•  Jab tum mein sey koi shakhs aurat ko shadi ka paigham dey aur woh uskay sarapa sey woh kuch dekh sakay jissey isska isski taraf melan barhai to woh aisa kar sakta hai. (Masnaad Ahmed)
• Aik aur hadees hai jab tummein sey koi shakhs kisi aurat ko nikah ka paigham dey to hatol emkan isssey dekh leynaa chahiyie kay aya issmein koi aisi cheez hai jo usko us aurat sey nikah ki raghbaat delanay wali ho. (Abu Dawood)
• Jab tummein sey koi shakhs kisi aurat ko nikah ka paigham bhaijaey to phir us aurat ko dekhnay mein koi gunah nahi bashart yeh kay woh shadi ka irada rakhta ho aur zaroori nahi kay iss aurat ko bhi maloom ho kay mu'nhjhey dekha ja raha hai. (Yani chup kar bhi usey dekha ja sakta hai) (Ahmed).

    Quran-o-Sunnah ki roshni mein maloom hota hai kay mard ko chahiyie kay woh apni honay wali biwi ko dekh lay (iss tarhan biwi bhi iss ko dekh lay gi) ta kay woh iss mein koi aisi cheez dekh ley jiski wajah sey woh iss mein kashish mehsoos karey. Lekin Hazrat Muhammad(P.B.U.H) ney tanhai mein milnay sey manaa farmaya hai. Irshad hai "Hargiz hargiz koi mard kisi aurat kay saath tanhai mein naa miley kay iss surat mein inkay saath teesra shetan hota hai." (Tirmizi)

    Shadi ki 2 bari aqsaam hain.

1.  Mohabbat ki shaadi (Love Marriage)
2. Khandaan ki taraf sey tai kari hui shaadi (Arrange Marriage)