rizwi bhai is thesis k liay konsay system se help lon? hazar kisam k systems mojud hain, aur aik "special system" NCF par bhi mojud hai. (wesay raaz ki baat hai k ab tak NCF par mera favourite id "system" hi hai. kash yeh "system" wali id hack kar lon.....lolzz system bhai se maazrat k sath)
eaglefly brother
is intehai aham topic par main thora relax ho kar time nikal kar jawab likhnay ki koshish karon ga. baki members se bhi request hai k is topic par apnay views dain.
info bhai bhai, pahlay ap apna thesis pesh kar daiN...phir dekhiyeh ga k ham jaisay "baqi members" bhi issi thesis say kuch points choraakar "apna apna" bhashan bhi pesh kardengay :) .... g haaN ... yehi to hai woh "apna pan" lol
aap nay sawalia andaz main sab kuch poocha. lehaza aap k jawab denay se pehlay main mukhtasir background likh raha hun, jo jawabaat ko samajhanay main helpful sabit ho.
hamaray har nizam ki buniyad, hmari History multiplied by social psychology ki pedawar zehniat hai.
hmari history yeh hai k ham yani k south-asian log, hzaron saal se sirf ghulam hi rahay hain. south-asians par hamesha kisi nay "bahir" se aa kar hakumat ki hai. lehaza saddion se hmari qom main "ghulami karna" aur apna "aaqa" talash karna, khasusiat ban gai hain.
hmari social psychology yeh hai keh saddion sy, south-asians par bahir se anay walay hukamran, jis kisi nay bhi yahan south-asia par hakumat ki, us nay yahan "taleem o tarbiyat" par koi tawajjo nahi di.. is khof se, k agar yahan k logon main "shaoor" jaag utha tau bahir se anay walon ka takhta ulat jaey ga. lehaza saddion se hmari qom ko yeh sikhaya gya hai, keh "ilm hasil karnay ka matlab hai KARIGAR ban jana"... lehaza south-asia ki "taleem" sirf "karigar" tayyar karti rahi, aur ghulam agar "karigar" bhi hon tau apnay aaqa ki ziada achi khidmat kar saktay hain.
dusra, south-asian log beshumar mazahib par mushtamil thay. lehaza mazhabi aitbar se bhi yahan k log kabhi aik qom ban hi nhi saktay thay. isiliay agar koi local hindu hakumat ka dawedar hota tau sikh, musalman aik ho kar us se lartay. isi tarhan koi sikh uthta, ya koi musalman uthta tau baki us se lar partay. phir majbooran "bahir walay aaqa" ko hi tasleem kia jata. lehaza yahan sab kuch "mixed" hi chalta raha, yahan tak keh 20th century aa gai, aur world-wars nay dunia ka naqshah aur halat badal dalay.
Allama iqbal aur quaid-e-azam, aur un jesi degar hastion nay in halaat ka baghor mushahida kia. wo jaan chukay thay k angrazon nay musalmanon se iqtadar chheena tha, isliay unhun nay musalmanon ko zehni tor par pasmandah kia hai. dusra, hindu kai saddion tak musalmanon k ghulam rahay hain, lehaza angrazon k janay k bad musalman hinduon k mazalim ka shikar hon gy. Lehaza unhun nay musalmanon ko zehni pasti se nikalnay ki tehreek shuru ki..... jis se akhir kaar southasia divide ho gaya...
aur partition k wakt hmaray abao-ajdad, us hi history multiplied by psychology se "tarbiyat yafta" thay, jinhun nay apni sojh bojh k aitbar se jesay tesay mulk ka nizam chalaya. zahir hai un se bari bari ghaltian ho jana aik fitri baat thi. aur unhun nay hi next generation ki tarbiyat ki, aur usi generation se next next, ab aj ham logon tak woh sab kuch muntakil ho chuka hai.
hmaray bazurg baharhaal hmaray liay partition karwa kar apna role play kar chukay jiska ahsan ham kabhi nahi chuka saktay. lekin nizam ko darust karna ham logon ki zimedari hai. aur ham log kia role play kartay hain, yeh ham par depend karta hai.
