Pakistani Politics: Would Pakistan Not Have Sincere Leader?

Salam to all, I want to say that pakistan ko koi mukhlis leader nahi mile ga agar mile ga to us waqt gab pakistan mein pakistaion ke liy kuch nahi bache ga.

RE

Pakistan aur pakistani

Re:

Mera dil kar raha hae ke main rawayeti nazar se daikhne ki bjaye ki bjaey inn sari cheezun ko different way se bhi analyze karun.
Kisi seyanay ne bilkul theek hi kaha hae ke jese log hon Khuda unhain Leaders b wese hi deta hae. Hum sab ko (including me) leaders ki khamiyan forun nazar aana shuru ho jati hain mgr hum ne khud kbhi nahin socha;
What we are contributing towards our country?
Main bhi iss mulak ka aik aam sa bnda hun aur jb Union Council level ke bhi elections hon tou meri soch yehi soch hoti hae ke main uss bnde ko vote doon jo theek thaak background wala ho. Agr mere sath koi masla ho jaye tou mere sath Thanay Kachehry ja ske. Agr main ne koi ulta kaam bhi krwana ho tou mere kaam aa jaye. Sab ki soch yehi hoti hae ke shareef candidate ko vote de kr kiya karain ge. Khoa makhoa vote hi zaya ho ga. 
Isi tarah jab mujhe kisi Government department main koi kaam ho tou meri koshish yehi hoti hae ke rules ko follow krte huay khapne se behtar hae ke koi aisa insan hath lag jaye jo thoray bht pese le kar mera kaam kar de.
Hatta ke Main ne driving licence bhi bnwana ho tou as per rules bnwanay ki bjaye reference aur PR istemaal kr ke bnwata hun.
Jb koi Police wala mera Rs. 500 ka bhi challan krne lage tou meri koshish yehi hoti hae ke 100 de kr jaan churwa loon apni.
Main jis Office main finance controller ki job krta hun. Wahan jb Gari ya Machinary lease krwani ho tou uss leasing Co. se krwata hun jo mujhe achi commission percentage offer kre chahe high mark up ki wajah se company ko loss hi kyun na ho.  
Main Khuda ki bargah main bhi tb jata hun jb mujh par koi museebat parrti hae. Main Khuda ke moaamlay main bhi bht materialistic ho gya hun.
Main usi Dost aur relative se milna pasand krta hun jahan mujhe koi mufaad ho.
Mujhe par koi sacha police case bhi bna hua ho aur wo koi government moaaf kr de tou main khush agr kisi leader par Nro lagay tou mujhe takleef.
Agar mere qarzay koi BANK moaaf kr de tou Well and Good. Agr leader ke moaaf ho jayen tou Corruption aur Pakistan ka Loss.

Zardari sahib ko mere votes ne elect kiya???
Markaz main PPP ko mandit main ne dia???
Punjab main PML (n), Sindh main MQM aur Sarhad main ANP ko votes main ne diay?

Iss mulak ke saray masayel ka taalluq kisi na kisi tarah mujh se bhi hae. Jb tk main apne aap ko theek nahin krta tb tk kisi se umeed kyun rakhun???