History Of MQM - MQM Ki Takhleeq (Pasay Manzer)

MQM k baray maiN meray khayaalaat koi Dhakay chupay nahi... taham iski "takhleeq" kay haqaaiq say shayad aksar log bilkhasoos "non-urdu speaking" khawateen o hazraat agaah nahi hain. lehaza haqaiq peshay khid mat hain

Pasay Manzer:

1. (nawaab.zadah) liaqat ali khan, woh pahlay pakistani hukmraan haiN jinhouN nay pakistan ko american god maiN dalaa...onhaiN pahlay russia visit karnay ki dawat mili...lekin onhouN nay iss dawat ko pasay pusht daal kar amerika say "dawat namah mangwaya" aur pahlay usa ko visit kia.... halaaNkay dounouN super powers thay, dounouN non-muslim thay...lekin aik paRosi thaa aur doosra kosouN door...lehaza pahlay paRosi say talluqaat bannay thay phir kissi aur say jaisaa k india nay kia.

2. pakistan banaanay main india k on elqaoun k muslims nay zeyadah zor o shor say work kia, jinhaiN "pata" tha k agar pakistan banaa to bhi onka 'elaqah" pakistan maiN shamil nahi hogaa... onhouN nay hi pakista bannay say pahlay aur baad sab say zeyadah quraabaniyaaN deeN.... muslim aksariyati elaqay (like west pakistan n east pakistan) k mustaqil muslim bashinday to raat ko araam say so.ay aur subah oThay to pakistan ban chuka thaa.

3. india k aqliati muslims k issi "jurm" ki sazaa wahaan k hindus nay onpar zulm o sitam Dhanaa shooroo kardia... lehaza woh pakistan ki mohabbat + hindu k zulm o sitam k baaes pakistan ko hijrat karnay lagay... lekin yeh "shaheeday millat" liaqat ali khan hi thay jinhouN nay jald hi "hijrat" ko roknay k liyeh west pakistan ki saradaiN band karnay ka elaan kia aur kahaa k ab jo jahaaN hai, waheen rahay....... woh to onki maut aisee howi k logouN ki hamdardiyaaN onkay saath hogayeen aur woh "shaheeday millat" ban gaye.

4. urdu-dpeaking mohajir.ouN ki aksariyat nay east pakistan hijrat ki... aur bengladesh ki mokhalfat maiN "punjabi army" k saath bharpoor jaan o maal ka nazraanah pesh kia...aisay waqt main jab 'moqami bengali' k liyeh 'punjabi' gali ban chuka thaa aur apni zuban o culture o uniform k baaes onhaiN east paksitan main koi panaah nahi mil sakti thee agar wahaaN k urdu-speaking bashinday onki help nah kartay aur son-of-the-soil bengali say "baghawat" nah kartay... aur sirf aur sirf islam n pakistan ki mohabbat maiN "punjabi army" ki pesht panaahi nah kartay.......... farz karaiN k east paksitan k urdu speaking 'apnay mohsin bengalis' ki taraf hojatay....jinhouN nay onki hijrat k waqt onhaiN welcome kaha thaa ... to kia hotaa........ jo 92,000 fauji india maiN "qaid" hokar wapis aa.ay woh bengaal hi ki sarzameen main dafan hochukay hotay.... aik taraf say bengali maartay (bengali ko nah urdu aati hai aur nah punjabi)..... doosri taraf say urdu speaking 'punjabi army' ko ghair kar bengali /indian army k hawalay kartay k yehi log armi ki zuban samajhtay thay aur army inki zubaan.... koi single punjabi army east pakistan say zindah wapis nahi aasakta thaa... yeh sab "urdu speaking mohajerouN" ki wajah say howaa...... jabkay saqootay Dhaka maiN west pakistani hukmraan /army generals, beaurocrats shamil thay.

5. west pakistan aanay walay urdu speaking pooray pakistan main "abaad howay"... khaah woh lahore ho, faisal abad ho, sukkur ho, hyderabad ho, yaa mirpurkhas........ albattah jiss tarah pesha war say zeyadah paThan karachi maiN abaad haiN, laakhoun punjabi karachi main abaad haiN....... karachi k port city, tejarti city, karobaar o molazmat ki wajah say issi tarah........ urdu speaking bhi molaazmat o kaarobaar ki khaatir karachi aa gaye... tab karachi capital bhi thaa aur sarkaari asaamiyaaN bhi khali theeN

6. saqootay Dhaka k baad aur qabal bhi east pakistan say 'urdu-speaking' bashindouN ka inkhila howaa... sahibay hasiyat log by air, kuch by ship karachi aa.ay...... aur bahoot say log via india-nepal-karachi jiss tarah aa.ay woh aik alag daastan hai