.........................
Aakhir hamre mulk main yaksan ta'aleemi nizam kyun nahi?
partition k bad bhi pakistani "bahir wala aaqa" talash kartay rehay, jo remote control se hi hakumat karta rahay. islam k naam par wajood main anay wali yeh riasat, islam dushmanon k liyay aik khatray ki ghanti thi. lehaza unhun nay aeerhi choti ka zor laga kar, jis tarhan bhi mumkin tha, "meethay main zehar" mila kar pakistanion ko khilaya. hmaray dushmanon ki bahot sari sazishon main, aik sazish "education system" k zariay hamain apas main taqseem karwa kar larwana bhi shamil thi. aur hmaray "bholay bhalay hukamraan" chup chaap apnay "aaqaon" ki farmanbardari kartay rahay. jabkeh hmaray awam ko is se kia dilchaspi k kia ho raha hai? unhay sirf roti,kapra makan chahiey aur kuch nahi. ghulam sirf "roti kapra makan" mangta hai. aur agar koi ghulam "azaadi" ki baat karay tau ussay "roti,kapra,makan" provide kar do, woh phir se "farmanbardar ghulam" ban jaey ga.
ghareeb k liay peela school aur ameer k liay O-A level ka nizam kyun?
status complex. aur status complex bazaat-e-khud hi "education system" ka aik outcome hai.
Aakhir hamari hukoomatain ta'aleem ki taraf kyun tawaja nahi deti?
isliay k un k nazdeek taleem ka matlab hai doctor, engineer ban jana bas. yani k karigar ban jana. engineering aur medical sectors main pakistan bahot tarakki kar chuka hai. lekin aj tak pakistani awam yeh na samajh sakay k taleem hasil karnay ka matlab hai "ander k soay huway insan ko jagana".
agar hmari hakumat, "shaoor" jaganay wali taleem par tawajjo dena shuru kar de, tau "aaqaon" k kaan kharay ho jain gy, aur hakumat k chehray tabdeel karwanay par jain gy. aur agar pakistani hakoomat is point par stand le kar aesa kar guzray, tau logon ko "apna haq mangna aa jaey ga" jo sab se bara "masla" ban jaey ga. log tamam idaron ki karkardagi ka jaiza lenay lag jain gy, log state orders ki "justification" mangnay lag jain gy, bijli pani petrol ki qeematon ka ahtasab public satah par a jaey ga, jageerdaron ko "zameenain" state k hawalay karni par jain gi..... limitless unfold !
lehaza aesay khatray mol lenay ki kia zarurat hai?
kya puray mulk main yaksan education system aur yaksan nisab nafiz karna na.mumkin kam hy?
filhal ground reality yehi hai k na-mumkin hai. sirf education system ko darust karna hi aik bloody civil war hai. aur logon k pas be-tahasha masail pehlay hi mojud hain, tau woh q apni jaan "useless cause" main zaiya karain?
kya is main bhi America ka hee qasoor hy, kya is ki zimadari bhi hum America par dal dyn jis tarah hum apni deegar kharabion ka zimadar america ko tehra dete hyn?
is sab main america ka 1% bhi qasoor nahi hia.. is sab main hmaray kisi bhi dushman ka koi qasoor nahi hai. is main ham sab ka apna qasoor hai. aik nakaam insan bhi, aur aik nakaam qom bhi, woh hotay hain jo apni nakaami ka zimedar dusron ko qarar detay hian. ham pakistani us wakt tak nakaam rahain gy, jab tak ham apni ghaltion ka zimedar dusron ko qarar detay rahain gy. jis din ham nay apni ghaltion ko nishana bnana seekh lia, us din hmara har dushman ham par har shobay main be-asar ho jaey ga.
