... sirf iss liyeh k ap jaisay mohibbay islam ki zubaan say yeh tassub bharay ilfaaz adaa howayy thay... agar yehi ilfaaz koi aur xyz kahta to shayad mujhay etna dukh nahi hotaa aur main issay ignore hi kartaa.... Allah karay zubaan ki tarah apka dil bhi iss qism k ghair-islami tassubaat say paak hojaa.ay aameen
discussion kissi bhi issue par ki jasakti hai magar tahzeeb k dairay main rahtay howay aur har qism k tassub say balaa tar hokar to iss main koi borayee nahi k kissi bhi shakhsiyat /policy par tanqeed ki jaa,ay
jahaaN tak indian punjab say pakistani punjaab aanay walay "mohajir punjabiyouN" ki khasoosi abaad.kaari ka talluq hai to yeh iss liyeh nahi kia gaya hogaa k iski "zaroorat" mahsoos nahi howi hogi... kiyouNkay yeh "mohaajereen" apnay hi soobah punjab k aik part say doosray part maiN aa.ay thay. dounouN taraf onki rishtah daariyaaN theeN. aur woh "hijrat" karnay k bawajood "new-sarzameen" par ajnabi nah thay... same soobah, same zuban, same culture plus azeez o rishtah daar bhi apnay.... iss liyeh yeh punjab maiN har jagah easily adjust hogayee aur 'local punjabiyouN' aur 'mohajir punjabiyouN'maiN munn o tou ka koi sawaal hi nahi oThaa... hafeez jalandhry houN yaa zia ul haq... yeh sab migrate hokar aa.ay magar yahaaN aanay k baad onhaiN kabhi "feel" hi nahi howaa k woh yahaaN ajnabi haiN.
urdu speaking mohajir.ouN ka maamlah doosra thaa.... woh india k mukhtalif soobouN say pakistan (punjaab, sindh, bengal) aa.ay... in soobouN main say kissi ki zubaan bhi "urdu" nah thee... yeh mohajereen, zuban, libaas, culture har lehaaz say "locals" k moqaablay maiN judaa thay.... sirf aik islam aur pakistan qadray mushtarik thaa... lehaza fitree taur par aik ajnabi sarzameen, ajnabi zuban, ajnabi culture maiN yeh oss tarah mix-up nahi hosaktay thay jiss tarah "punjabi mohajir easily hoga.ay.... hosakta hai k tab ki hakoomat ko yeh "khadsha" ho k kaheeN yeh "ajnabiyat" kissi tasadum ki shakal ikhteyaar nah karlay. lehaza yeh monasib samjha gaya hoga k inki abaad.kaari kartay howay inhaiN "alag say abaad" kia jaa.ay...... east pakistan maiN bhi yehi howa... wahaan DHAKA maiN mirpur aur muhammad pur k naam say 2 new bastiyaaN abaad hoween jahaaN urdu-speakings abaad howay...... west paksitan maiN bhi urdu speaking mohaajiroun nay karachi ka rukh kia k yeh pahlay sindh ka city nahi balkay federal capital thaa aur yahaaN har zubaan k bolnay walay maujood thay (punjabi, sindhi, bengali, paThan, balochi) aur inki bahmi raabitay ki zuban urdu thee... doosri wajah karachi main mohajirouN ki abaad.kaari ki wohi thee jiskay liyeh deger log apnay apnay soobay say karachi shift howay, yaani molazmat /karobar k behtar mawaqay.... youN aik fitree tareeqay say karachi main mohajirouN ka ijtemaa hogayaa......
yahaaN MQM ki takhleeq aik ghair fitree andaaz maiN howi jiski already main likh chuka houN.
maiN omeed kartaa houn k babaer bhai ab ap ki uljhan kissi nah kissi had tak door hogayee hogi... waisay bhi zuban o color, imarat o ghurbat ki bunyaad par mosalmaanouN maiN tafreeq o tassub karnay walaa...aik hadees ki zubaan maiN ... ham maiN say nahi hai....
Allah hum sab ko islamic taleemaat par dil ki gahraiyyouN say amal ki taufeeq day aameen |
|
Seemi
|
Group: Members Joined: 11th Sep, 2007 Topic: 14 Post: 3817 Age:
28
|
|
| Posted on:25th May 2010, 10:03am |
|
| |
Mohajreen ki abaadkaari re: jahaaN tak indian punjab say pakistani punjaab aanay walay "mohajir punjabiyouN" ki khasoosi abaad.kaari ka talluq hai to yeh iss liyeh nahi kia gaya hogaa k iski "zaroorat" mahsoos nahi howi hogi...
Mein myrizvi bhai se ikhtalaaf karti hon. Punjabi mohajreen apni marzi se abad nahin howe thay balkey un ko itna hosh hi nahin tha or na kisi ki sarparasti hasil thi k woh apni marzi ka soch saktay. unhein to jahan sir chupanay ki jaga mili or jahan janay or jis train mein sawar honay k order milay woh wahin chalay gaye. Distt muzafargarh, multan, Layyah, or yeh sari belt mein mohajreen aisay hi baad howe.
Jabkeh India ki deegar riyasaton (Hyderabad, Behaar etc..) se hijrat karnay walon ko wahan k siyasi leadraan ki sirparasti hasil thi (Sirparasti is sense mein keh saktay hien k un leaders ko apnay ilaaqay k mohajren k masayil ka andaza tha or unhon ne un ko hal karnay mein dilchaspi zahir ki) or unhon ne agay barh kar un mohajreen ki Karachi mein abaadkaari mein hisa liya kyon Karachi us waqt Pakistan ka sab se taraqi yafta city tha. or central hub honay ki waja se bhi mohajreen ki aksariyat ne karachi ka rukh kiya. |
|
myrizvi
|
Group: Members Joined: 20th Apr, 2008 Topic: 130 Post: 7702 Age:
55
|
|
| Posted on:25th May 2010, 10:23am |
|
| |
seemi hosaktaa hai k ap sahih kah rahi houN... kiyouN kay mujhay exact ilm nahi k mashriqi punjab say aanay walouN ki proper aabaad kaari howi yaa nahi... agar nahi howi to yaqeenan ghalat howaa... as a mohajir, onhaiN bhi proper abaad kia janaa chaahiyeh thaa. i agreed wid u.
lekin yeh bhi haqeeqat hai k mashriqi punjab k mohajereen jiss asaani say punjab maiN absorb hogayee (same zuban, same culture ki wajah say)... oss asaani say urdu speaking mohajir punjab maiN kaseer tadaad maiN absorb nahi hosaktay thay... go k qaleel tadaad maiN punjab aur NWFP maiN bhi yeh log absorb ho.ay.
|
|
Bewaqoof
|
Group: Members Joined: 19th Sep, 2010 Topic: 263 Post: 4444 Age:
39
|
|
| Posted on:25th May 2010, 4:09pm |
|
| |
great log re: "ghalati sab hi kartay haiN... magar woh log great hotay haiN jo apni
ghalati ko tasleem karkay apnay ghalat behaviour /ilfaaz par maafi maang
laiN..."
agree with myrizvi
|
|
For More Detail Click On Page No: 1 |
|
