Karachi mai 5 dakoo ne aik flat mai lootmar ki, aur muzahimat kerne par aik nojawan ko goli maar ker zakhmi ker dia. zakhmi nojawan ki cheekh pukar sun kar taqreeban 1500 log jama ho gaye aur onho ne bhagte huye 3 dakoo ko pakar kar na sirf mara peeta balkeh on ko road per leta ker petrol chirak ker zinda jala dia.
sawal yeh paida hota hai keh:
dakoo ko jalane wale log kon the? aksariat ka taluq kis party se tha?
jalne wale dakoo kon the? on ka kis city se taluq tha?
bara soch soch kar aur bari dair baad ye topic start kia hai tumnay...
aik to pakistani shareef avaam mehngaee k hathon tang hai, upar say apnay hi mulk k kuch beghairat log chor, daku aur kaatal, shareef logo ko loot.tay hain,, aisay beghairat logo ko sakht saza milay gi to hi ye log baaz aingay,, is tara har shehar k chor aur dako logo ko khatam kia jaeyga tab hi in chori aur dakaiti ki wardaton mai kami aye gi... ya phir islamic sazain rakh di jain , 50 - 60 choro k haath kaatay jain, to samajhdar aur aisay chor jinko apnay hatho say pyar hoga wo log chori karna band kar daingay... police ka dar khauf to in dakaiton mai khatam ho chuka hai,, pakray jatay hain phir lay day kar chhhoot jatay hain... aur nuksan hota hai shareef admi ka jo apni jama shuda poonji bi kho deta hai... ye meri personal opinion hai,, islamic point of view say is tara kisi daku aur kaatal ko zinda jala kar maar dena , is baray mai baki log discuss karain...
sunne mai yeh aa raha hai keh 1500 ke majma mai dakoo ke saathi bhi the aur onho ne hi apne saathio ko aag laga ker jala dia hai, takeh zinda pakre jane ki soorat mai woh apne baqi saathio ki nishan dahi ker dete.
sawal yahi hai keh on dakoo ko zinda jalane wale logo ko pahle giraftar kia jaaye aur phir on se poocha jaaye keh onho ne kis qanoon ke tehat dakoo ko zinda jalaya hai. agar qanoon isi tarah haath mai lene ki ijazat de di gayee tu har koi apne dushman ko ghar le jakar zinda jala de ga aur yahi kahe ga keh yeh aadmi dakoo tha.
Islam bhi yahi kehta hai keh dakoo ko pakarne ke baad muqadma chalayee jaye aur dakoo ko bhi safai ka moqa dia jayee, takeh asal haqeeqat maloom ho. Islam ne yeh kabhi nahi kaha keh cor dakoo ko moqadma chalaye beghair zinda jala dia jaye.
har cheez ko siasi rang na de diya karain, phir yahan pe kisi party pe tanqeed ho gi to aap ko aag lag jaye gi ke gali di ja rahi hae ,kya aap ye sun'na chahte hain ke forum pe aap ke reply main koi kahe ke is ka taulaq MQM se tha ????
aap ko nahi nazar aa raha ke Pakistan main kya ho raha hae??? na koi qanoon hae, aor na koi insaaf, Pakistan main Judiciary ka jo hashar kiya gya hae us ke baad log khud he insaaf karain gay aor logon ka insaaf aisa he ho ga. aaj muje ye baat kehne main koi hesitation nahi hae ke Pakistan eik nakaam satate hae jahan pe koi good governess nahi hae, (balke hakoomat naam ki koi cheez he nahi) awam aor hakoomat main eik bohat barri khaleej hae, hakoomat aor establishment ko awam ki problems se koi gharz nahi hae, aor hamari azaadi ka ye haal hae ke jab jee chahe USA attack kar ke pakistani citizen ko maar deta hae ,(abb is pe bhi eik topic hona chahye)
aap ne suna aor dekha ho ga ke jin logon ne un dakoo ko jila diya un ka yahi kehna tha ke agar in ko police ke hawale kiya jata to ye log saza se bach jate. aor ye baat koi itni ghalt bhi nahi hae...
jis ghareeb ko koi chor loot lay wo phir kuch nahi sochta k kon kia kehta hai...
ye ajkal k chor daku itnay beghairat aur be-reham log hain, raah chaltay shareef logo say mobile chheen lena to ab aik normal bat ho chuki hai, kisi say bike chheen li kisi say mobile kisi say paisay cheen liye,, in beghairto ko mar mar k inki hadiyan tor deni chahiye...
aur i agree with ch babar,, agay agay dekhain ab is tara k cases aur bi aingay, kyonkay mehngaee bohat ziada hai, har banda tension aur gusay mai hai,, ye chor daku avaam k kabu aa gaey phir unka yehi haal hoga,,, kisi nay ye nai sochna k jala dena islam mai allow hai ya nai,, logo nay wohi karna hai jo unka dil karay ga.... logo ka yakeen police aur adalton say uthh chuka hai, pakistan mai shareef insan ka rehna mushkil say mushkil tar hota ja rhaa hai...
