|
shahzadpk
|
Group: Members Joined: 23rd Mar, 2009 Topic: 1 Post: 8 Age:
46
|
|
| Posted on:2nd Jun 2010, 10:34am |
|
| |
 History Of Sultan Mahmood Ghaznawi - Great Worrier Vs Thief
Was mahmud Ghaznawi the great muslim leader who was also called the but shiken or was he just a common thief, who came to India for its wealth and gold, 17 times in his 24 years of rule?
You comments please.
|
|
Bewaqoof
|
Group: Members Joined: 19th Sep, 2010 Topic: 263 Post: 4444 Age:
39
|
|
| Posted on:2nd Jun 2010, 10:45am |
|
| |
 Mahmood Ghaznavi
Mahmood Ghaznavi mai khoobia bhi thi, lekin jaha tak somnat per 17 hamla ki baat hai tu woh sirf aur sirf loot maar kerne jaata tha. agar kisi ki nazar mai loot maar sahi hai tu phir woh 17 hamla bhi sahi hai warna nahi.
meri nazar mai hindu ke mandir ko tabah kerna aur os mai mojood dolat ko lootna bilkul ghalat hai. jis tarah hamai Babri Masjid ki shahadat buri lati hai isi tarah Hindu ko bhi on ka mandir tabah kerna bura lagta hai. lehaza mazhabi ibadat gah chahe hindu ka ho ya musalman ka ose tabah kerna sahi nahi hai.
meri nazar mai sab ko mazhabi aazadi honi chahiye aur ham sab ko aik doosre ke mazhabi ebadat gaho ka ehtaram kerna chahiye. Pakistan mai bhi aik mazhabi inteha pasand group jo masjido, imam bargaho, mazaro aur non-muslim ke ibadatgaho mai bomb dhamake aur qatal o gharat giri ker raha hai bilkul ghalat hai.
|
|
shahzadpk
|
Group: Members Joined: 23rd Mar, 2009 Topic: 1 Post: 8 Age:
46
|
|
| Posted on:2nd Jun 2010, 1:37pm |
|
| |
Bewaqoog Bewaqoof sahib main ap say bilkul agree kerta hoo. Main ye kiya keh raha hoon bewaqoof k sath agree kar raha hoon.
Any way ap nay sahi kaha hay, main jab apni hindustani history parta hoo to bohote afsose hota hay. Aik bat ham sab bhool jatay hain kay us waqat ham sab hindustani thay or shaid us waqat ham hindu b hon. 17 bar jis rastay say wo guzra hoga un logon ka kiya haal kiya hoga us ki army nay. Wo hamaisha March April main ata tha or Monsoon season say pehlay wapis chala jata tha, yehni k wo jab gandam pakty thi to ata tha ta k us ki army ko khanay ka koy masla na ho. Jis rastay say wo ata tha whan say jo b janwar milta tha sath lay jata tha. can you imagin un logon par kiya bitity hogy. un ki baitiyun un ki biwiyun un ki maon kay sath kiya saluq kiya jata hoga or agar phir be in lutairon ko ham apna hero manay to? |
|
shahzadpk
|
Group: Members Joined: 23rd Mar, 2009 Topic: 1 Post: 8 Age:
46
|
|
| Posted on:2nd Jun 2010, 1:38pm |
|
| |
sorry It should be Bewaqoof |
|
H/dr_Qasim
|
Group: Members Joined: 10th Sep, 2010 Topic: 185 Post: 6560 Age:
36
|
|
| Posted on:2nd Jun 2010, 5:56pm |
|
| |
Mahmood ghaznawi
jessy Bewakoof nay Historians ka tujziyaa paysh keya hay essi turhaa dosry Historians nay mahmood Ghaznavi ko as sipaa salaar bhe observe keya hay, as muslim bhe, as leader bhe or as Fatih bhe or koch Historians kay nuzdeek mahmood ka india pay humlaa kurnaa loot maar or india kay wusaayil pay qubzaa kurnaa bhe thaa or koch Historians kay nuzdeek Islam ko phalaaana bhe Diffrents openions hen , jo Mundur or ebadut ghayin os wakat mismaar ki ghi wo os wukat onki Jungi turjihaat meah shamil taah or ap es baat say sub wapif hen jub ek Fatih kisi place py qubzaa kurny kay bhad os city meah aata hay tu keya kurta hay wo apny Hureef ka nam or nishaan mitaa danaa cha-hata hay. lakin jub mahmood ghaznavi nay Qubzaa kur leya hukoomat qyaym kur de tu bot say essy kam bhe keyeh jin say putaa chultaa hay kay oskaa muksaad serf looot maar he nahi taah,es leyeh serf Koch Historians ki openions ko he Hurf-a-aakhur naa sumaj layin bulky tummam Historians ki openion or mehmood ghaznavi ki whole life , futohaat, oski Shuksiyaat, tumaam bato ka Tujziyaa kurin tu pher apky mind meah ek clear munzur samny aay gah.
