Group: Members Joined: 16th Mar, 2011 Topic: 6 Post: 17 Age:
31
Posted on:19th Jan 2013, 6:41am
Diyα Howa Qarz Wapas Na Kare: Kiya Hal Hαi?
Assalam-o-Alikum,
Mein apna yeah sawal bohat preshan hone kai baad kar rha hun, omeed hai yahan se muje koi moufeed maloomaat mileinge, liya huwa qarz agar koi insaan adaa nahi kar paa rha ho tau oos k liye tau bohat duwain moujood hein, kai jinko parhne se qarz ki adayegi mein Allah paak madad karta hai, lykin mein aap se khoosusann unn logon se yeah baat pochna chahta hun kai: Mujse kisi dost ne qarz rakam li thi jo k bohat ziada hai, woh paise osne kisi kaam k liye, liye they lykin phir oos ka kaam nahi chal saka aur woh kehta hai k mein paise de dounga but abhi mere paas nahi hien, iss baat ko taqreebann 1 saal ka arsa ho gaya hai lykin woh hamesha yeahi kehta hai k abhi paise nahi hein, tau mera sawal yeah hai k: barahe meharbani muje koi aisi dua ka bataein jis ko parhne se oos shaksh k dil mein mere paise wapis dene ki niyat ho jaye, or Allah k hukum se woh muje paise wapis de dey, yaqeenann Allah k kalam mein bohat barkat hai, tau koi sahab agar koi dua jaante hun k jisko namaz k baad ya phir waise hi parhne se woh banda mere paise wapis dene ki niyat karle. Omeed karta hun k koi na koi tau wazeefa ya dua zaroor hogi iss k liye, aap k jawab ka muntazir. Duaon ka Talabgar.
1. sab say pahlay yeh arz kardouN k mujhay aisa koi wazeefah maloom nahi hai... waisay Allah say dua karna sab say bara wazeefah hai. agar Allah nay chaahaa to apki di howi raqam wapis mil jayegi
2. doosri baat yeh yaad rakhiyeh k bil.farz agar woh apka qarz wapis nah bhi karay to ap ka koi NUQSAAN nahi hoga, agar ap TAQDEER par yaqeen rakhtay houN to... kiyouNkay jo apkay naseeb ka RIZQ hai, woh koi aur nahi khaa sakta... aur jo apkay naseeb ka rizq nahi hai, woh apko mil nahi sakta... lehaza aap koshish kartay rahiyeh aur dua bhi kijyeh... jo bi RESULT niklay (qarz milay, nah milay) ossay taqdeer ka hisah samajh lijyeh
3. aik baat aur... agar oss nay apko qarz wapis nahi kia to aakherat maiN ossi ka nuqsaan hoga, apka nahi... aapko apnay qarz k badlay oski naikiyaaN milengi, as per hadees... illa yeh k ap nay onka qarz maaf kardaiN...
iss reply say apko qarz milay nah milay, dil ko kuch nah kuch sakoon zaroor milega insha Allah
Group: Members Joined: 16th Mar, 2011 Topic: 6 Post: 17 Age:
31
Posted on:20th Jan 2013, 12:27am
Re: myrizvi
aap ki saari batein bilkul baja hein rizvi sahab, or mera imaan b yeahi hai jo aap ne kaha, or yeah saari batein mein samjhta b hun, lykin mere pochne ka maqsad yeah nahi tha k koi wazeefa batein, jaise kuch masnoon duaein hoti hein jinkey parhne se Allah k kalam ko parhne se help milti hai jokey Allah ki taraf se hi hoti hai baishak, jaise agar koi karz ada nahi kar pata woh parhe tau Allah ki madad shamil hojati hai or woh karz ada karne mein Allah oski madad karta hai...
bus ooshi tarhan koi dua ho jo parhi jaye, oos se karz wapis mile ya na miley, dil ko tasslli hi miley, muje pata hai yeah sab mein pata nahi kyon poch rha hun, shayad pareshan houn isliye... don't know... Allah reham karey...
Allah apki pareeshaniyouN ko door karay aur apka qarzah wapis dilwaa.ay aameen.
agar kissi member ko aisa koi wazeefah (mostanad aur masnoon ) maloom ho to hawalah jaat k saath zaroor share karay. A@bi k saath aurouN ka bhi bhala hojayega.
Group: Members Joined: 16th Mar, 2011 Topic: 6 Post: 17 Age:
31
Posted on:20th Jan 2013, 9:15am
Myrizvi
Jazak.Allah Khair... bilkul yeah masla sirf mera masla nahi balkey agar kisi k paas koi dua hai tau woh hawala k saath share karey, Allah pak unko jaza-e-Khair dega, Insha.Allah, Ameen. Summa Ameen
Warning :The information presented in this web site is not intended as a substitute for medical care. Please talk with your healthcare provider about any information you get from this web site.
Diyα Howa Qarz Wapas Na Kare: Kiya Hal Hαi?
qarz ki wapsi
Re: myrizvi
Myrizvi