jazakAllah! Aap ne time nikal kar donoun sawaloun k behtareen jawab diay. info1234 bhai sawalat tou bohat se hyn zehan mai magar main filhal apne sawalat ka silsila waqti taur par rok raha houn jab tak Aap rest karain, aisa na ho k Aap kahain k ye uran panchi free hee hogya hy muft ka ustad daikh kar dhara dar thesis numa sawal kiay ja raha hy sans bhi nahi lene deta lols......
s4u sister, glamour sister and Dr.KamiAli
welcome to this thread
Diplomate bhai
jazakAllah! Aap ne bohat acha explain kia. umeed hy Aap yahan participate karte rahainge.
myrizvi bhai
Aap ne sara bojh bechare info1234 bhai k upar dal dia hy, un ka thora khayal karain. dekhte hyn Aap ka qalam kab josh main Aata hy.
development hay engineering or medicine main aik liver transplant ka hsopital nhee hay aik federal level ka excellence medical centre nahee koi private aeronautical enginering university nahee india main b education system multiple hay magar 2000 afghan students ko or hazaron nonpakistani students ko scholarship day rha hay pakistan main to log bchon ko ghar main b eduction yalikhna prhna sikhan he nahe chtay srilanka corruption or khoodkush dhamakon say bharpoor mulk magar literacy 95 %
eaglefly brother aap nay jitnay sawal poochnay hian yahan post kar dain... bas choice meri ho gi k jis ka chahun, jab chahun jawab don...jo sawal bach jain gy woh rizwi bhai k liay....lol..
aur aap jitna chahain "free" ho lain.. sans main apni marzi se leta hi rehta hun... :)
myrizwi bhai :
janab apka thread read kia soorat wala, aap nay wahan mujhay "nominate" kar rakha hai.. lol
ittefaq se is topic par main bhi search karta raha hun.... mujhay is topic se related kafi kuch maloom hai, lekin woh sab "darmian" main hai yani half-baked... koi hatmi baat abhi tak samajh nahi a saki... lehaza main us topic par kuch nahi kahun ga. qk meray khayal main public main woh baat karni chaiey jis ka complete knowledge ho. jis baat ki adhi samajh ho aur adhi baat ka knowldge hi na ho tau us se sirf confusion hi hoti hai...
yeh sab isliay, qk mujhay laga shaid aap meray reply ka wait kar rahay hon.
rizwi bhai aap ko main kuch references bta deta hun jo aap ko "soorat walayat" walay topic se related confusion khatam karnay main bahot helpful hongay. koi hatmi baat beshak samajh na aey, lekin zehan confusion se saaf ho jaey ga aur "firqawariat ki takseem" ki wajoohat bhi apkay liay streamlined ho jain gi.
sab se pehlay Hazrat Ibrahim AS se pichla daur mukhtasir parh lain, phir Hazrat Ibrahim AS ka daur aur bani israel ki tareekh mukhtasir parh lain. is k bad sura e baqra k pehlay 12 raku aur sura e bani israel, tarjuma o tafseer k sath parh kar bani israel ki qom ko achi tarhan samajh lain...
is se aglay step par christianity aur Saint Paul ki reforms, aur trinity ka concept ko study karain, aur pichlay background k sath aap ko yeh baat bahot achi tarhan samajh a jaey gi, k Hazrat Esa AS se bughaz rakhnay walay yahoodion nay kis tarhan "trinity ki gumrahi" phelai...
