 tasweer ka doosra rukh
amooman aysy topics par aur bil khasoos aysy forums pr jo b discussion ki jati hey uss ka matlab har giz yeh nahi hota k doosa uss ko man-o-ann tasleem kar ly aur aik hi bat nateeja khaiz haqeeqat par mabni sabit kar di jaye..nahi bulky aysi guftugoo ka khas maqsad yeh hota hey k har kisi ka nuqta-e-nazar jana jaye ...agr bat mudal'lal aur mantqi ho to agree kar li jaye basoorat-e-deegar apna mu'aqqaf paish kiya jaye
lehaza issi formulla k tehat har guftugo k aik sy ziyada aur kai kai pehlo ho sakty hain jaisy az rah-e-misal keha jata hey k tasweer k do rukh hoty hain....iss liye main yahan majbooran asal topic jo "aapkadost" ki tarf sy start kiya geya hy ko chorr kar apny fazal dost "myrizvi" k paish karda tasweer k aik rukh par tasweer ka doosra rukh paish karny ki jasarat karta hoon....(thread starter sy mazrat)
1. islam k bunyadi kalema ... laa ilaha illallaho, muhammadur Rasoolallah maiN "izafah" kia
kalma arbic zuban main har uss jumla ko kehty hain jis k ada karny sy kehny waly ki bat ka asal mefhoom poora ho jaye aur baat mukamil nazar aye ta k pata chal saky k kehny wala keh kia reha hey...jo bat adhoori ho ussy arbic zuban main kalma nahi kehty...(kisi arbi daan sy iss bat ki tasdeeq ki ja skti hey)
quran main irshad hey (mafhoom) aik main (allah ta'ala) wali hoon , aik rasool (hazrat Muhammad p.b.u.h ) wali hain aur teesra aulal amar wali hey...khuda ny aik kalma keh kar yahan apni baat ko mukamil kiya aur parrny sun'ny waly ko iss bat ki samj agyee k wali 3 adad hain khuda , rasool (s.a.a.w) aur aulal amar
khuda ta'ala ny apni walayet ki marfat dainy k liye insan par kam-o-baish 124000 hujat ka nazool kiya phir unn sab par aur iss kaiynaat ki har cheez par khud ko aur rasool (s.a.a.w) ko aur aulal amar ko wali muqarar kiya aur aik pimana waza kar diya k jo b inn teenoon walyoon ki saltanat (islam main dakhal hona) main ana chahta hey ussy inn teenoo ki walayet ka iqrar karna lazmi ho ga
khuda ki walayet ka kisi ko inkaar nahi hey rasool (s.a.a.w) ki walayet ka b kisi ko inkar nahi hey laiken hairat hey aql-e-insani par jo khuda k muqarar karda teesry wali ka inkar karti hey....
halan k aik lakh sy zayd majma main akhri hajj k moqa par ghadeer k muqaam pr rasool allah (s.a.a.w) ny jis khudaiee nizam k teesrey wali ka bazoo buland kar k irshad farmaya k "jis jis ka main (s.a.a.w) mola uss uss ka ali (a.s) mola"...yani jo muslim b meri ata'at aur mery wali hony ka iqrar karta hey ussy lazmi toor par allah k iss muntehab karda teesry wali ki ata'at aur pairvi b kari ho gi...chunachy khuda k kehy gaye kalma ki yahan takmeel hoi
iss liye agar yeh keha jaye k marwjja kalma main jan booj kar tahfeef ki gayee hey to bat ka doosra rukh samny ajata hey ...yahan mery fazal dost jis kalma ko hatmi aur mukamil keh rehy hain ho sakta hey wo asal kalma sy tahfeef kiya geya hoo..aur iss k saboot b quran-o-hadees main majood hain..wall ho ilam bis-swab
|
Aik Fikri Moghalta....
