Jinsi Le'haz Se Mardo'n Kay Hassas Hissey (Male Genitalia)

    Mardo'n ka sab sey hassas hissa uska zakar (penis) khusoosan zakar ka agla hissa yani hashfa (glans) jisey zakar ki topi bhi kaha jata hai. Hashfa ka charo'n taraf wala hissa yani us kay kinarey hashfa sey bhi zyada hassas hain. Iss tarah hashfa kay neechey wali jhilli jo hashfa aur zakar ki shaft ko milati hai bhi bohut hassas hoti hai, zakar ka sooraakh bhi bohut hassas hai.

    Zakar kay ba'ad mard kay khusyay (testicles) aur khusyon aur maq'ad kay darmyan wali jagah bhi jinsi tor per bohut hassas hai, maq'ad khud bhi bohut hassas hai, maq'ad kay ird gird ka hissa bhi kafi hassas hai. Prostate ko mardana G spot kaha jata hai. Iss ko bila wasta nahin chuaa ja sakta, isko chuney kay liye maq'ad kay ander ungli daakhil karni parti hai ya phir baher sey chuuney kay liye khusyon aur maq'ad kay darmyan wali jagah ko zor sey dabaya jata hai. Iss kay elawa mard kay kaan, muu'nh, gardan, kandha khusoosan baaya'n kandha, collar bone kay neechey wali jagah, nipples, naaf, reerrh ki haddi ka nichla hissa, raano'n ka androoni hissa, hath aur pao'n kay talwey aur pao'n kay angoothey waghaera bhi jinsi tor per kafi hassas hain.

    Mian biwi ko shaadi kay ibtida'ee dino'n mein hi ek doosrey kay jinsi le'haz sey hassas hisson sey aagahi hasil kar leni chahiyie. Iss silsiley mein khul kar baat ki jaey chu'n kay aurat ko jinsi urooj tak pohonchney kay liye mard ki nisbat bohut zyada waqt ki zaroorat hai lekin agar khawand iss kay hassas tareen hisson ko mushta'il karey to woh bhi jald orgasm hasil kar legi.