|
|
Bewaqoof
|
Group: Members Joined: 19th Sep, 2010 Topic: 263 Post: 4444 Age:
39
|
|
| Posted on:3rd Jun 2010, 9:34am |
|
| |
Mahmood Ghaznavi ka somnat per hamla re: "Any way ap nay sahi kaha hay, main jab apni hindustani history parta hoo
to bohote afsose hota hay. Aik bat ham sab bhool jatay hain kay us
waqat ham sab hindustani thay or shaid us waqat ham hindu b hon. 17 bar
jis rastay say wo guzra hoga un logon ka kiya haal kiya hoga us ki army
nay."
jis tarah drone hamlay aur usa ka iraq afghanistan per qabza se waha ke logo ki jo feeling aur takleef hai wahi feeling aur takleef os waqt Mahmood Ghaznavi ke hamla se Hindustan ke hindu per hota tha. jab ham Usa ke hamla ko bura samajhtay hai tu osi tarah Mahmood Ghaznavi ke loot maar walay hamla ko ghalat samajhna chahiye.
|
|
H/dr_Qasim
|
Group: Members Joined: 10th Sep, 2010 Topic: 185 Post: 6560 Age:
36
|
|
| Posted on:3rd Jun 2010, 2:39pm |
|
| |
Mahmood Ghaznavi ka somnat per hamla Hur Hokumraan or Faateh or siyaasat daan say Siyaasi mistaks hoti hen jub wo power meah hota hay or meah agree kurtaa hon Ghaznavi ky attacks meah oski koch siyaasi or intazaami mistaks ho sukti hen jessy bewakoof keh raha hay. lakin agur aap Soltaan Sulaah-ud-deen ko study kurin tu ap dakhyin gay english Historiyans and non muslim Historiyans koch or openion rukhty hen or muslim khoch or
|
|
Seemi
|
Group: Members Joined: 11th Sep, 2007 Topic: 14 Post: 3817 Age:
28
|
|
| Posted on:3rd Jun 2010, 10:37pm |
|
| |
Mahmood Ghaznavi
Mahmood Ghaznavi ko Tareekh mein aik aisay badshah ke tor per jana jata hai jis ne hindustan mein Islam ki raah hamwar ki. Agar Mohamad bin qasim Sindh per hamla na karta or phir mahmood Ghaznavi hidustan per 17 hamlay jin mein aik hamla somnaat per bhi tha, kar k yahan k raja maharajaon ka zour na tourta to hindustan mein kabhi bhi Islam nahi aa sakta tha. tareekh yehi hai k pehlay muslim mujahidon ne ilaaqon ko fatah kiya us k baad muslim mubaligheen or oooliya e ALLAH ne un ilaaqon mein ja kar logon ko Islam ki taraf raghib kiya. Agar Mahmood Ghaznavi baqool Bewaqoof bhai aik luteera tha to phir tamam muslim sipah salar jinhoon ne duniya fatah ki, sab luteray kehlayein ge? Salah ud din Ayubi, Tariq bin zayad, Mohamad bin qasim, ziad apeechay chalay jayein to Hazrat Khalid bin waleed, Hazrat Saad bin abi waqas, Hazrat Ali bhi luteray thay jinhon ne dosray mulkon or ilaqon per hamlay kiye? Phir agar yehi baat hia to bawaqoof bhai to naoozbillah Rasool e Pak S.A.W ko bhi isi mein shamil karein ge k unhon ne Makkah pe hamla kiya tha...
Mahmood Ghaznavi ne bhi wohi tareeqa ikhtiyar kiya tha jo Rasool ALLAH S.A.W or sahaba karam ka tha k ya to jaziya de kar hamari panah mein aa jao ya jang k liye tayar ho jao.