Peshay Manzer

above pasay manzer main karachi maiN "urdu speaking" ka aik natural ijtemaa howaa.... jabkay yahaan pakhtoon, punjabi bhi mahaz molazmat aur karobaar ki khaatir aa.ay...

ab aatay hain MQM ki takhleeq ki taraf......... yeh concept saraa sar ghalat hai k MQM karachi k urdu speaking baashindouN nay "banaayee".... karachi k baashindouN ko to "zabardasti" MQM ka tohfah dia aur woh bhi aik punjabi hukmraan nay

1. MQM say qabal 8 saal tak karachi maiN APMSO (altaf group) qaaim rahi... aur iss nay kabhi bhi kissi aikcollege maiN bhi election nahi jeetaa.... goya apni 'free-will' k tehat karachi k urdu speaking bashindouN nay altaf group ko reject hi kia.... wazah rahay k "karachi-central" (lalu khait fame) pakistan ka woh wahid district tha /hai jahaaN urdu-speaking ki bhari aksariyat hai, jahaan literacy rate 100% hai aur jahaaN say pakistan ki har qaumi tahreek ka aghaaz howaa karta thaa (MQM bhi yeheeN say banaayee gayee)... yeh wohi lalu khaiti haiN, jinkay baray main poet nay 1977 main kahaa tha k...

nah amerika k gorouN say, nah africa k kaaloun say

sabaq jamhooriyat ka seekh laalu khait waloun say

2. pakistan toRnay ki saazish main shareek "punjabi journals" hi ki nasal main say aik "punjabi dictator gen zia" nay karachi ki issi khasoosi ahmiat ko "khatam" karnay aur yahaan "islami /qaumi rung" ko khatam karnay k liyeh ISI k zariyeh MQM ki bunyaad Daali

3. tab sindh k CM ghaus ali shah thay... yeh 'sindhi" aj bhi gawahi detaa hai k MQM gen zia nay onkay haathouN say ISI ki planning say banwaayee.... aur "urdu speaking mohajirouN" ko yeh laaluch dia k 1) 2.5 lac behariyouN ko pakistan laya jayega... 2) sirf soobah sindh main raij quota system (jo mohajirouN k khilaaf bhutto nay banwayaa tha) khatam kia jayegaa....... yeh 2 naaray altaf group ko diye gayee jo ajtak naaray hi rahay

4. MQM ki tashkeel main jiye siundh /g.m.syed nay bhi bharpoor madad ki... takay urdu speaking ki madad say sindhu desh ka khaab ki taabeer mil sakay... sindhi iss khaab ki tabeer main nakaam rahay thay

5. MQM ko aslehaa ANP k paThanouN nay dia, shelter (punjabi) ISI nay di.... iss tarah urdu speaking mohajiroun ki marzi k beghair punjabi, pathanoun aur sindhi.youN nay karachi ko zabar.dasti "mosallah MQM" k hawalay kardia.... jin mohaajiroun nay MQM ki mokhalfat ki onhaiN tah taigh kardia gayaa... 50,000 mohajir naujawaan qatal kiyeh gayee, hakeem saeed, muhammad salahuddin, samait nomyaaN urdu speakings ko bhi qatal kardia gayaa

ab koi aqal ka andha batlaa.ay k MQM ki tashkeel main karachi /hyderabad k urdu speaking mohajir awaam ka ketna haath hai aur pakistan dushman punjabi journals, pakhtoonistan o sindhu desh k naroun walay paThaan o sindhiyoun ka ketnaa haath hai

aj bhi karachi maiN free n fair election karwaa kar dekh liyeh jayaiN... MQM ko sindh /pak ki hakoomat say alag karkay, polling booths main army ko ta.ayyunaat karkay......... pata lag jayegaa k MQM ketnay paani maiN hai aur yahaaN k urdu speaking awaam ki soch kia hai

MQM ki takhleeq

Tareegh ka talgh sach !

pakistan toRnay ki saazish main shareek "punjabi journals" hi ki nasal main say aik "punjabi dictator gen zia" nay karachi ki issi khasoosi ahmiat ko "khatam" karnay aur yahaan "islami /qaumi rung" ko khatam karnay k liyeh ISI k zariyeh MQM ki bunyaad Daali.

Rep:Tou iss ka matlab tou yea hoa keh Zia na sirf islam kay ghilaf tha balkeh Pakistan as a qouam kay bhee khilaf tha oar issi lihai islami oar qoumi rung ko karachi mein khattam kernay k lihai ISI ki maddad say MQM banani Parhi!!!!

