Inn afrad mein sey kuch apni mardana quwwat ko check karney kay liye kisi paeshawar aurat kay pass jatey hain. Aap kabhi bhi aisa na karein. Kabhi mardana quwwat ko check karney kay liye kabhi zina na karein. Ek to yeh gunah e kabira hai doosra iss mein khatarnak jinsi beemari lagney kay bharpoor chances mojood hotey hain. Teesrey iss koshish mein fard phir nakami kay khauf sey nakam ho jata hai. Aur iss tarhan iski namardi sabit ho jati hai. Halankay aisa fard bilkul normal hota hai aur isey nafsiyati elaj ki zarorat hoti hai.

Jinsi Beemari Ka Khauf:

    Jinsi beemari ka khauf bhi insan ki jinsi karkardegi ko kam aur khatam kardeta hai. Mera ek mareez ek paeshawar aurat kay pass gaya. Junhi woh mubashrat (Intercourse) shuru karney laga to foran usko khayal aya kay kahin isko AIDS na lag jaey to foran iss ka tanau (erection) khatam ho gaya. Phir woh taweel arsey tak iss qabil hi na raha.  

Sharab: 

    Sharab shuru mein insan ko jinsi tor per stimulate karti hai. Magar baad mein yeh tanau (erection) ko mutassir karti hai. Hatta kay zyada sharabnoshi insan ko namard bana kar uski azdawaji zindagi aur khushion ko khatam kardeti hai.