Neem hakeem daawa kartey hain kay yeh tala insan ki jinsi taqat ko zyada karti hai. Baaz neem hakeem penis ki over hauling ki purzor sifarish kartey hain. Iss mein penis kay ooper koi dawa waghaera lagaee jati hai. Mardana quwwat kay liye istemal honay wali adviyat (medicine) mein sey tala sab sey kam effective hai. Iss sey baaz logon ko tanau (erection) aa jata hai. Aksar auqat iss tanau (erection) ki wajah nafsiyati hoti hai na kay tala ka asar. Baaz auqat iss mein harmful adviyat (medicine) shamil hoti hain, behter yehi hai ka tala sey bacha jaey.

Mardana Quwwat Mein Izafa - Kaisey?

(How To Increase Male Potency?)

    Badshah sey ley kar ek aam mazdoor tak har shakhs apni mardana quwwat mein izafa chahta hai. Iss kay liye lakhon kharch karney aur har qurbani deney kay liye tayyar hai. Shops mardana quwwat ki medicines sey bhari pari hain. Mardana quwwat ka ta'alluq mardana jinsi hormone testosterone kay sath hai. Umer kay barhney aur stress waghaira sey iss hormone ki production mein kami waqai ho jati hai jin sey insan ki jinsi khwahish (libido) aur tanau (erection) mein kami aa jati hai. Allah Ta'ala ney har ahem cheez maslan hawa (air), pani (water) muft muhaiyya kya hai. Issi tarhan mardana quwwat ko zyada karney ka sab sey acha tareeqa bhi bilkul free hai. Research sey sabit ho chuka hai kay aerobic wali exercise maslan jogging, football, hockey, basketball, badminton, cricket, table tennis, tennis etc sey testosterone mein izafa hota hai. Chunancha mardana quwwat mein izafey kay liye rozana 30 minutes ya phir week mein 3 time 1 hour kay liye aerobics wali exercise ki jaey.