phir sura e alimran ko tarjuma tafseer k sath parhain, aur seerat e Nabi e kareem SAW parhain. (mujhay maloom hai k in sab main se beshtar hissa aap parh chukay hain aur aap mashaAllah pehlay se hi acha khasa ilm rakhtay hian, main sirf aik path bata raha hun k jo koi bhi interested ho, is sequence se parh sakta hai, aur ajkal net par yeh research karna intehai asan kaam hai)
is sab k bad jab aap Nabi e kareem SAW k bad ka daur parhain gy tau apko "islamic history" main koi bhi wakia herat zda nahi karay ga... apko bahot asaani se "yahoodion ka kirdar" aur munafiqeen ki sazishain samajh ati jaen gi.. aur yeh hakikat samajh a jaey gi, k yahoodion nay bhi, islami talimat ko usi tarhan "gumrahi" main badalnay ki sakht koshish ki, jis tarhan unhun nay Hazrat Esa AS ki talimat main gumrahi mila kar ussay "kufr" bana dia tha.... aur mojuda daur ki har kisam ki firqa wariat aur afwahun ghalatfehmion ki jarain bhi gehrai main samajh a jain gi. yeh baat wazah rahay, k quran hi ki mutabik, musalmanon k badtareen dushman yahoodi hain.. jo aaj tak usi koshish main masroof hain. lekin 1400 saal se, sirf un logon ko gumraah karnay main kamiab ho sakay hain jo apnay zehan ko kholna hi nahi chahtay..
isi tarhan, ashab-e-suffa ki study karain, aur us background k sath Hazrat Imam Jaffar Sadiq RA aur Hazrat Imam abu Hanifa RA ka bahmi taluk study karain tau inshAllah deeni aitbar se apki har kisam ki confusion khatam ho jaey gi. yahan tak k shariat/tareeqat ki confusion bhi khatam ho jaey gi.
haq khud aik daleel hai.. haq daleel ka mohtaj nahi balkeh khud hi ghalib hota hai.. jabkeh batil ko "daleelon" ki zaroorat parti hai...
2+2 = 4 khud aik daleel hai jissay samajh kar 3+3=6 khud bakhud samajh main aa jata hai.. jabkeh 2+2=5 prove karnay k liay bahot sari daleelain deni parti hain.... bas yeh asool samajh kar zehan k darwazay khol kar deeni research shuru kar dain, inshAllah haq aur batil zahir ho jaen gy.
aur yeh research tamam musalmanon ki zimedari hai k woh apnay zehan se islam aur "apna maslak" qabool karain, na keh baap dada ki wja se... koi doctor ka beta jab tak medical college na jaey doctor nahi ban sakta.. isi tarhan kisi musalman ka beta us wakt tak hakeeki musalman nahi ho sakta jab tak ilm hasil kar k apnay zehan se haq batil ki pehchan na kar le...
k apnay "meri confusion"door karnay ki koshish ki ... waisay mujhay islam aur firqawariyat k baray maiN "zaati taur par koi confsuion" nahi hai. mera zehan bilkul saaf aur clear hai, waisay hi jaisaa k apnay bayaan kia hai... mujhay pata hai k bahoot say "mazhabi tehwaar" (like jashnay nau roz) ... paarsi, muslim aur yahoodi ...aik chat k neechay aik saath kiyouN manaatay haiN... mujhay yeh bhi nazar aataa hai k allam tahirul qaadri paadri k saath milkar kiyoun
xmas cake kaaT tay haiN... alhamdolillah mujhay aisi koi confusion nahi hai.
lekin awaam un naas ki "confusion" door karnay k liyeh maiN... "ham" ka segha use kartay howay woh sawaalaat bhi oThaa.ta houN, jo common muslims k zehnouN maiN haiN...phir in sawaalaat /confusion k mokhtalif pahloo'ouN ko discuss karkay logouN ko right path ki taraf laanay ki koshish karta houN... aur omeed karta houN k aap bhi in forums maiN yeh fareezah anjaam detay rahnegay... net world maiN bahoot tezi say islam ko uljhaa kar youngsters ko confuse kia jaraha hai...lekin agar onhaiN sahi direction batlaa di jaa.ay to woh khud net par HAQ ko search kar saktay haiN... aur yehi asal kaam hai
Rizwi bhai MashaAllah, ap kay reply se bahot khushi hui... aur mera bhi yehi matlab tha keh aap k elava "jo koi bhi" yeh confusion dur karna chahay, tau meri raey main is sequence se yeh sab kuch parh le, ussay khud hi sab jawab mil jain gy. aur "aam musalmanon" ko yeh sab pata hona chahiey.