Jahan tak baat hai doulat lootnay ki to tareekh is baat ki gawah hai k kisi ko pata nahi tha k somnaat k butt k andar heeray jawahiraat bharay hien.. jab Mahmood ghaznavi butt tournay laga to Hindu pujari ronay lagay or minatein karnay lagay k is butt k wazan k barabar hum aap ko sona jawahirat detay hien is ko na tourein to us ne tareekhi jumla kaha k mein tareekh mein khod ko butt shikan kehalwana chahta hon butt farosh nahi....
duniya ka yehi rule hai k jis k pass taqat hia woh isi tareeqay se duniya fatah karta hai or apni qoum k liye asaaniyan paida karta hai.... Jab Irani ya roman arab per hamlay kartay thay, ya jab mangolon ne duniya mein tabahi machayi ya jab Alexandra ne duniya taskheer ki.. sab ka aik hi tareeqa raha hai..
India Pakistan mein rehnay walay majority muslims woh hien jin k aabaa o ajdaad pehlay hindu that or unhon ne mahmood ghaznavi or mohammad bin qasim k hamlon k baad Islaam qabool kiya.. Bohat kam loug aisay hon ge jo Arab se ya Afghanistan se aye hon. To humein to mahmood ghaznavi ka ehsan manna chahiye k us k anay se yahan Islam pohancha or hamaray baap dada ne islaam qabol kiya warna hum bhi aaj Mandiron mein nach rahay hotay, gaye k peeshaab se naha rahay hotay or sanpon ki pooja kar rahay hotay.
|
|
H/dr_Qasim
|
Group: Members Joined: 10th Sep, 2010 Topic: 185 Post: 6560 Age:
36
|
|
| Posted on:3rd Jun 2010, 11:07pm |
|
| |
Maa sha Allah
Seemi aap nay koozay meah duryaa ko bund kur kay jo behtureen tujziyaa pash keya , kamal kur deya zuburdust, Meah etnaa kaho gah kay Hum ko apny Heros ko Ghyoon Ki aankh say nahi dakhnaa cha-yeh,Humary Kisi Faateh ko , sipaa salaar ko Doshmaan achay nam achi yaado say kubi yaad nahi kurta na kury Ghaah, Soltaan sulaah-ud-Deen ko Hum Muslim Donyaaan ka Azeem sipaa salaar ek Azeem mojaahid manty hen jis nay apni sari life Jehaad , meah gozaar dee jub kay Non-muslims soltaan sulaah-ud-deen ko ek Dectator kay nam say yaad kurty hen, Esii leyeh meah nay kaha thaa kay Historians ki apni apni openion hay lakin hum ko Hur pheloo say Tujziyaa kurnaa chaayeh,
Mahmood Ghaznavi ka sub say bura muqsad as muslim Hindostaan meah say Bot puraasti ka khatima taha or islam ki raah ko Humwaar kurnaa tahaa, or essi Muqsud kay leyeh Mahmood Ghaznavi nay Bhagdaad kay Khilaafa Qadir Billah Montakhib keyaa India meah islam phalaany kay leyeh. wo tu khod ek sipaa salaar thaa koi muzhabi shuksiyaat nahi thi , or osny Nagarkot , somnath kay Hindo bot khaany mis maar keyeh , jo Hindo kay Mundur , botkhaany , tubaah howy wo serf Jung kay doraan keyeh gay , lakin Ammun kay zumana meah jub whaa apni Hukomat Kayim kur de tu pher kubi Mahmood nay koi muzhabi muqaam tubaah nahi keya,
|
|
AppkaDost
|
Group: Members Joined: 18th Jul, 2009 Topic: 24 Post: 281 Age:
37
|
|
| Posted on:5th Jun 2010, 10:03am |
|
| |
Mehmood Ghaznawi Islam mein jang kay bhee kuch asool hotay hain jiss mein fatah kihay hohay alaqoon ko mazhabi aazadi ka haq hota hy issi lihai Mehmood Ghaznawi ka somnath ka boat ko toarna intahi ghalt oar tareegh ka aik seyea baab hy.
Deen mein kohee jabar naheen oar Mehmood Ghaznawi kay iss amal ko Hazoor saww ki sunnat kehna intahi kum ilmi hy Hazoor saww nay oan bottoon ko Khan a Khuda kay ghar mein honay ki wajah say khattam kia tha jab keh Mehmood nay dosray mazhab waloon ki ebadat gahoon mein ja ker oan ki mazhabi aazadi per dakhal andazi ki.
