Kitab ko ek do baar parhein phir unn jinsi khwahishaat aur aa'maal ki ek fehrist banaein jo aap ko pasand aaein yeh fehrist mian ko bhi dikhaee ja sakti hai phir inn sab ko hasil karein.

Bharpoor azdawaji khushyon mein mahol ka kirdaar bohut ahem hai, mahol pursukoon ho, shor o ghul mard kay jazbaat ko foran surd kar deta hai kamra aisi jagah ho kay aap ki aawazein doosrey log na sunn sakein merey ek naujawan ki naee shaadi hui hai. Do saal kay baad hi uski jinsi jazbaat ki aag sard hona shuru ho gaee tajziye sey ma'aloom hua kay uss kay kamrey kay sath hi uss kay walaeden ka kamra hai. Laa'shaori tor per usey khauf tha kay kahiin mian biwi ki aawazein unn kay walaeden na sunn lein unko kamra badalney ka mashwara diya gaya. Kamrey  ka mahol romantic, purasraar aur purkadhidh banaein. Kamrey ko purkashish bananey mein kuch sarmaya kaari karein, kanjoosi na karein. Bister ki chaderein aur takyay reshmi, satin aur silky hun, bister ko bharrkeeley rung kay surkh phoolon ki pattiyon sey sajaein, bister ki satah makhmali aur narm ho. Kamrey kay mahol ko purasraar aur romantic bananey kay liye pasand kay mutabiq battiyan kam ya zyada roshan karein. Mom batti ki roshni na sirf maddhum aur thandi hoti hai bul kay aap ki zahiri shakl-o-surat ko mazeed pur kashish banati hai. Kamrey ki roshni rangeen aur dheemi ho. Variety kay liye rangon ko badaltey rahein. Sardiyon mein aatish daan jalaein uss kay samney qaleen aur gaddey rakhein aur wahan jinsi amal sey lutf andoz hun.

Aap ko ma'aloom hona chahiyie khawand humesha aap ko dekh kar kashish mehsoos karta hai le'haza apni zahiri shakl o surat ko pur kashish banaein. Iss kay liye aapka bohut khoobsurat hona zaroori nahin magar apney aap ko ma'amooli si koshish maslan libas, jismani saakht, guftugoo aur adao'n sey jazib e nazar aur sexy bana sakti hain.