meri khwahish hai, k kuch mufti hazrat, kuch mohaddis, kuch mo'arrikh, kuch psycologist, aur kuch achay writers... apas main mil beth kar , bilkul ghair janibdar ho kar, yeh sab kuch proper references k sath aik mukhtasir si kitab ki shakal main awamunnas k zehan saaf karnay k liay compile kar dain.. aur log khud hi un references ko parh kar apnay zehan se faisala kar lain k unka dil kis taraf jhukta hai.
readers ka is baray main kia khayal hai ? aur yeh kis had tak mumkin/practical/fruitful ho sakta hai ?
info brother main iss thread main amooman aata nahi hon laiken jab b aata hon aap ki post ko zaror daikhta hon samjh lain k aap ki hi post ki talash main yahan ajata hon , aap ny sect division wali post main jis andaz sy tajziya kiya hay wo bila shuba qabil-e-satayesh hay uss par aap ki jitni tareef ki jaye kam hay , waqiya hi islam k khilaf Jews ki jo sazish hay jo past main thi ya jo present main hay bilkul usi ny islam k hisy bakhary kiye hain ..iss main 2 roy ho hi nahi sakteen ,
laiken afsos unn Jews par utna nahi wo to Islam k azal sy dushman hain aur rahain gy , dushman ka to kaam hi behkaana aur haq sy hatana hay , afsos to hamary pathar ki soch rakhny waly unn muslim bhaiyon par hay jo unn k behkawy main aakar "alooda aitqadaat" ko emaan samjhty hain aur islam ki purity par dagh lagaty hain , aur issi "danashwari" k tehat khud b apno sy nabard azmaa hain aur dosron ko b dawat daity hain k ayein aik dosry par "keecharr" uchalain ..apni tarf sy aysy pathar ki soch waly hazrat "deeni fareeza" adaa karny k dawry daar hain ..
info bro aap ny Jews ki Islam mukhalif sazish ka zikar kiya to main iss Qom ki ak sazish jo k Christians k khilaaf hay ko b yahan define karta hon jis sy aap ko aur readers ko andaza ho ga k yeh qom kis had tak batil zada hay aur allah k muqabily main islam k khilaaf nabard azma hay
yahood-o-nasara Islam k azli dushman hain (al-Quran) laiken agar aap daikhain to yeh aitqadaat aur amaal k lehaz sy apis main b buhat barry dushman hain , yani k yahodi eman hay k hazrat mosa (a.s) tak hi kisi khudayee deen ka wajood hay , jab k Chritians hazrat Esa (a.s) tak aaty hain , yahi sab sy brra difrence hay jo inn dono adiyaan ka apis main nuqta-e-ikhtelaaf hay , issi ikhtelaaf ki waja sy hi to yahodiyon ny hazrat Esa (a.s) ko masloob kiya yaani qatal kiya , yahan sy nasara ki yahood k khilaf dushmani mazeed gehri aur wajub ho gayee
iss k baad islam nazal howa to yeh dono adyaan apis main akathy ho kar islam k mukhalif ho gaye , 2 dushmanon ko akatha hony k liye kisi aik "nuqta" par baham hona zarori hota hay , chunachy yahood jo k nasara k azali dushamn thy uhnon ny apny batal pan ko chupany k liye aur khud ko nasara ki nazar main motbar sabit karny k liye aur islam k khilaaf yak jaa hony k liye aik sazish ki
yahood ki wo sazish aaj tak nasara k liye aham aur motbar hay laiken hay yahood ki sazish , nasara ko uss sazish ki bikul b samjh nahi arahi aur wo uss sazish ko sazish na samjhty howy apny deen ka ka hissa samjh rahy hain aur aaj b uss sazish k sath chimaty howy hain aur tuss sy muss hony ko tayar nahi , balky iss sazish par hi to Christ ka deen tika howa hay
