 Urdu Poetry : Selected By Members
Kaha tha na'n
Is tarah sote mein matt chor kay jana
Mujhe be-shak jaga dena, bata dena
Muhabbat kay safar mein sath mere chal nahin saktiin
Judaee kay safar mein sath mere chal nahin saktiin
Tumhe rasta badalna hai, meri hadd se nikalna hai
Tumhe kis baat ka darr tha
Tumhe jane nahin deta, kahiin pe qaed karleta?
Arey pagli, muhabbat ki tabiyat mein zabardasti nahin hoti
Jise rasta badalna ho usey rasta badalne se
Jise hadd se nikalna ho usey hadd se nikalne se
Na koi rok paya hai, na koi rok paey ga
Tumhe kis baat ka darr tha
Mujhe be-shak jaga detiin, mein tum ko dekh hi leta
Tumhe koi duaa deta
Kam az kam yun to na hota
Meri sathi haqeeqat hai
Tumhare baad khone kay liye kuch bhi nahin baqi
Magar khone se darta hoon
Mein ab sone se darta hoon
|
abs
