Europe aur America mein taqreeban har shadi love marriage hoti hai jo kay aksar naakam hoti hai. America mein divorce ka rate 50% to 75% hai. Love marriage mein divorec ki 2 reasons hai. Shadi sey pehley donon afraad apni shakhsiyat ka behetreen pehloo saamney laatey hain. Lehaza donon aik doosrey ki sirf khoobiyon hi sey agha hotey hain aur Mohabbat mein mu'nhbtila hojaatey hain. Magar shadi kay baad mehboob kay liye mu'nhshkil hojata hai kay woh apni shakhsiyat ka sirf roshan pehloo hi saamney laey. Chunancha kuch arsey baad mehboob ki shakhsiyat kay darker sides bhi saamney anay lagtai hai, kyun kay mehboob aik insan hota hai lehaza woh bhi aam insano ki tarhan khoobiyon aur khamiyon ka combination hota hai. Waisey bhi aankhon sey ishq ki patti utarney kay baad mehboob ki mamoli khamiyan bhi numaya hokar nazar aanay lagti hai. Waisa bhi donon aik doosrey sey ghair haqeeqi expectations wabasta kar letey hain jin per pura utarna insani bas mein nahi hota jiski wajah sey love marriages ka anjam divorce hota hai.

    Doosri taraf khandan ki taraf sey tai ki gai shadiyon ki naakami ka rate bohut hi kam hai. Humareyi apney bohut big khandan mein divorce 3% sey ziyada nahi magar en shadiyon mein aik problem hai kay enmein aksar larkay larki ki pasand ka khayal nahi rakha jata (Mohabbat aur pasand mein fark hai). Agar Allah aur uskay Rasool kay ahkamat kay mu'nhtabiq larka larki aik doosrey ko dekh lein aur pasand karlein to divorce ka rate iss sey bhi kam hojaey.

    Shariyat shadi kay mamley mein kifayat (Hamsari aur barabari) ko dheyaan mein rakhna pasand karti hai. Yani shadi apney baraber aur humpalla logon mein ho.