 Namaz-E-Janaza Pe Drone Attack
2 din pehlay USA ki tarf se eik drone attack main jo be gunah log shaheed howey un ki nimaz e jinaza pe bhi drone attack kiya gaya , in attacks main kam az kam 100 afraad shaheed ho gay (in ko shaheed likhnay pe kisi ko eitraz hae to ma'azrat chahta hon) poori dunya main koi kitna barra mujrim bhi maara jaye to kam az kam us ki akhri rasoomat poori azadi k sath adaa karnay di jati hain, laikin pata nahi in logon ne kon sa jurm kiya hae k na in ko zinda rehnay ka koi haq hae aor na in ki nimaz e jinaza pe aanay walon ko zinda rehnay ka koi haq hae,jo log Taliban ki burayan ginwatay howe ye kehtay hai k unho ne mukhalifeen k jinaza pe bhi hamlay kiye who USA ki is tarah ki karwaie pe bilkul khamosh hain, Allah aisi munafiqat se bachaye. Abb tak jitney bhi drone attacks kiye gay hain un main khawateen, bachay , aor aam log maaray gay hain laikin is zulm pe hakoomat, roshan khayal tabqa , insani haqooq ki champion NGOs sab khamosh hain. Pakistan kitna azad mulk hae in attacks pe hakoomat k reaction se is ka andaza lagaya ja sakta hae. Beherhaal ye eik intehaayee wehshyana karwaie hae aor Allah un tamam be gunah logon k darajaat buland farmaye jo is main shaheed ho gay hain. Aameen.
|
