Chund Mutafarriq Tariqey:
- Agar biwi hamla ho khusoosan aakhri maheeno'n mein to missionary tariqa hargizz istimaal na karein bul kay pehlu ba pehlu, mard kursi ya aurat maze kay ooper wala tareeqa zyada munasib hai.
- Aasan dakhool khusoosan pehli mubashrat mein missionary tariqa zyada munasib hai khusoosan biwi neechey ho, uss kay sareen kay neechey takya ho, agar biwi kay sareen bohut patley ya takya bohut patla ho to phir do takyey bhi rakhey ja saktey hain, khawand biwi ki khuli taango'n kay darmyan bethey aur biwi ki taangei'n khawand kay donon taraf hun.
- Agar khawand ka zakar (penis) lamba hai jis sey biwi ko takleef hoti ho to aisi surat mein aisa tariqa istimaal kya jaey jis mein dakhool per biwi ka control ho maslan khawand neechey aur biwi ooper. Agar missionary tariqa istimaal karna chahein to biwi ki taangei'n zyada ooper na hun khusoosan kandhon per na rakhi jaei'n iss kay elawa pehlu ba pehlu aur aagey peechey wali position bhi munasib rahey gi.
Guzishta dinon mere paas ek naujawan aaya jis ki shaadi ko do saal ho gaey thay abhi tak bacha paeda nahin hua tha bul kay zyzda durust baat yeh thi kay abhi tak mubashrat hi nahin hui thi tibbi muaaeney kay baad ilm hua kay uska zakar ka size ba mushkil dha'ee inch tha jis ki wajah sey woh abhi tak azdwaji ta'alluqaat qaem na kar paya tha do saal ba'ad biwi mustaqil tor per maekey chali gaee yeh naujawan agar shuru mein hi aa jata to masla hal karna kuch mushkil na tha jaisey kay hum 'Sex Education….Sab Kay Liye' mein bata chukey hain kay biwi ki azdwajii khushi kay liye dakhool zaroori nahin agar khawand biwi kay bazer ko mushta'il karey to biwi ko bharpoor jinsi lutf aata hai.
|
