25.  Male (Mard ka) g spot uska prostate hota hai yeh akhrot kay baraber maq'ad kay sorakh, masaney, aur zakar ki jarr kay darmiyan jism kay ander hota hai. Baher sey nazar nahin aata iss ko bilawasta mushta'il karney kay liye maq'ad kay ander ungli daakhil karni parti hai taa'hum isko baher sey bhi mushta'il kya ja sakta hai. Iss kay liye khusyon aur maq'ad kay darmiyan wali jagah ko mushta'il kya jata hai, isko kaee tarah sey mushta'il kya ja sakta hai ungliyon ki poron sey zor sey dabaya ja sakta hai, mutthi band kar kay ungliyon kay jorron sey dabaya ja sakta hai. Isey ungliyon sey hilaya ja sakta hai isko dabana, chorna, dabana, chorna bhi  lutf angaez hai. Iss jagah ahista ahista zarb lagaee ja sakti hai ooper sey neechey tak chakkar ki surat mein bhi iss hissey per zarb lagaee ja sakti hai. Dakhool kay ba'ad aap khusyon kay neechey iss hissey ko daba kar mushta'il kar sakti hain. Iss sey zakar kuch mota ho jata hai aur inzal der sey hota hai, inzaal kay qareeb iss hissey ko zor sey dabana mard kay lutf mein bohut izafa karta hai. Shuru mein agar yeh hissa zyada hassas na ho to bhi aap kay musalsal mushta'il karney sey hassas ho jata hai.

     26.  Mard jismani tor per jinsi amal kay liye jald tayyar aur inzaal ho jatey hain jab kay aurtein der sey tayyar hoti hain magar ghanton iss hot kaifiyat mein reh sakti hain. Inn donon mein mutabiqat paeda karney ki zaroorat hai warna woh aap kay tayyar honay sey pehley hi manzil ho chuka hoga. Chuna'ncha koshish karein kay jinsi amal ka pehla marhala (foreplay) lamba aur taweel ho iss kay liye apney mian ki tawajjuh jinsi urooj (inzaal) sey muntashir karti rahein maslan uss kay jism kay ooper waley hissey ka massage karein, kabhi uss kay paon kay angoothey ko choosein, taqreeban 30, 45 minutes kay ba'ad aap kay jinsi jazbaat urooj per pohonchein gey aur aap dakhool kay ba'ad orgasm hasil karsakein gi.