Ye ghaliban 24 october ka din tha.Tableeghi hazraat ki jamaat is ilaqay ,main dawat-o-ilsah ka fareeza sar anjam dy rahi thi.Ye ilaqa Pir pagara k 2 bandon Ahmed Ali shar aur Abdur-Raheem Shar k zeray asar hy. In k karinday Tableeghi Hazraat ko kisi masjid main qiyaam ki ijazat nahi dy rahay thay chunachay unhon ny sehra main kisi darakht k neechay apna camp laga rakha tha. 

Aik din yahan k hakimon k ghundon nay inko ghair lia,inka sara samaan chenlia,inhain maara peta aur sab se afsosnak amar ye hy k in sab ki darhian munda waen. Inkay jootay chen liay gae aur wo abla paa sehra main safar kar k sehra main ja pohanchay lekin afsos k koi police inki mada ko nahi ai aur na hi adalat ny is baat ka notice lia kyun k yahan in waderon ka hokum chalta hy.

Tableeghi jamaat walay logon ko Allah ki taraf bulatay hyn  aur amaan ka dars dyty hyn jo sila rahmi ki talqeen kartay hyn jo zulm sehtay hyn lekin jawab main tashudad karma to door ki baat  gali ya baduaa bhi nahi dyty. Yehi log hyn jo Islam k amaan, salamti aur  mohabbat k pehlu apnay qaul-o-amaal se ujagar kartay hyn aur isi soch ki Pakistan ko zarurat hy.