Her waqat Zia so call mard e Haq mard e momin Zia kay gon ganay walay dahain bazoo kay loaqoon per ajj yea haqeeqat aashkar hohee.....behter hota keh iss pase manzar mein Tehreek e Pakistan kay leader Liaqat Ali khan ko burra bhala kehnay kay bjai Zia ka mohasba kia jata jiss nay USA keh kehnay per Pakistan ko apnay hi parosi superpower ki jang ko ghaseeta jiss ka ghomiaza ajj tak hum bogat rai hain......... 

seyasi tajzeya nigari???

seyasi tajzeya nigari ka matlab yeh nahi hota k abc ki "hamd o sana" ki jaa.ay aur xyz par tabarra baazi ki jaa.ay........ go k aksar (so called) tajzeyah nigaar aisaa hi kartay haiN.

zia ho, bhutto ho, musharraf ho, quaid e Azam houN, liaqat ali khan houN yaa aj k nawaz shareef and zardari........... as a rulers in logouN nay kuch achay kaam kiyeh haiN aur kuch ghalat kaam........ jinkay ghalat kaamouN ki tadaad zeyadah ho, yaa onkay ghalat kaamouN ki shiddat /asar pazeeri bahoot zeyadah ho.... aisay seyasat daanouN ko as a whole condemn to kia jana chhaiyeh magar tareekhi haqaiq ko maskh kartay howay aisay logouN k achay kaam ko bhi achaa kahnaa chhaiyeh.........

jaisay bhutto aik bahoot boraa seyasat.daan thaa......jo iqtedar k hasool ki gharz say apnay hi mulk k 2 Tukray karnay ki saazish maiN saray fahrist thaa....... bhutto bad character ka aadmi bhi thaa, khud iqrar karta thaa k maiN sharabi houN... aik club dancer ki bety say doosri shadi karnay k bawajood bar saray iqtedaar bhi female singers par luTTo hojaya karta thaa... pakistan main apnay hi party k bandouN ko "sazaa" dilaanay ka aghaaz bhutto hi nay kia jissay orooj par MQM nay pahonchayaa. aur bil aakhir apnay hi party k aik MNA k baap k qatal maiN aalaa adaaltouN say phansi ki sazaa paa kar apnay anjaam ko pahonchaa.............. iskay bawajood bhutto k achay kaamouN ko "jhuTlaya" nahi jasaktaa. woh pak k atomic mansoobay ka baani thaa... oss nay yahaaN k ghareebouN maiN khud etmaadi paidaa ki... middle east main pakistaniyouN k daakhlay ki raah hamwaar ki etc etc

issi tarah zia aik bahoot acha hukmraan tha.... oss nay pakistan ko islami rung maiN rungnay ki bharpoor koshish ki... nizamay zakaat qaaim kia, nizaamay salaat qaim kia...ramzan maiN din maiN hotels band karaa.ay... press clubs, fauji mess, aur deger aalaa adaroun main sharaab ki serving ko band karayaa...khud 5 waqt ka namazi thaa. pakistan ko atomic power bananay ki takmeel ki..jehaday afghanistan ko kaamyaab karatay howay ussr ki pakistan k raastay / balkay pakistan ko rondtay howay garam paniyouN tak pahonchnay ki koshish ko nakaam kartay howay ussr k Tukray TukRay kardiyeh aur youn wasti asian muslim states dobarah azaad howeeN, jo zia hakoomat ka sab say bara kaarnaamah hai........warnah ussr k hathouN pakistan ka hashar iraq /afghanistan say bhi bora hotaa jaisaa k wasti asian muslim states ka russian qabzay k baad howaa thaa.............. iskay bawajood oski seyasi ghalatiyoun par pardah nahi dalaa jasaktaa jaisay........ osnay PPP ki okhalfat maiN jiyeh sindh /g m syed ko galay lagayaa... buGhzay jamatay islami maiN karachi maiN MQM ki tashkeel ki.... buGhzay JI maiN MQM ki tashkeel zia ka sab say baRa seyasi gonaah hai

seyasi tajzeya nigari ka matlab yeh nahi hota k abc ki "hamd o sana" ki jaa.ay aur xyz par tabarra baazi ki jaa.ay........ go k aksar (so called) tajzeyah nigaar aisaa hi kartay haiN.... in dounouN main farq ko malhooz rakhna baray dil gurday ka kaam hai.... apnay mamdooh ki khamiyaaN aur apnay dushman ki khoobiyaan ginwana koi asaan kaam nahi

Seyasi Tajzia ya Seyasi Kalabazi

Pehlay app nay kaha keh Zia nay karachi mein islami oar qoumi rung ko khattam kernay k lia ISI ki maddad say MQM bani.

Phir app nay kaha "issi tarah zia aik bahoot acha hukmraan tha.... oss nay pakistan ko islami rung maiN rungnay ki bharpoor koshish ki.

App ko Mr.Zia Pakistan ko kaheen islami rung mein rungany ki pharpoor koshish kertay nazar aatay hain tou kaheen Mr.Zia hi Pakistan mein islami rung ko khttam kertay nazar aatay hain.

