11. Jadeed research sey ma'aloom hua hai kay sex ka khushboo kay sath gehra ta'alluq hai, khushboo insaan ki khwahish, muhabbat, josh aur shahoot kay jazbaat ko ubharti hai chuna'ncha apney kamrey ko apni aur mian ki pasand ki khushboo  sey muatter karein. Kapron kay elawa apney jism per mukhtalif khusbuein lagaein kaanon kay peechey, gardan kay pichley hissey per, paet, chaati aur pistaanon per. Khawand ko bister per laetney kay liye kahein, apney hathon sey uss kay chehrey per khushboo malein aur phir bosa lein khushboo daar tael sey uss kay jism ka masaj karein iss sey uss kay ander shadeed josh aur khwahish ubhrey gi.

    Khushboo kay sath zaeqey ka khayal bhi rakhein apney honton per achi khushboo aur zaeqey wali lipstick lagaein. Mard amooman taaza podiney kay zaeqey ko pasand kartey hain, apney mian ki pasand kay phal, fruit kay zaeqey wali lipstick istimaal karein.

    Ma'aloom karein kay aap kay khawand ko kon si khushboo pasand hai iss kay liye apney jism kay mukhtalif hisson per mukhtalif perfume lagaein phir foran aur 2, 4 ghanton kay ba'ad poochein kay usey konsi khushboo pasand hai aur kon si na pasand. Khud bhi yaad rakhein kay kahan konsi khushboo lagaee thi, kahin likh kar rakh lein.

         12. Jinsi zaindagi sey bharpoor lutfandozi kay liye donon mian biwi ko ilm ho kay sathi kay liye kon si cheez zyada lutf angaez hai iss kay liye juch waqt nikalein aur apney jinsi tajurbaat kay hawaley sey baat cheet karein jab aap achey mood mein hun. Iss tarah guftugoo karney kay liye mandarja zael sawalaat sey faeda uthaya ja sakta hai.