jaandk Main aap ki wo feelings tu nahi jaan sakti jo aap apni poori family kho dainay kay baad mahsoos kertay houngay aur jin kay natijay main aap ka dil aisi batain sochta hay, lakin main itna zaroor janti houn kay imaaan bhi koi chees hoti hay aur jab wo kamzoar per jay tu ham apnay ooper guzarnay walay haadsaat ka zimadaar poori dunya ko samajnay lagtay hain.
Kafi din pahlay jab aap nay apnay baray main bataya tha kay aap per kia guzri tu yaqeen janyay kay main kafi din tak yahi sochti rahi kay ager main aap ki situation main hoti tu kia kerti?? shayad mer hi jati. App main tu hoasla hay aur allah ka karam hay aap per kay aap nay phir say aik baar nai zindgi shuru ker li.
App nay kabhi socha hay kay jo Kashmir kay zalzalla main logoun ka sab kuch lut gaya tha, wo kia sochtay houn gay??? Kis ko zimadaar tahratay haoun gay??? Kisi ko bhi nahi na, yah shayad nauzbillah allah ko!!!! Tu sochain kay yah sirf aap kay sath nahi houa. dunya main patta nahi kitnay loag houn gay jin ka haal aap say bhi abter houa ho ga, lakin yahi allah ki merzi hay tu aisa hota hay.
Haan yah theek hay kay kuch logoun ki waja say aur kuch logoun kay kernay say aisa hota hay, lakin aap yah kayoun sochtay hain kay allah insaaf nahi keray ga. App ko kia khaber kay aap kay saber ki wajja say aur jo aap per guzri hay uss kay sila main aap kay liay allah nay kia kia inaam tiyaar ker rakha hay!!!! Aur jin lougoun kay porder say aur jin kay hathoun say yah sab houa un kay liay kia azaab ho ga.
Aaap kay dil main jo yah nafrat hay, tu iss ka matlab yahi hay kay allah say taluq thora kam hay, hay na?? kayounkay jab dil main shaak aur nafrat atti hay tu khudda say aur bandoun say mohabbat nikal jati hay. MAin aap ka dukh tu kam nahi ker sakti lakin aap ko yah zaroor batta sakti houn kay koi punjaabi, baloachi, ya sindhi nahi hota, sab insaan hotay hain. App ka kia hayal hay kay ager aik chota sa punjabi bacha jis kay parents aap kay saamnay kisi hadsay main mer jain, aur wo itna nana munna sa ho kay hood uth bhi na sakta ho aur aap kay samnay perha sisak raha ho, tu kia aap insaniyat kay rishtay say bhi usay nahi uthain gay????? Apnay aap say poochain, kia aap ko wo apna bacha nahi lagay ga???
Sirf aik request hay kay sab batain chorain aur allah say her baat kerain. Jitni shikayatain hain wo bhi uss say kerain, gussa nikalain aur jo bhi dil main hay sab kahain, yaqeen kerain allah aap kay dil ka dard dho day ga.
mairi dua hay aur dil say dua hay kay allah aap ko sakoon aur saber atta keray. |