Tehqeeqaat sey sabit hua hai kay orgasm ka husool bunyadi tor per aurat ki sehat kay liye mufeed hai. Iss kay elawa aap apney mian ko aisi azdawaji khushyan deingi jis ka woh tasawwur bhi nahin kar sakta jiski wajah sey woh kisi doosri aurat ka soch bhi nahin sakey ga, chahey woh kitni hi purkashish kyun na ho, iss tarah woh na sirf aapka da'emi aashiq bulkay ghulam hoga. Aap uski mehbooba hongi aur aap ka ghar jannat ka namuna hoga kyun kay zindagi ki khushyon mein azdawaji khushyon ka kirdaar bunyadi hai.

  Note: Agar aap kay paas azdawaji khushyon kay liye koi tip hai to humein zaroor bataein hum iska ma'aqool muaawiza deingey.

Mard Kay Jinsi Jazbaat Ko Thanda Karney Wali Cheezein

    La'shaoori tor per khawateen sey kuch aisi cheezein ser zadd ho jati hain jin sey mard kay jazbaat bujh jatey hain chuna'ncha azdawaji zindagi ko khushgawar bananey kay liye khawateen ko inn sey bachna chahiyie inn mein chund ahem mandarja zael hain:

    1.  Woh aurtein jo mard ko ta'assur deti hain kay unko sex pasand nahin unka ravayya mard kay jazbaat sard kardeta hai, inn mein aisi aurtein shamil hain jo :
        a.   Sex per tehqeer aamaez andaaz mein tabsara karti hain.
        b.      Jo sex per baat kartey huey sharmindagi aur khajalat mehsoos karti hain.