Shaadi ki date fix kartey waqt larki ki haez (menses) ka zaroor dheyan rakhna chahiyie. Aisa naa ho kay shadi kay 1 or 2 days kay baad haez (menses) start hojaey. Issey mian shadeed jismani aur zehni  tension ka shikar hoga. Shaadi ki date haez (menses) kay 8-10 days kay baad rakhni chahiyie ta'kay mian biwi mubaashirat (intercourse)  sey bharpoor lutf andooz ho sakay. Haez (menses) kay foran baad aurat kay jinsi jazbaat sard par jatey hain. En dino isski tabiyat mein chirchira pan, afsurdigi aur beychaeni paeda hojati hai.

    Hazrat Muhammad(P.B.U.H) ka hukum hai kay shaadi dhoom dham sey honi chahiyie ta'kay har kisi ko pata chaley kay falan shakhs ki shadi hogai hai. Irshad hai "Nikah ka elan karo, nikah masjid mein karo aur iss per daf pito (Khoob elan ho)". (Tirmizi) Islam mein khufiya shadi sey manaa kara gaya hai ba'az fuqahah kay naazdeek khufiya shadi zina kay baraber hai. Hazrat Muhammad(P.B.U.H) ka irshad hai kay halal aur haram mein hadd-e-fasil nikah ki shohrat aur daf hai. (Tirmizi)

    Shadi kartey waqt iss cheez ka bhi dheyan rakha jaey kay mian biwi ki height choti naa ho. Aisi surat mein usool-e-wirasat kay mutabiq bachon ki height kam hogi jiski wajah sey yeh bachey ehsaas-e-kamtari ka shikar hojaeyn gey aur larkiyon ki shadi mein bhi masa'el paida hongey yani donon mein sey aik ki height lazmi lamba hona chahiyie. Issi tarhan donon mian biwi ka rung bhi ziyada dark nahi hona chahiyie. Iss surat mein usool-e-wirasat kay mutabiq bachon kay colour dark hongey aur yeh becharai bhi ehsaas-e-kamtari mein mubtala ho jaein gey.