Khushgawar Azdawaji Zindagi

 (Happy Marital Life)

 Guzishta dinon mujhey ek khatoon ka phone aya aur kaha ka woh sari zinadagi kabhi bhi jinsi sukoon hasil  nahi kar sakiin. Enhunay baataya ka jab mian ki entiha hoti hai tab en ki ebteda hoti hai. Mian to doodh pe kar sojata hai magar woh sari rat tarapti rehti hai. Ek aur khatoon merey clinic aaeen unhon ney bataya kay unhon ney kabhi jinsi sukoon hasil nahi kiya aur ab woh jinsi sukoon aur itminan kay liye gunah ki taraf ma'el hain. Aisi aurtein ya to gunah mein mulawwis ho jati hain ya phir ahista ahista sex mein dilchaspi kho deti hain aur jinsi frigidity ka shikar ho jati hain.

    Puri duniya mein mian biwi kay 90% jhagrey ghaer mutawazen mubashrat (intercourse) ka naateja hain. Humarey yahan gharelu jhagron ki ek bohut bari wajah jinsi adam itmenaan hai. Doosri taraf yeh baat bhi saamney ai hai kay woh shadi jis mein sex bharpoor ho ziyada khushgawar aur derpa hoti hai. Yanin khushgawar jinsi zindagi khushion ki ek ahem kaleed hai. Ba alfaaz degar azdawaji zindagi ko khushgawar aur purjosh banaanay kay liye sex ka kirdar buniyadi hai.

    Tamam maahireen iss baat per muttafiq hain kay khushgawar zindagi ki buniyad khushgawar azdawaji zindagi hai.

  Quran Majeed mein irshad hai kay

"Phir azdawaji zindagi ka lutf tum en sey uthao" (Alnisa 24)

  Ek doosri ayat mein irshad hai.

"Logo kay liye duniyawi lazat ki Mohabbat arasta kardi gai, yeh hai aurtein aur betai"