Jinsi Tonic Aur Adviyat (medicine) Jinsi Taqat Mein Izafa Karti Hain?
Yeh mafrooza bhi bilkul ghalat hai. Kisi bhi qism ka sex tonic insan ki mardana jinsi quwwat mein mustaqil izafa nahi karta. Sex tonic yeh adviyat (medicine) ka sexual strength kay sath directly koi ta'alluq nahi. Naam nehad sex tonic 3 tarah sey kam kartey hain.
-
Afioon ki tarhan insan ki mental state ko badal detey hain jiski wajha sey inzal (ejaculation) jaldi nahi hota.
-
Penis mein khoon circulation ko zyada kar detey hain jis sey fard ko tanau (erection) ho jata hai.
-
Penis ki nali mein irritation paeda kartey hain jis sey mard ko zyada lutf ata hai.
Doosrey alfaz mein koi bhi tonic ya adviyat (medicine) sexual strength mein mustaqil izafa nahi karti. Darmiyani age kay afrad ki sexual desire (libido) aur performance ko zyada karney kay liye ek hormone testosterone istemal kya jata hai. Yeh bhi har insan kay liye suitable nahi. Yeh sirf inn 5 % afrad kay liye mufeed hai jinka testosterone level kam ho jata hai. Agar isko baghaer zaroorat kay liya jaey to iss sey cancer ho janey ka imkan hai.
Issi tarhan baaz auqat penis mein papaverine ka injection laga kar bhi tanau (erection) paeda kya jata hai jo kay zyada der tak bar qarar rehta hai. Agar yeh tanau (erection) 4 hours sey zyada rahey to khatarnak hota hai jis sey insan mustaqil tor per na mard ho sakta hai. Iss soorat mein insan ko fori tor per medical help ki zarorat hoti hai.
|