Kia app yea kehna chahtay hain keh Mr.Zia aik monafiq insan thay,jiss kay nazdeek islam say zeada iqtadar ki aihmihat thi keh iqtadar k lia woo islami rung ko khattam kernay ki koshish mein sarkarda bhee raha?

haqaiq ko choRo aur lufzouN ko pakRo

wow love bird, apki bhi kia baat hai... hats off 2 u :)

1.MQM ka haqaiq namaa.... no single comments in favor /against of above mentioned comments.

2. zia daur ka haqaiq namaa... no single comments in favor /against of above mentioned comments.

3. bhutto ka haqaiq namaa ... no single comments in favor /against of above mentioned comments.

bus 'fil.badeeh' likhay gayee jumlouN /fiqrouN maiN say aik "fiqrah pakaR" kar osay hi peeT rahay haiN... fiqrouN ki twisting ka yeh fun yaqeenan apnay Bewaqoof hi say seekha hogaa lol

myrizvi

Maazrat ka sath kehna paRhta hy keh app ka article kissi bhee tarah kay comments kay kabil naheeN yea kissi Jamat e Islami kay tankhadaar sahafi ki kalm ka shaksana nazar aata hy jiss nay apnay malik ka khoub haq e namak adda kia hy article mein jagah jagah BoGhaz e  PPP oar MQM nazar aata hy waheen J.I oar Zia kay lia bepanah mohabbat  nazar aati hain.Tou aisay Janibdar articles per koun tabsara karay.?

Abb iss baat ko hi lain keh app kehtay hain "buGhzay JI maiN MQM ki tashkeel zia ka sab say baRa seyasi gonaah hai" keh jamat e Islami kay ghilaf kissi jamat ka wajood gohea islami rung ko khattam kernay kay brabar ...lol

Zia ka sab say barah syasi gunnah koun sa hy yea jaan ker mujjay bohat hansi aahi.App ko Mr.Zia kay hathoon PPP kay hazaroon logoon ka qatal bhee syasi gunah naheen laga.

mein nay fiqroon ko twist naheen kia app kay article ka tazad batya hy jiss ko app filbadeh keh ker daman bacha gai .

JI k tankhah daar sahafi!

Allah karay JI walay apki yeh safarshi satoor paRh kar meri tankhaah baandh daiN... magar apsay darkhaast hai k onhaiN meri below post maiN JI chief Munawwar Hassan par yeh comments hargiz nah dikhaiyyega warnah.... ap apni "safarish" k side- effects k khud zimmah dara hongay lol

Imran Khan & Qazi Hussain Ahmed Ka Mustaqbil Kia Hai

Qazi ghaib, Munawwar haazir

to ab qissah e pareenah ban chukay haiN........ ab onki jagah maidan maiN

syed Munawwar Hussain qadam ranja farmaa chukay haiN... zara mausoof ki biography molaahzah farmaa.iN

1. leftist student tanzeem NSF k president thay aur issi plateform say KU union k sadar elect howay.

2. PU ki tarah KU par bhi JAMIAT ka "qabzah" rahaa hai... KU k mostly union election maiN (except 2/3) JAmiat bhari aksariyat say jeeti......... chunaanchah syed Munawwar hassan nay "next-year" iss shart par jamiat maiN 'enter' howay k onhaiN hi next sadarti candidate banaya jaa.ay... aur aisaa hi howa...woh KU k next president Jamiat k plateform say jeetay aur jamiat pakistan k naazimay aa'aalaa bhi banay.......... hussain haqqani bhi jamiat hi k plate form say KU union k prtesident banay thay...

3. syed Munawwer hassan karachi jamaa'at k Ameer banay to inki wife aisha munawwer karachi jama'at khawateen ki nazimah bani........ in dounouN k dauray imarat hi maiN....... karachi jama'at k haathouN say nikal kar MQM k hathouN maiN chalaa gayaa

4. syed Munawwer hassan ... daily Jang-fame maroof shia poet /danish.wer aur MQM k "founder" Raess Amrohwi k cousin haiN... mobayyanah taur par munawwar hassan shia say 'convert' hokar sunni banay haiN...

5. aisha munawwer ki family bhi mobayyanah taur par shia say convert hokar sunni bani hai.......Allah miyaaN nay kia joRi banaaye hai

6. jamatae islami k yeh dounouN hasnain (Qazi hussain & munawwar hassan) imam khumeni k irani inqilaab k baray FAN haiN... qazi sahab ko to iran main islam hi islam nazar aataa hai... irani bhi inki baRi aa'o bhagat kartay haiN...... pakistan main jetnay bhi "deeni jamatouN k intekhaabi ittehaad" banay haiN in sab maiN JI nay khas taur say "tahrrekay nifazay jafaria pakistan"  ko zaroor shamil rakha hai ....... shayad JI ko jawaban "tahreekay nifazay hanfia iran" ki bhi koi "khufia offer" howi ho... wallaho aalam....