kia dakoo ko zinda jalane wale logo ki shanakht huyee? kia dakoo ko zinda jalane wala shakhs waqai os ghar ka fard tha? kia waqai zinda jalane wala shakhs mazloom tha? ya woh dakoo ka saathi tha jo shanakht mitane ke liye logo mai mil gia aur apne saathi ko qatal ker dia?
ho sakta hai k jalanay wala koi un dakaiton ka hi koi saathi ho, kyonkay aam banda is tara petrol phenk kar kisi ko aag nahi laga sakta,, ye kaam to kisi khas insan ka hi hai... par gusay mai insan kuch bi kar sakta hai, mainay to yehi suna tha k is dakaiti k doran us ghar k larkay nay mazahimat ki aur usay goli bi lag gaee thi,, may be uskay kisi dost ya ghar k kisi member nay us daku ko gusay mai aa kar jala dia..... upar say ilakay k itnay log they, sab gussay mai.... aisi situation mai kuch bi possible hai....
josh sahib aap ki maloomat ke liye bata doo keh dakoo ko jalane wale logo mai woh log shaamil nahi the jin ke ghar mai daka para tha aur jo dakoo ki goli se zakhmi huye the.
Aaj phir Nazimabad mein 2 daakoo Jala diye gaye hien....... Zabardast.... Jab awam ka aitamad judicial system or police per se uth jaye tu phir yehi hota hai... Logon mein itni frustration or ghusa hia k kisi din koi Q-Leauqe ya Musharaf ka himayati akela mil gaya tu us ko bhi jala dein ge.. Musharaf ko chahiye k us waqt se daray jab loug president house ko aag laganay pohanchien ge..
Group: Members Joined: 08th May, 2008 Topic: 28 Post: 1432 Age:
26
Posted on:17th May 2008, 6:11pm
rte
josh,,khayali k khayal may ye sub suni sunaye batian hai,BEWAQOOF nay b sirf suna hi hai koi tehqiq nahi ki hai,,,,,,, DAKHOUN ko unhoun nay hi jalaya hai jo us waqt waha mojoood thy,yani jis ghar may dhaka para tha us area k logoun nay hi jalaya hai,,,,,,,, seeeemi...kia ye baat such hai k aj b dakhoun ko jalaya giya hai?????ager such hai tu acha hi hoa hai ,,police kuch nahi karsakti or aisy kamoun may tu police khod involve hoti hai,,,,,,,,,,,,,,,,,
Yeh bilkul sach hai k aaj Nazimabad mein 2 daakoo rangay hathon awaam ne pakar lie or un ko bhi bandh kar aag laga di gayi... Police ke barwaqt pohanch jaanay per un ko chura kar hospital pohancha diya gaya, lekin loug itnay ghusay mein thay ke unhoon ne aik police walay ko bhi jalanay ki koshish ki..... Latest news k mutabiq aik daako hospital mein wafaat pa chuka hai or dosra bhi serious condition mein hai.... Ab yehi ho ga.... Sasta or fori insaaf.. Jis k ghar koi daako aaye, us ko pakar ke aag laga di jaye... tabhi yahan ke loug suhrein ge.. Warna Pakistan mein especially Karachi mein daakay dalna aik fashion ban gaya hai.... 4 larkay bethay bethay plan kartay hien k aaj raat dance party mein jana hai but paisay nahin hein.. chalo kisi k ghar ghus k loot letay hien....... or jis becharay ne sari umer mehnat kar ke kuch ikhatha kiya woh aik ghantay mein lut gaya or baaz dafa jaan se bhi gaya..... Mein shabash deti hoon un logon ko jinhoon ne dakoon ko pakar ke jala diya.... Ainda bhi aisa hi hona chaiye jab tak Pakistan mein judicial system theek nahin ho jata or loug chouri karna nahin chour detay..
Islam ne yehi hukam diya hai k jo jurm karay us ko saza milni chahiye baghair kisi riyaat k saath... Hamari society isi liye tabah ho gayi k loug jurm kar ke araam se bach jatay hien.. is liye koi jurm karnay se pehlay zara sa sochna bhi gawara nahin karta.... Ab kam se kam thora sa sochein ge k agar pakra gaya tu kya banay ga...
Aap ne sahih kaha k yeh qanoon pooray mulk mein hona chahiye k jis ka jab dil karay, jis ko marzi iznda jala de or keh de ke yeh meray ghar mein chori kar raha tha... Hum yeh kyon nahin sochtay k hamara judicial system itna strong ho jaye, hamari police emandaar ho jaye, hamaray loug jurm karna chour dein, takeh hamari society crime-free ho sakay.
Warning :The information presented in this web site is not intended as a substitute for medical care. Please talk with your healthcare provider about any information you get from this web site.
Karachi Mai Three Dakoo Zinda Jala Diye Gaye
re
khyali .......
