Aik Aehamm Survey!

Salaam to All Friends!

Dosto aik Survey karny ka mood hai Omeed hai aap Dost Zaroor is mein Hissa lein gay.

Jis Mozou per Survey karna chahta hon meri Nazar mein to Bohat important hai aub dekhhna ye hai ke app is ko kitni importance dety hain.

Survey Ka Sawal ye hai.

Pakistan ke Mojooda Halat (jin mein Berozgaari, Mehangaai, Loadshading, Baddaamani, Lootmaar, Chor Bazari, Khudkush Hamly, Dron Hamly, Sooba Sarhadd aur Balochistan mein lagi aag aur aisy hi dosry beshumaar Maasail shaamil hain) ke Haqeeqi Zimmydaar kon hain?

App ke Options ye hain.

1-      Kamzor Hakoomati Nizaam.

2-      Corrupt Aala Hookimaati Ouhde daar.

3-      Hum Aawaam.( Keon ki Hakoomat Aawaam ke Votes se hi bannti hai)

4-      America, Afghanistan aur India.

Wasiy agar mera jawab jann na chaho to wo hai  Option-3 ( Hum Aawaam) aur ous ki wajha ye hai ke hum Aawaam bina kuchh sochy samjhy aisy Logon ko vote de dety hain jin Ka Daghdaar aur lootmaar se bhara Maazi Hamary samny hota hai aur phir b hum ousy hi vote de dety hain. Aap Khud Dekhhain Taqreeban 62 saal hony waly hain Pakistan ko bany howy Lekin in 62 saalon mein Aawaam aaj b 2 waqt ki roti ke liy Zaleel-o-Khawar ho rahi hai jabb ke Hamary votes se Member aur Ministers bann nay waly log Kuchh hi Saalon mein Coreron, Aarbon patti bann jaty hain aur koi oun ko Pochhnay wala nahi. To jabb hum Aawaam hi aisy Corrupt logon ko vote de kar Member aur Minister banaain gay ke jin ke liy is Moolak ke Aawaam sirf Iqtidaar takk Pohanchany ki seeri se ziyada koi value nahi rakhhti to Ye member aur Ministers khhul kar loot maar nahi Karin gay to aur kaya Karain gay?

Hamary Mountakhib Hokamraaon ki to Haqeeqi soch hi ye ke.

Moolak jalta hai to jalny do Log Bhook se, Khudkush hamlon se, marty hain to marny do, hum bass apni Teejoriyaan bharain aur moqa milty hi is Molaak se Faraar ho jaib aur baki ki zindgai kahin Europe, America mein Aaraam sakoon se guazaar lein yahan kon Hamara Ehtaasaab kary ga.

Ye hai Hamari 62 saal se aai harr leadership ki soch.

Aub aap kaya Jawab dety hain mujy ous ka wait rahy ga.    

nice survey

waisay to yeh charouN factors iss baat k zimmah daar hain aur ossi tarteeb say, jiss tarteeb say aap nay likha hai yaani

1-      Kamzor Hakoomati Nizaam.

2-      Corrupt Aala Hookimaati Ouhde daar.

3-      Hum Aawaam.( Keon ki Hakoomat Aawaam ke Votes se hi bannti hai)

4-      America, Afghanistan aur India.

agar hamara siyaasi nizaam mazboot aur tasalsul say jari rahtaa to corrupt log hukmraan nahi ban saktay yaa barqarar nahi rah saktay... aur awaam ki seyasi tarbiat hojati lehaza woh ghalat logouN ko vote nah detay.... aur jab political system mazboot ho, hukmraan corrupt nah houN aur awaam / voters samajh.daar houN to kissi bairooni quwwat ko khul khelnay ka moqah hi nahi milsakta k woh hum maiN say hi corrupt logouN ko agent bana kar hamari tabahi ka fareezah anjaam detay haiN....

dear ishtiaaq

reply