7.sadar  musharraf k khilaaf "mushtarkah jiddo johad" k liyeh Munawwer Hassan sb benazir bhutto ko "manaanay" ki khatir paris bhi gaye thay aur kai roz wahaaN BB say molaqaat ki ijazat k 'muntazir" rahay...magar BB nay iss "molvi" say milnay say inkaar kardia (see newpapers of dat periods)

8. sadar zardari jinka talluq aik shia family say hai........ k sadar muntakhib honay k baad syed Munawwer hassan ka bayaan akhbaar ki zeenat banaa k sadar zardari ko hatana 'qaumi maslay" ka hull nahi

9. wazah rahay k JI rewayti taur par PPP ki aik mokhalif seyasi party hai..... seyasi taur par bhi aur nazaryaati taur par bhi..... JI nay PPP ki pahli z a bhutto hakoomat k khilaaf bharpoor mozahmat ki aur tab parliment maiN iskay 4 MNAs nay bhutto ka natqah band kar rakha thaa........ bhutto k khilaaf PNA ki tahreek amalan JI hi ki street power say chali thee jiskay baaes bhutto iqtedaar say mahroom howay aur bil.aakhir phansi par chaRhay.....

10. bhutto k baad qaaim honay wali (anti bhutto) zia hakoomat maiN JI shareek rahi, iskay afraad wazeer bhi banay

11. bhutto nay bhi JI k khilaaf bahrpoor taqat use ki..... JI k markaz mansoorah lahore par chapaa marwayaa aur wahaaN say bhari asleha "bar.amaad karwayaa"...... jiski "khabar aur tasweer" pakistan k information department nay jari ki aur jissay bah zoray power tamam akhbaraat maiN same size /colum maiN shaya karwaya gayaa.

12. bhutto nay opposition k deger leader samait JI k leaders par bhi zulm Dhayaa... onhaiN jail maiN band kia aur JI k "molvi qayadat" ko tawaifouN k saath biThlaa kar tasweer khichwayee gayee (see news papers of that periods).... iss main JI tanhaa nah thee balkay deger tamam  mazhabi opposition leaders shamil thay.

13. yehi JI apnay hasnanin ki qayadat maiN BB, PPP, zardari ki "mohabbat" maiN mubtalaa hogayee........ hai naa hairat ki baat........

My Rizvi Sb

Sab say pehlay tou meiN app ka Tah e dill say mamnoon hooN keh app nay meri rai per aik baar phir izhar kia oar meri kissi baat ka burra naheeN manaya. Tabhi app nay likha

Allah karay JI walay apki yeh safarshi satoor paRh kar meri tankhaah baandh daiN....

Rep :Aameeen !

App nay apni post mein jo reference dia oas mein app nay baja toar per Jamat e Islami ki qyadat per sakht tanqeed ki.Magar meray bohat hi fazil dost shahid app bhoal gai keh Molana Ameen Hassan islahi say laiker Dr.Israr Ahmed Tak oar Professor Rafi ullah Shahab say laiker Irshad Ahmed Haqqani tak kahee aisi hastian hain jin ka Jamat islami say kabhi taouloq tha magar qiadat kay ikhtalf per alaq hogai.

Magar kissi nay kia khoub kaha keh "banda jamat e islami say nikkal jatta hy magar jamat e islami banday mein say naheen nikalti"…lol

Jamat e islami say taouloq kissi sharmindagi ka bahis naheeN khaw woo mojoada hoo ya yad e mazi ka azab..lol

Mujjay Mr.Bewakoof iss lehaz say achay laqtay hain keh woo apni syasi wabistagi ka barmala izhar kertay hain jaisay Mr.Paroot apnay maslak/mazhab ka barmala izhar kertay hain magar app mazrat kay sath dosrooN ko tou kehtay haiN keh apnay Nazriat khas ker mazhabi  onhain mat chopain magar app khoud maslaki oar syasi nazriat mein khoud ko aik raaz ki tarah rukha hoa hy.

Mujjay afsoos hy keh humari discussion say yea thread pase manzar chala gia hy oar paishe manzar app oar meiN reh gai haiN jo yaqeenan Bewakoof oar MQM lovers ko acha naheeN laqay ga .