Abhi kuch arsa pehlay Talban kay leader Mollan Omer nay bhee Hazaroon saal pehlay kay aasar e qadeema kay bodh mazhab kay botoon ko Mehmood Ghaznawi ki sunnat per amal kartay hohay toaray ,oar aik bar phir mollan omer ki wajah say islam per tanqeed hohee issi tarah mehmood ghaznawi kay amal per bhee islam ka namm dunya mein roshan naheen hoha. |
|
shahzadpk
|
Group: Members Joined: 23rd Mar, 2009 Topic: 1 Post: 8 Age:
46
|
|
| Posted on:5th Jun 2010, 12:02pm |
|
| |
seemi/dr Qasim/bewaqoof/appkadost Appkadost Thanks for your wise comments. Mujhay bohote afsose hota hay jab hamaray paray likhay log Seema or Dr Qasim jaisy Islam k nam par logic ko aik side pay rakh k jasbaty ho jatay hain.
We are all muslims here but we should look at history as it was and not through the eys of the Hamla awars. And im very sorry to hear from our sister Seema jinnon nay mahmud Ghaznavi ko to sallao din Ayuby or Tariq bin Zayad say ja millaya hay. Seema ji agar ap Crusaders ki history paray jinnon nay 12 hamlay kiye thay palastine pay to ap ko pata chalay ga crusaders Salladin ki kitny respect kertay thay or kertay hain.Wo respect is liye kertay thay kiyun k salao din Ayubi nay saray time main aik be church or na hi sinagog tora tha or he had morals and he had different types of rules of engagement in war |
|
H/dr_Qasim
|
Group: Members Joined: 10th Sep, 2010 Topic: 185 Post: 6560 Age:
36
|
|
| Posted on:5th Jun 2010, 1:02pm |
|
| |
crusaders
crusaders Salladin ki kitny respect kertay thay or kertay hain.Wo respect is liye kertay thay kiyun k salao din Ayubi nay saray time main aik be church or na hi sinagog tora tha or he had morals and he had different types of rules of engagement in war i am not agree with you as Student of Islamic History meah etnaa bakhoobi jaanta hoon kay Sulaah-ud-deen ayoobi nay ki ketni respect kurty hen or i am fully agree with seemi Meah ek baat ap say phaly bhe biyaan kur chokaa hon difrients Historians nay apni apni openion de hay ap kisi ek he Mowurakh ki openion or history ko na layin,or jo meah yeh baat phaly bhe clear kur choka hon mahmood jo os time tor phor ki thi os wakat onki war ki HIkmat amali thi or serf os time howa jub foj kushi ki ghi attack keya ghiya lakin jub ono nay waha apni hukoomat Qayim kur de tu mahmood nay esa koch nahi keya Aj hum apny Heros py Onguliyaan othaany aagy hen, Sulaah-ud-den ki sari zindgi gozzur ghi Sazushoo or Fitno ko khutam kurty kurty or wo sari zindgi jungo meah oljaa raha or osny kisi ko mohaaf nai keya jis kisi say Bughaawat yaa Ghudaari ki boo atti thi saary Lushkur kay saamny on Ghudaaro or baghiyoo ka sur qulaam kurtaa taah, Intahaai afsoos ka muqaam hay kay jub hum ek Sipaa salaar ko ek as Lotaraa yaad kurin, wo ek south asia ka Azeem Faateh muslim sippah salar or ek leader thaa or oski Hukomat or Hukomat kurny ka style sub History meah mojood hay jub osny India meah apna control hasil kur leyaa tu osny kenty achy tureeky say hukomat ki jis meah Hindon ko pori muzhabi azaadi hasil thi or wo army meah bhe shamil keyeh gay or onko achy achay munsub bhe deyey gay esky sath sath mahmood neah culture or education pay bhe bot kam keya hay
|
|
Seemi
|
Group: Members Joined: 11th Sep, 2007 Topic: 14 Post: 3817 Age:
28
|
|
| Posted on:5th Jun 2010, 1:11pm |
|
| |
Re: Mujhay bari hairat hoti hia jab hamaray kuch bhai like shahzadpk and appkadost history se bilkul waqif nazar nahi hotay or sirf khudsakhta enlighten moderation ke perokaar ban kar apnay heros or apni history k baray mein baat kartay hien. Aap ko yeh to pata hai k Salah ud din Ayubi ne jungein kyon ki lekin aap ne yeh parhna gawara nahi kiya k Mehmood Ghaznavi ne hindustan per kyon hamlay kiye, us k dour mein kon konsi sorishein barpa ho rahi thi or Peshawar, Multan se le kar Somnaat tak phailay howe hinduoon k kya azaayim thay...