sazish
yahodiyon ny hazrat Esa (a.s) ko jis aala yaani ozaar sy qatal kiya ussy urdu main "sooli" kehty hain , yaani saleeb (cross) to iss aala qatal sy Cristians ko nafrat honi chahiye thi q k yeh Peghambar (a.s) k qatal ka zriya tha , laiken aaj Christian ko iss aala sy aqeedat hay , yahi to aik sazish hay ji Jews ny islam k khilaaf Christ ko apny sath milany ki gharz sy ki , yahod ny khud sy iss saleeb ko galy main latkana shuro kia , iss ki pooja karni shuro ki , issy izzat ka muqam dainy lagy , to ahista ahista Christ samjhny lagy k yahood to unn k khair khuwa hain , lehaza inn dono ka apis main yak jaa hony ka jawaz paida hony laga
halan k saleeb aala-e-qatal hay iss sy Christ ko nafrat honi chahiye laiken iss sy muhabbat q hay , bass younhi samjh lain k jab khalis deen ko aik tarf kar k uss main bi'daat shamil kar di jati hain to asal baat par dhool par jaati hay aur jo naqsha samny aata hay aany wali naslain ussy hi asal deen aur asal deen daari samjhny lag jaati hay , azal sy aysa hi how hay aur qiyamat tak aysa hi hota rahy ga
laiken iss k sath sath Alahi quwtain b apna kaam karny main masroof hain ..allah sab ko haq samjhny ki tofeeq ataa farmaye ..ameen laiken wo haq ko har giz nahi samjh sakty jin k dilon par allah ny qiyamat tak muhar laga di hay (as per quran)
bahoot aalaa khayaal hai. Allah karay ap issay amali jama pahna sakaiN takay aam mosalmaanouN ka bhalaa hosakay.
agar aap iss qism ka "moshtarkah kaam" pahlay karchukay haiN, ya kissi aisay adaaray say wabistah haiN, jahaaN iss qism ka kaam hota raha hai...phir to aisaa karna chandaaN mushkil nah hoga
lekin
agar aisaa nahi hai aur apnay abhi aisay logoun ko jama karna hai, phir onsay yeh azeem ul shaan kaam lena hai to ... agar ap boraa nah maanaiN to main yeh kahouN k ... yeh aasmaan say chaand taaray toR laanay k motaradaf hai :)
agar to ap yeh kaam start kar chukay haiN aur apkay pass team already ban chuki hai yaa koi adaraa iss kaam ka beeRa oTha chuka hai to issay jari rakhiyeh...hamari dua aiN apkay saath haiN
lekin agar abhi sirf yeh socha hai ... aur apnay hi issay execute karna hai ... aur 2nd opinion sunnay ka option apkay pass hai to meri aik tajweez hai.
aisay ilmi kaam last 14 centries maiN bahoot hochukay haiN... apnay sirf karna yeh hai k aisay books ko yakjaa kar laiN... net par bhi mil jayengay aur libraries maiN bhi aur yaqeenan apki library maiN bhi hongi.... palay ap "matloobah already printed books" ko jamaa karlaiN...apni book ka khakah banaa laiN aur in books say "matloobah mawaad 'pick' kartay jayaiN... taweel /mokhtaswer , tarteeb, bay.tarteeb ki parwah nah karaiN nah hi urdu /english ki tameez ... jo bhi jahaan say mil jaa.ay.... onki photo copies ko aik box file maiN yakjaa karlaiN
phir kissi aik language main inki summary tayyar kar laiN /karwa laiN... kai logoun ko diff parts diyeh jasaktay hain jo motalleqah subject par aboor bhi rakhtay houn aur likhnay /editing k fun say bhi waqif houn.... iss tarah diff mosawwaday tayyar hongay... phir onhaiN kissi aik writer say re-write karwa laiN aur last maiN kai ashaabay ilm say reading /comments karwalaiN.
