agar aap pakistan k social set up ya social matters main drust ya ghalt mo'aqqif paish karny ki bat kar rahy hain to phir to iss mu'ashry main har daleel baaz oqat be sood si nazar ati hay iss mu'ashry ki simat iss had tak ulat chuki hay k yahan jhot ko sach sabit karna intehaie asan aur sach ko sach sabit karna intehaiee mushkil kaam hay

laiken agar on the whole bat kar rahy hain aur uss main b khas kar deen islam main parr jany waly mukhtlif rakhno ki baat kar rahy hain jin ki waja sy mukhtlif mzaahab wajood main aa chuky hain ...to phir iss bat k liye arz sirf itni si hay k yahan daleel hi kaar gar hay aur rahi baat mo'aqqif ko paish karny ki to aysa hukam kaheen b nahi hay k aik insan kisi aik school of thought main rehty howy dosry school of thought k muqabily main mo'aqqif ko darusat paish na kar sakny par jhoota ho jaye ga ...

nahi balky yahan hukam yeh k apny thoughts ka izhar karo jaisy b kar sakty ho laiken apni baat ko kisi par thopo mat agla manta hay to wa bhala nahi manta to to wa bhala

asal main islam koi la waris mazahab nahi hay yeh ayn fitri deen hay issi liye allah ta'ala ka pasandeeda deen hay lehza aysa ho hi nahi sakta k islam k wajood ko sabit karny k liye koi daleel na ho ..nahi yeh possible nahi hay ..laiken almiya yeh hay k jo dalayel hamain ghair muslim ko dainy thy aur jahan hamari iss salahiyat ki parakh honi thi k aya hum apna mo'aqqif theek sy paisah b kar sakty hain k nahi wahan hum ny aysa kiya nahi..aur na hi wahan aysa karna chah rahy hain

hum kar yeh rahy hain k islam k haq hony ki jitni b daleelain hain wo apis main hi aik dosry muslims ko daity rehty hain jab k islam dushmin hamari issi hamaqat ka faida utha kar ham akaily akaily par apna war kar jata hay

yeh issi trah hay jaisy agar international media par islam k khilaaf kuch likha jaye kuch bola jaye ya islam ki tazheek ki jaye to ham apna mazhabi fareeza samjhty howy apny hi ham khiyaal doston wa logon main iss act k khilaaf ihtejaaj k toor par mobile "sms" kar daity hain likhty hain k hum iss ganony act ki bharpoor mazammat karty hain ..:)) o baba iss sms sy islam dushman ko kia nuqsan puhancha ya wo apny act sy kis had tak baaz aya .? ..iss trah to ham ny ultimately kisi ghair muslim mobile network ki hi "madad" kar di ...!!! aur phir iss "ihtejaaj" k bad yahi samjhty hain k hum ny apna mazhabi fareeza ada kar diya hay ...bassss

yahi hal hamara islam k andar rehty howy islam k bary main min hays-ul-qom ya as a muslim hay ....:)hum apis main hi "sms" kar rahy hain aur ultimately islam dushman "network" ko faida puhancha rahy hain..

aap ki muhabbat hay warna banda iss qabil kahan ...:)

jab tak hamara rukh "asal imaan" ki taraf nahi hojata k yeh dunyawi zindagi hi dar asal hamari okhrawi zindagi ko 'mota'ayyan' karegi k ham marnay k baad kiss haal maiN hongay.......aur yeh samajh nahi letay k dunyaa ka "haar kaam" deen hi ka kaam hai.... wa maa khalaqtal jinna wal insaa illa leyaa bodoon... ham (Allah) nay jinnouN aur insaanouN ko kissi aur kaam k liyeh paidaa nahi kia magar yeh k woh hamari ibadat karaiN (al-quran) ... iss ayat k motaabiq jab tak ham yeh baat "samajh nahi letay k "iss dunya maiN quran o sunnat k motabiq kia janay wala har act "ibaadat" hai aur jo kaam iskay bar.aks kia jaa.ay woh "ghair ibaadat".......... tab tak ham......... mo'aasharti o mazhabi masaail ko aik hi laRi maiN nah to pro saktay haiN nah hi kissi ko aisaa karnay ki ijaazat sday saktay haiN :)

aik tarf to yeh aya majeeda insan ki ibadaat , deni amoor ki anjaam dahi ki janab tuwajjo mabzool karwati hay to doosri tarf yahi aya majeeda insan ko apny mabood-e-haqeeqi ki asal marfat k sath ikhlaqiyaat , duniyavi rakh rakhao , insano ka insano k sath mail jol aur khas kar apny maqsad-e-khilqat ki janab b ly jati hay

aysa mumkin hi nahi hay k aik insan duniya main aye aur duniya ko tark kar k sirf allah allah hi karta rahy aur phir akhart main kam yaab b ho jaye nahi balky safar iss duniya main hi teh karna hay ..issi duniya ki sobton main hi rehna hay laiken marfat allah ki hasil karni hay to kamyabi ki zamant pakki..

jaisy shahad ki makhi jati mukhtlaf pholon par hay , soongati mukhtlif pholon ki khushbu ko hay , ras mukhtilif zaiqon ka akatha karti hay laiken jo shehad banati hay uss ka zayqa sirf aik hi hota hay ..

issi trah har insan ka safar mukhtilif andaz ka hota hay laiken agar uss ka maqsad sirf aur sirf marfat-e-elahi ho to phir har kism ki khushbu milny k bawjood b "shehad" aik hi zaiqy ka tyaar hoga yani marfat-e-elahi..aur yahi akhrat ki fasal ho gi jisy insan iss duniya main boo kar jaye ga

pus hum jo b apni zindagi main mu'aamlaat karty hain agar unn main marfat-e-elahi hamari daman geer rahy to phir yaqeeni tor par duniyavi kamon ko hi anjam daity howy hum apni akhrat ko sanwaal lain gy

quran pak main 6666 ayat hain inn main sy sirf 550 ayat ebadaat ki tarf hukam karti hain laiken baqi ki 6000 k lag bag ayat ka mafhoom kia hay wo yahi duniyavi amoor haqooq-ul-ibaad waghaira mu'asharti masayel waghaira ki janab tuwajjo ka hukam hain ..to aysa q hay allah ny apni ibadat k liye sirf round about 550 ayat nazil ki aur insan ki zindgi sy jurry howy deegar mu'amlaat k liye lag bag 6000 ayat nazal kar deen

aysa issi liye hay k insan ka insan k sath mail jol aur rakh rakhao hi asal main yeh duniya hay aur issi duniya main marfat-e-elahi sy bharpoor duniyadari ki hi asal main insan ka maqsad-e-khilqat hay ..iss liye iss amar ki intehaiee takeed ki gayee hay aur irshad hay k duniya akhrat ki khaiti hay...wallah ho ilam bis-sawab