Faraj (Vagina)

    Aurat ka teesra hassas hissa uski faraj hai sari faraj hassas nahin hoti bul kay sirf iska baerooni teesra hissa 1 ta 1.5 inch hassas hota hai ba'az aurton kay faraj kay muu'nh (entrance) ki bajaey uski dae'n aur bae'n atraaf zyada hassas hoti hain.

Lub (Labias)

    Aurat ki andaam-e-nihaani kay lub bhi bohut hassas hotey hain, baerooni lub jin per baal hotey hain kam aur androoni surkh lub zyada hassas hotey hain ba'az auqaat androoni lubo'n kay ishtia'al sey bhi aurat orgasm hasil kar leti hai.

Pistaan (Breasts)

    Aurat kay pistaan bhi jinsi tor per bohut hassas hotey hain yani aurtein (1%) sirf inn kay ishti'aal sey bhi orgasm hasil karleti hain. Pistan chotey, barey ho saktey hain magar inn kay size ka aurat ki jinsi hassasiyat sey koi ta'alluq nahin. Choti chaatiya'n zyada aur bari kum hassas ho sakti hain. Pistaan dekhney mein bhi jinsi tor per bohut purkashish hotey hain, inn ka sab sey hassas hissa inn kay nipples hotey hain. Bohut si aurton kay nipples aur andaam-e-nihaani ka bila wasta ta'alluq hota hai chuna'ncha nipples ko mushta'il karna dar'asal vulva ko mushta'il karna hai. Jinsi haejaan mein nipples tunn jatey hain magar doodh pilaney wali aurton mein aisa nahin hota. Ek dilchusp baat yeh hai kay ek nipple nisbatan zyada hassas hota hai, aurat ko iss cheez ka ilm hona chahiyie taa'kay woh jinsi lutf kay liye apney khawand ko bata sakey.