mera khayaal hai k iss tarah kam waqt main zeyadah behtar /mokhtaser /mo'asser "paighaam" morattab hojayega.
agar tajweez qabilay amal nah ho to issay aik taraf rakh daiN...magar iss project ko start zaroor karaiN. Allah apka haami o naasir ho
myrizvi bro ny achi tajaweez di hain , agar info brother aap help k tour par kuch laina chahain to aap ki asani k liye main aik book batata hon jo k bilkul aap ki thinking ki akasi karti hay , uss book ko read karny k baad aap ko apny project main help b mil sakti hay aur yeh b ho sakta hay k aap ko apna project start hi na karna parry q k , jis kaam k liye aap project start karna chah rahy hain wo already uss book k zariye ho chuka hay
iss book ki duniya ki kai languages main translations ho chuki hain , urdu main b dastiyaab hay
"matab publications" Islam Abad Pakistan sy matbooa hay
jo kaam /project already hochuka hoossay naye siray say karnay say ajar o sawaab to milsakta hai magar yeh aik tarah say waqt /sarmayaa k 'zayaa" bhi hai. behtar hai k aisay jetnay bhi kaam paya takmeel ko pahonch chukay houn, pahlay onhain yakjaa kar laiN... phir dekhaiN k inhain "agay" baRhanay ki zaroorat ya in alag alag kaamoun ko mahaz yakja /complie /summarise karneki zaroorat hai
rizwi bhai aap nay kuch ziada hi "tasawwur" kar lia.... lol
tafseel se main wakt nikal kar baat karon ga... filhal sirf itna kahun ga, k presently mujhay professional life aur personal life nay kuch maslon main itna uljha kar rakha hua hai, k main kisi social activity ka soch bhi nahi sakta.. kisi idaray se wabasta honay ka filhaal tau meray liay dur dur tak bhi imkan nahi hia. bahut sari committments aesi hain, jo mujhay filhal koi "social zimedari" uthanay ki ijazat nahi deti.
Allah mujhay, aapko, aur bahot saray musalmanon ko is kaam ki taufeeq ata farmaey. aur apki baat darust hai k is "project" par bahot kaam ho chuka hai, sirf un koshishon ko "ikatha" karna asal kaam hai aur editing karna. jis k liay authentic team ki zaroorat hai. jis ka filhal aik bhi member meray pas nahi..... aur public level par koi baat kehnay ka abhi tak mera jitna tajruba hai, woh yehi hai k log "kehnay walay" ko dekhtay hian, baat ko ahmiat nahi detay... abhi tak mera experience yehi raha hai, k "young age" ki wja se meri baaton ko ahmiat nahi di jati.. jabkeh mujhay baat karnay main maza hi 35+ logon se ata hai.. aur aesi mehfilon main mujhay sirf "sun'na" parta hai, .. bolnay k liay net par ana parta hai jahan koi bolnay walay ko nahi dekhta..... lol
agreed info bro ... aisaa hi /bhi hota hai ... chalaiN apko niyyat ka ajar to milega hi ...jab apki professional /personal masroofiyaat maiN say kuch waqt milay to iss taraf bhi tawajjah dijyega. waisay tahqeeq o taaleef ka kaam ghar baiThay rozana 1/2 ghanTah makhtas karkay bhi 'start' kia jasakta hai...phir Allah khud hi raastah batlata jata hai...har kaam ka aghaaz 1 hi fard say hota hai...kaarwaNN khud bah khud banta chala jata hai
diplomat
bhaiapka bahot shukria. InshAllah main apni
awwaleen fursat main yeh kitab parhun ga.. kuch kitabain main pehlay bhi parh
chuka hun, aur koi shak nahi k woh bahot umda andaz main likhi gai hain. lekin
mujhay un main kuch kami mehsus hui jis par meray zehan main aya k koi is kisam
ki kitab honi chaiey jiska khaka main nay ooper bian kia. aur agar apki bian
kardah kitab wesi hi hai, tau phir is se agay ka sochna paray ga, k woh kitab
logon ki zarurat q nahi bani, ya logon k zehan se confusion khatam karnay main
kamiab q nahi hui.
