4.  Bharpoor azdawaji khushiyan hasil karney ka buniyadi usool yeh hai kay aap ko pata ho kay aap sex mein kya chahtey hain aur phir isey hasil karein. Humarey yahan aksar mardon ko pata hi nahi hota kay sex mein enhai kiya cheez bharpoor jinsi khushi deti hai lehaza sab sey pehley aap yeh jannay kay aap sex mein chaatey kiy ahain? iss ka aik aasan tareeqa yeh hai kay aap ki biwi aap kay jism ko mukhtalif andaaz sey mushta'el karey. Iss sey aap ko pata hojaeyga ka sex mein aap ko kon si cheez sab sey ziyada lutf deti hai. Iss silsiley mein hamari book "Azdawaji Khushiyan___Khawateen Kay Liye" mein foreplay waley hissey ka baghor muta'alla karein. Iss kay elawa aap khud bhi mukhtalif tajurbaat karein, aur phir note karein kay aapko kiya acha lagta hai. Iss silsiley mein mahireen ka khayal hai kay shadi kay shuru kay dinon mein mian biwi ek doosrey ki pasand, naa pasand aur tarjeehat sey aagah hun jaien. Phir biwi  ko bataein kay aap ko sex mein kya acha lagta hai. Iss tarhan iss sey poochein kay woh kya chahti hai.  Aap isey kahan aur kaisey mushta'el karein. Agar aap sharmeeley hain aur jhijhak ki wajah sey zabani apni zarooriyat sey biwi ko agah nahi kar saktey to iss ka ek hal yeh hai kay pehley aap tasawwur mein practice karein. Yani aap tasawwur karein kay aap apni zarooriyat sey apni biwi ko aagah kar rahey hain. Bari tafseel kay sath tasawwur karein kaee din ki practice kay baad jab aap tasawwur mein batatey huey pursukoon mehsoos karein to phir haqeeqat mein apni biwi ko apni pasand aur naa pasand sey aagah karein. Yeh guftogu mubashrat (intercourse)  kay foran baad ki ja sakti hai. Behtar hai kay iss waqt karein jab aap donon pursukoon hun. Biwi per tanqeed naa karein, ilzam naa dein. Behtar hai kay guftogu masbat ho. Yeh bataney kay bajaey kay aap ko kya naa pasand hai yeh bataein kay aap ko kya pasand hai.