love bird

discussions main boraa maannay walay sehat.mand discussions k 'ahal" hi nahi hotay... issi liyeh maiN boraa nahi maantaa khaah koi mujh par "ilzaam" hi kiyouN nah lagaayee...... apnay mujh par "JI ka tankhaah daar sahafi" honay ki phabti kasi to main nay iss ilzaam k jawaab main apni above tahreer pesh ki.... agar ab bhi ap apnay 'ilzaam' par qaim hain to shayad apka yeh ahmaqanah khayaal ho k jo seyasi parties tankhaah daar sahafi paalti haiN..... woh apnay 'tankhaah daar' ko apnay leaders k khilaaf likhnay ko bhi allow karti haiN lol

above post actually main nay Ch Baber k iss ilzaam  part start kia thaa k karachi maiN MQM ki harkatouN k zimah daar liaqat ali khan haiN jinhouN "urdu speaking jaisee qaum" ko pakistan bolwaa kar karachi main issi maqsad k tehat basayaa...... mausoof nay meri above reply ka jawaab nahi dia to main nay issay aik alag thread k zariyeh yahaan post kia to love.bird vs myrizvi mokaalmay maiN asal topic pasay manzar aur yeh dounoun peshay manzar main aa gaye lol

aaj ka karachi

1. qayamay pakistan k waqt karachi pakistan ka capital thaa. lekin jald hi makhsoos maqaasad k liyeh islamabad muntaqil kardia gayaa aur as a capital karachi city ko hasil wafaaq ki grant /sahooliyat etc khatam hogayeeN.

2. qayamay pakistan k waqt bhi karachi koi bahoot zeyadah "taraqqi yaaftah shahar" nahi thaa... darul khilafah ki islamabad muntaqli k baad to yeh shahar mazeed qahtul rijaal ka shikaar hogayaa..... iss city ka mukhtasar saa jugrafia  tha, aur iss city k 'original n mustaqil bashinday' mukhtalif qadeem bastiyouN main abaad thay. down-town mahaz sadar taa tower par mabni thaa jahaaN kuch tijarti sargarmiyaaN howaa karti theeN.

aaj ka taraqqi yaaftah karachi...... haqeeqatan yahaan "bahar" say aanay walouN par mushtamil hai... sab say pahlay urdu speaking mohajir india say migrate karkay aa.ay.... yeh white collar job karnay walay baboo type log thay, lehaza inhoun nay issi qism k kaam /jobs start kiyeh.... iskay baad sarhad say paThanouN nay iss shahar ka rukh kia... in maiN say beshtar mazdoor tabqah k log thay... inhouN nay karachi city ki tameer o taraqqi main bharpoor hissah lia. beshtar nay har qism k chotay motay kaamouN ko sambhalaa jabkay paisay walay paThanouN nay transport sector maiN enter howay aur dekhtay hi dekhtay pooray karachi ki transportt par chaa gaye....

teesray number par yahaan parhay likhay, taajir pesha punjabi hazraat aa.ay... including punjabi saudaagaraanay delhi... bahoot say punjabi families ko to yeh shahar etna bhaya k woh mustaqlan yahaan iss tarah abaad hogaye k wapsi ka rastah bhi bhool gaye. inkay yahaan paida honay walay bachay apni mother tongue punjabi ko bhi bhool gayee. aur in gharanoun maiN urdu boli jaanay lagi... in logouN nay karachi k urdu speaking gharanoun maiN shadiyaaN bhi keeN........ chautahy number par ... bhutto k barsaray iqtedaar aanay k baad yahaaN sindhi beradri bhi kaseer tadad main aayee... qabl azeen karachi main sindhiyoun ki tadaad atay main namak k barabar thee aur woh apnay goth (village) say bahar nikalnay ko "pardes" jana tasawwer kartay thay. 1971 k fall of dhaka k baad marhoom east paksitan say bhi kuch behari /urdu speaking mohajir aa.ay. inhoun nay bhi yahaan aatay hi sarkaari imdaad k beghair karachi ki taraqqi bilkhasoos taleemi taraqqi main bharpoor hissah lia. 1971 hi maiN karachi main moqeem kuch bengali baashinday jo zeyadah tar pak navy main thay yaa deger mazdoor pesha thay... aksar yahaaN say bengladesh chalay gayee.... 1980s maiN afghanistan maiN russians ki amad k baad wahaaN k paThan bhai bhi kaseer tadaad main karachi maiN enter howay aur woh rewayti taur par apnay saath aslehaa /heroin laa.ay... iss tejarat main bhi onhouN nay khoob kamayaa aur indirectly karachi ki "taraqqi" maiN apna hissa Dalaa.

lehaza agar aqal o insaaf say dekha jaa.ay to aaj ka taraqqi yaaftah...pakistan ka sab say baRa city ban gaya jo pakistan ko sab say zeyadah revenue denay wala city ban gayaa....... yeh sab kuch on logouN nay kia jo beshtar karachi say bahar say aa.ay thay, khaah woh urdu speaking mohajir houN, punjabi houN, pathaan houn yaa sindhi....... aur in sab ki amad ki wajah say yahaaN k qadeem bashinday bhi upgrade /uplift howay.

karachi maiN daulat ki farawani

My Rizvi Sb

i) above post actually main nay Ch Baber k iss ilzaam  part start kia thaa k karachi maiN MQM ki harkatouN k zimah daar liaqat ali khan haiN .

ii) mausoof nay meri above reply ka jawaab nahi dia to main nay issay aik alag thread k zariyeh yahaan post kia

Reply: Najanay q Choudhry Babar iss thread meiN aana naheeN chahtay app nay aik oar thread mein bhee oan ko yahaN madhoo kia magar jawab nadarad.punjabi mein kehtay hain na:Wajia mariaN bolia kahee waar kissay nay meri gul na sonni.......

