Oragasm Ka Husool
Getting Oragsm - Sexual Pleasure
Bohut si khawateen iss liye orgasm hasil nahin kar patiin kyun kay unhein ilm hi nahin hota kay isey kaisey hasil karna hai agar inn khawateen ko ilm ho jaey to yeh bhi aasaani kay sath orgasm hasil kar lein. Humarey haan la ilmi ki wajah sey khawateen ki ek bohut bari ta'adaad orgasm hasil nahin karti jab yeh khawateen bar bar orgasm sey mehroom rehti hain to inki sex mein dilchaspi kam hoti jati hai phir yeh sex sey bachney kay liye mukhtalif qism kay bahaney karti hain. Ba'az khawateen orgasm ki mehroomi ko zyada mehsoos karti hain jis ki wajah sey ghareloo zindagi tulkh ho jati hai, ghareloo laraee jhagro'n ki ek ahem wajah biwi ki jinsi na aasoodgi hai ba'az aurtein iss jinsi na aasoodgi ki wajah sey frigid yani sardmehri ka shikar ho jati hain.
Ab hum aapko chund tariqey bataein gey jo kay orgasm kay husool kay liye mu'asser hain aap bhi inn kay istimal sey orgasm hasil kar kay apni azdwajii zindagi ko khushyon sey malamaal kar sakein gi.
- Orgasm kay husool kay liye bunyaadi zaroorat yeh hai kay aap baqa'eda (regular) sex karein mahireen ka khayal hai kay haftey mein do baar sex honi chahiyie, do mubaashirato'n kay darmyan jitna zyada waqfa hota hai aurat itni hi mushkil sey jinsi tor per baedaar (arouse) hoti hai chuna'ncha orgasm hasil karney ka imkaan bhi utna hi kam ho jata hai.
|