meri personal observation yeh hai k logon main variation bahot ziada hai. kisi
ka level bahot neecha hai kisi ka bahot ooncha, kisi ka darmiana.. kisi ko
"reading" se dilchaspi nahi tau kisi ko "jan'nay" se
dilchaspi nahi. .. aur aesi surat main logon ki frequency kia hai jis par woh
kuch samajh sakain? yeh sochnay wali baat hai.... logon ki jo frequency ho gi,
unhay usi andaz main baat ki samajh aey gi.
myrizwi
bhaiapki tajveez dil ko lagi hai. wakai roz ka na sahi, weekly kuch ghantay zaroor nikalay ja
saktay hian. aur karvaan wakai aik se shuru hota hai aur apni tadad tak
pohanchta hai. mukhtalif kitabain ikathi karna, unka tajzia karna, aur kuch
extract karna, .. yeh kaam mushkil nahi hai... aur is kaam main jitna wakt lagay,
woh "age numerical" ka weight bhi barha de ga... lol
wesay
bhi, Allah Talah khud apnay deen ka muhafiz hai, usy hamari zaroorat nahi
hai... :) Allah Talah khud apnay deen ko ghalib karnay k liay kafi hai, ham tau
sirf koshish karnay walay hian. ham sirf yeh kar saktay hian k apni koshish main itna khaloos peda kar lain k Allah Talah hamain apnay deen k liay qabool farma le.
Allah Talah khud apnay deen ko ghalib karnay k liay kafi hai, (*) bay shak
ham tau
sirf koshish karnay walay hian. (*) agar hain to :) agar "ham" nahi karengay to Allah yeh kaam "kissi aur" say bhi lay sakta hai. "yeh kaam" to har soorat maiN hoga...farq sirf yeh hoga k iss kaam maiN hamara bhi hissah hoga yaa nahi
ham sirf yeh kar saktay hian k apni
koshish main itna khaloos peda kar lain k Allah Talah hamain apnay deen k
liay qabool farma le. (*)aameen
agar iss lufz khodi ko zaraa si tarmeem karkay "khud hee" paRh laiN to go shair wazan waghairah say gir jayega, aur ain mumkin hai k shair ki khoob.soorti bhi motaassir ho...lekin iss tarah shair ki "tafheem" bahoot asaan hojati hai :)
ham jab matric maiN thay to ghalib ka yeh shair kuch samajh maiN nahi aayaa tha k:
maiN nay manaa k kuch nahi ghaalib muft haath aa.ay to bora kia hai
ham nay sir say poocha k iss maiN "taghazzal" wali baat kia hai... to onhouN nay moskoratay howay kaha thaa k beTa! iss shair maiN lufz "ghaalib" say pahlay "hai" lagaa kar dekho... aur waqe'ee iss say behtar /mukhtaser tafheem iss shair ki nahi hosakti
Iqbal nay bhi issi taarf isharah kia hai k agar insaan "apnay aap" ko etna "up-garde" kar lay k khoda oss say pooch kar (yaani banday ki manshaa k motaabiq) oski taqdeer likh detaa hai
waisay Iqbal ki khudi ki tafheem o tashreeh par scholars nay bahoot kuch likha hai...jissay etni detail say yahaaN bayaan karna mumkin nahi... except yeh k yeh kaam apnay nikkay praa g (Diplomate bhai:) apnay haath maiN lay laiN :)
Warning :The information presented in this web site is not intended as a substitute for medical care. Please talk with your healthcare provider about any information you get from this web site.
edication system
great , absolutely right