Babar sb kay na aanay ki wajah say Mr.Bewakoof bhee nahee aarahy donoN ka choli daman ka sath jo Thehra.Aik oar mohterma mujjay oan ka nam yad naheeN aara woo aisay thread mein zaroor participate kerti hain magar woo bhee iss thread mein qadam rukhnay say shahid ghabra rahi haiN .

Oar kohee na sahee hum tou haiN....

aaj ka karachi

ko kafi informative paeya oar iss thread ki dosri posts ki nisbat Ghairjanibdaar laqa khasoosun yea ilfaz "lehaza agar aqal o insaaf say dekha jaa.ay to aaj ka taraqqi yaaftah...pakistan ka sab say baRa city ban gaya jo pakistan ko sab say zeyadah revenue denay wala city ban gayaa....... yeh sab kuch on logouN nay kia jo beshtar karachi say bahar say aa.ay thay, khaah woh urdu speaking mohajir houN, punjabi houN, pathaan houn yaa sindhi....... aur in sab ki amad ki wajah say yahaaN k qadeem bashinday bhi upgrade /uplift howay.

very nice

Magar aik jagah app likhtay haiN 1980s maiN afghanistan maiN russians ki amad k baad wahaaN k paThan bhai bhi kaseer tadaad main karachi maiN enter howay aur woh rewayti taur par apnay saath aslehaa /heroin laa.ay... iss tejarat main bhi onhouN nay khoob kamayaa aur indirectly karachi ki "taraqqi" maiN apna hissa Dalaa.

Heroin oar aslehaa ki tijjarat kernay waloon jiss tarah is city ki "taraqi" meiN hissa dala wo iss cheez ka motaqazi tha keh iss per mazeed roshni dali jati oar batea jata keh iss kalashunkoof+Heroin culture nay humhain kitna tabah kia magar mera mohterm fazil dost tareegh kay iss moRh per aankhain band ker kay khamoshi say aagay chala gia......

asleha n heroin in karachi

1. iski tijarat say "black money" ka aik flood aayaa karachi maiN. iss "black money" nay bhi karachi "tameer o taraqqi" maiN bharpoor hissah lia.... issi say baray baRay plaza banay, hosing societies baneeN, kuch transport /industries ki taraf bhi yeh sarmaya muntaqil howaa... "black money" ka yeh "contribution" karachi ko mazeed "taraqqi" ki manazal tak lay gayaa....

2. heroin ki asal market to usa /europe thee... afghanistan main bannay /tayyar honay wali heroin (jiski machinery n raw chemicals bhi wohi momaalik supply kartay thay) ko afghani /pakistani paThanouN k aik group nay via pakistani sarzameen karachi maiN "stock" kia aur yahaan say 'export" kia.... karachi ka "sohraab goTh" heroin ki zakheerah andozi ka bahoot baRa markaz ban gayaa...jiski "hifazat" k liyeh yahaan baRay paimaanay par aslehaa zakheerah kia gayaa... yeh sohrab goTha ki kachi aabadi purely "pathanouN" (afghani /pakistani) ki abaadi par mushtamil thee aur awami shelter ki gharz say peshawar ki barah market ki tarz par yahaaN bhi aik bara market qaaim thee...

3. zia hakoomat nay "strategic policy" k tehat heroin k iss business ko "undeclared shelter" faraham kia...as earlier mentioned.... heroin ki asal manzil usa /europe thee, jahaaN say iskay badlay maiN (smuglers k zariyeh) pakistan ko kaseer zarray mobaadlah mil raha thaa.... this was just tit 4 tat... k yehi momalik apnay pakistani agents k zariyah pakistan ki daulat yahaaN say illegal bahar lay jaa kar pakistan ko aalmi sahookaarouN ka maqrooz banaayaa kartay thay.

4. taaham heroin pakistani sarzameen say transport honay aur karachi maiN stock honay k sabab iski aik qaleel miqdaar yahaaN bhi chori chupay supply honay lagi aur chotay motay jaraim pesha anaasar issay locally bhi distribute karnay lagay jiss say yahaaN k youngster /burger class walay khasay motassir howay......... jab almi paimaanay par 'sohraab goTh heroin markaz" k khilaaf awaaz boland howi to hakoomat nay majbooran iss markaz k khilaaf "operation clean up" ka elaan kia.... tab sindh k CM zia k chaheetay ... ghaus ali shah thay........ yeh pakistna k woh wahid CM haiN jo CM pahlay banay aur MPA baad maiN banay... mausoof nay bhi heroin say khasa kamayaa... NWFP k tab k governor nay bhi heroin say etna maal kamaayaa k onka naam world k ameer tareen afraad ki fahrist maiN aanay lagaa.