Jahan tak baat Islam k hawalay se jazbati honay ki hai to apnay deen k bataye howe tareeqay k liye jazbati hona hi chahiye. Aagr aap ko baqi duniya ki fikar hai to baqi duniya to Islam ko duniya ka sab se "Wehshi" mazhab qaraar deti hia kyon k Islam mein jo sazayein Zina or chouri ki hien woh baqi duniya k liye qabil e qabool nahi.
Jahan tak baat church giranay ya buton ko tournay ki hai to Islam ka sab se bunyadi asool ALLAH ki wahdaniyat ka iqraar karna hai. or buton ki mojoodgi ALLAH ki wahdaaniyat se inkaar hai. Agar yeh baat na hoti to Hazrat Ibrahim Aleah Assalam buton ko tour aya kartay thay woh bhi ghalat thay.. Aap ki aqal k mutabiq ALLAH ka nabi bhi ghalat kaam karta raha hai? Ibadat gahon ko nuqsan pohanchana or baat hai or buton ko tour dena or baat hai..
Or jahan tak baat hai Mehmood ghaznavi k hathon buton k tootnay ki to Mehmood ne har jaga or har mandir k but nahi touray thay.. Tarrekh is baat ki gawah hai.. Us ne sirf woh but touray jo Hindoon k liye central point ki haisyat rakhtay thay jaisay Methra ke mandir mein mojood but ya Samonaat ka but.. Un buton ki haisyat Hindoon k liye aisi hi hai jaisay muslamain ki liye Kaa'ba Shareef ki. or un buton k toot janay se hindoon ka yeh aqeeda toot gaya k woh patha ka but hi un ki zindagi or moyt ka malik tha or hazaron lakhon logon ne islam qabool kiya. Warna mehmood ghaznavi ne in ilaaqon ko musakhar karnay k baad hindu per pabandi nahi lagayi k woh apnay mazhab k mutabiq zindagi nahi guzar sakta.... Yeh bilkul aisa hi amal hai k logon k aqeeday ko batil sabit karnay k liye Fatah Makkah k din BaituALLAH k tamam but tour diye gaye lekin us k baad kisi ko zabardasti islam qabool karnay per majboor nahi kiya.
Taliban ki janib se buton ko tour denay ki is liye muzamiat ki jati hai k woh but ibadat k liye nahi banayegaye thay sirf sculptures thay. Or un ko bemaqsad tour dena fazool kaam tha. |
|
H/dr_Qasim
|
Group: Members Joined: 10th Sep, 2010 Topic: 185 Post: 6560 Age:
36
|
|
| Posted on:5th Jun 2010, 1:28pm |
|
| |
Juzaak Allah
very good seemi ,, Meah nay intermediat meah apna History ka paper bilkol khali chor deya tah or 20 mint bhad meah oth ghyaa , mujy history pusand ni thi ku kay sari islamic history Ghudaro or baghiyoon kay karnamo say bhuri puri hay jin say jaa bujaa islam ko or islam kay Tashukhoss ko noksaan poncha hay mujy examiner nay 2 hours kay bhad hall say jany deya pher again muj meah nay again supplementry meah wo subject pas keya ek nay juzbay kay sath or pher meah neay Gradutaion meah bhe History he puri or Ma Islamic History meah admission leya serf ess leyeh kay Aj hum islamic history or apny leaders ko or onki khidmaat ko bhoolty jaa ray hen lakin KSa aajany ki wjaa say meah apna MA Hisotry tu compleate ni kur sukta lakin History ka student meah pher bhe hoon, Humko cha-yeh kay hum Islamic HIstory or indo pak history ko Hur nuzur say dakhyin na kay on logo ki nuzzur say dakhyin jo islam doshmun soch kay hamil hen, humary leaders ki History pher bhe aj zinda hay or on sub leaders ko achy he nam say yaad keya jata hay, India say Related tumam muslim Faateh jo bhe aay sub apny apny wukat kay Kamaal sift insaan they,es leyeh onko osi Hasiyaat say yaad keya jay or aghur os time koi onsy Ghulti kotaahi hoi tu osy Furd-a-waahid say munsoob na keya jay Jung or aman meah furq hota hay , or ap sub janty hen Jung meah keya hota hay or aman meah keya hota hay, Talbaan ko tu khaas muqsaad kay