5. sohraab goTh operation clean up k baad heroin ka yeh markaz "ojaR" gayaa. aur yahaaN laya gayaa asleha "locally" farokht kardia gayaa... jissay sab nay khareeda magar MQM nay isay as a party purchase karkay apna mosallah wing ko aik force ki shakal day dee.

6. heroin /asleha karachi tak pahonchnay k yeh side effect thay... heroin ka silsilah to ab madoom hogayaa... lekin MQM ko "milnay wala asleha" nay karachi k law n order situation ko kharaab tar kardia... paThanouN k pass rewayti taur par asleha pahlay hi thaa...

karachi maiN MQM ki tashkeel aik "punjabi journal" ziaul haq k order par ("punjabi ISI" k tawun say) aik "sindhi CM" ghaus ali shah nay ki. aur MQM ko aslehaa ki supply "pathan asleha suppliers" nay kia. ISI supported MQM nay asleha k bal bootay par karachi ko as a whole aur bhari aksariyat "urdu-speakings" ko bilkhasoos "yarghamaal" banaa liaa.... polling booths par qabzah karkay bellot say bhi apnay haq maiN nataaij nikalwaa kar apnay MNAs /MPAs k bal bootay par fed aur sindh hakoomat maiN shamil howay. youN MQM aik aisee kaRwi haqeeqat ban gayee jissay "karachi walay" nah nigal saktay haiN nah ogal saktay haiN.

magar hamaray piyaray bhai "Chaudhry" Baber farmatay haiN....

kash koi Liaqat Ali Khan se pooch sakta k khud to tum mar gay Pakistan k sath ye kya neki kar gay ho. (karachi /pakistan main urdu speaking mohajirouN ko bolwaa kar).... wah kia zuban.dani hai.... pakistan nk pahlay PM ko jo shaheed e millat kahlatay haiN, chury sb farmaatay haiN... khud to tum mar gay

Altaf Hussain and Medical College Addmission Policy

Quota System aur MQM

it's true k APMSO n MQM ki tashkil maiN "mohaajirouN ka ehsaasay mahroomi" bhi aik factor raha hai.

1. "awami leader" zulfiqar ali bhutto nay 4 soobouN maiN say sirf aik sooba sindh maiN dehi-n-shahri ki tafreeq kartay howay sarkari molaazmatouN, peshawaranah taleemi adarouN aur taraqqayati budget maiN "quota" ki bunyaad Daal kar sind k 3 baray shahar... karachi, hyderabad aur sukkur (jehaan mohajirouN ki aksariyat thee) k liyeh ghaleban 20% quota moqar.rar kia... 20 saal k liyeh......

2. MQM k khaliq nay jiye sindh /g m syed ki khahish par 20 saal baad khud bah khud khatam hojanay walay iss quota system ko mazeed 20 saal tak tausee day dee...... wazah rahay k in shahroun main muqemm har 'sindhi bashinday" k pass "dohra domicile" howaa karta hai... aik oskay apnay abaayee interior elaqay ka doosray oss shahar ka jahaaN woh rahta hai...... lehaza woh cake ko dounouN taraf say khaa tay rahay... aur mohajiroun ka ehsaasay mahroomi barhta raha...

3. zia k daur maiN 30 lakh say zayad afghani sirf karachi maiN aan kar abaad howay... magar onhouN nay yahaaN k mohajirouN k bengaldesh maiN mahsoor 2.5 lakh "pakistaniyoun" ko pakistan laanay sasy inkaar kardia... jo pakistan ki mohabbat, pak army ko support karnay k jurm maiN aj tak wahaaN camps main maujodd haiN.

in tamaam haqaaiq k bawajood ... jab MQM karachi, hyderbadad main "barsaray iqtedaar" aayee, sindh /fed hakoomatoun maiN dakhil howi to onhouN nay hi issi quota sytem k khilaaf baat karnay say inkaar kardia aur nah hi 2.5 lakh behariyoun ko pak laanay ki koi bata ki....jabkay iss mad main lakhouN dollars ka fund ab bhi motamir aalamy islami k pass maujood hai....... jabkay JI ki yeh offer ab bhi maujood hai k hakoomat sirf ijazat day... ham apnay kharchay par 2.5 lakh mahsoor pakistaniyouN ko pak lay aatay haiN....... mohajirouN ki hamdard MQM hai yaa JI???

MQM aur med college admission

kota system and Biharies

Aik Dard-e-Dil Rakhny Waly Mohajir Ka Khat....