leyeh Tiyaar keya ghiyaa tah on meah Koi aalim-a-deen nahi thaa wo mudrusoo kay talibelm thy or talib elm ko talbaan kehty hen, agur talbaan kay pas islam or islamic history ka elm or aghyhi hoti tu wo inthaa pussudi walaa islaam na lay kay aaty , Islam ki practice tub he ho paati ,hay jub islam ko pori turaa Nafiz-ul-amal keya,jay Humara country islami jumhooriyaa pakistan hay lakin koi esaa kam nahi hay jis say putaa chulta ho kay islamic country hay even kay prayer time break tuk nahi hay , ku kay Numaaz deen ka sutoon hay , jub kay yaa saudia meah 5 time numaz kay wukat Break hoti hay shops bund hoti hayin, or numaz kay leyeyh sub ko time hasil hota hay, Jo nation apna relegon or culture bhool jati hay sufaa -a-husti say mit jati hay,
|
|
AppkaDost
|
Group: Members Joined: 18th Jul, 2009 Topic: 24 Post: 281 Age:
37
|
|
| Posted on:7th Jun 2010, 9:53am |
|
| |
Mohterma Seemi Sahiba Humara aik almiya yea bhee hy kh hum tareegh ko ya tou as a slaybus kay toar parhtay hain ya Naseem Hijazi kay novels say hum nay kabhi kissi ghair janibdar moharigh ki angh tareegh ko naheen daikha.
Hum mein shakhsiat parasti iss qadar halool ker gahee hai keh hum nay apnay heros ko kabhi Nahozbillah Khuda tou kabhi Rasool saww say mila dia.
Mehmood Ghaznavi nay 17 hamlay karnay ka bawajood hindustan per hakoomat ka nizam qahim nahee kia q keh yea oas ki tarjeeh hi naheen oas ka maqsad sirf dolat hasil karna tha .
Mehmood Ghaznavi kay dostoon ki posts kahee tarah kay tazadat say bhari hohee hain...jaisay mohterma Seemi sahibah kehti hain .. Jahan tak baat church giranay ya buton ko tournay ki hai to Islam ka sab se bunyadi asool ALLAH ki wahdaniyat ka iqraar karna hai. or buton ki mojoodgi ALLAH ki wahdaaniyat se inkaar hai.
well tou phir tou Mehmood Ghaznavi ko saray butt tornay chaehai thay magar najnay q onhoon nay kamal mehrbani ki oar baqi botoon ko choar dia kia baqia boat Allah ki wahdaniat ka inkar naheen kartay thay .
Mazeed aik jagah likhti hain Or jahan tak baat hai Mehmood ghaznavi k hathon buton k tootnay ki to Mehmood ne har jaga or har mandir k but nahi touray thay..
Reply: Q?
Kabhi hum Mehmood ko butt shakkan ka khitab daitay hain tou kabhi oas ko dosroon ki mazhabi azadi alm bardar sabit kernay ki koshish.....
Taliban ki janib se buton ko tour denay ki is liye muzamiat ki jati hai k woh but ibadat k liye nahi banayegaye thay sirf sculptures thay.
Rep:Yehni ager Talban aisay botton ko torhtay jin ki Afghanistan mein Ebbadat horahee hoti tou woo haqmanjaib hotay oar oan ki tareef o toseef ka dongray barsai jatay oan ko bhee Mehmood Ghaznavi ki saf mein khara kartay...wah kia approach hy.
Dosray mazahib kay sath iss kadar acha salook rukhnay per hum non muslim countries say kia expect kartay hain keh woo apnay countries mein islam ka chahnay waloon kay kia salook karain gay ,shahid hum nay yea baat kabhi nahee sochi Hum shahid Babri masjid ko bhee bhoal gai oar Europe ki Naqab per pabandi ko bhee bhoal gai
appka dost |
|
shahzadpk
|
Group: Members Joined: 23rd Mar, 2009 Topic: 1 Post: 8 Age:
46
|
|
| Posted on:8th Jun 2010, 4:25pm |
|
| |
Every body Ye main nay topic shuru kiya tha k ap log is baray main apni rai dain ap k khiyal main Mahmud Ghaznavi kaisa tha. Main nay ap logon ka imtihan nahin laina tha k kon kitna para huwa hay.
Meah nay intermediat meah apna History ka paper bilkol khali chor deya tah or 20 mint bhad meah oth ghyaa , mujy history pusand ni thi ku kay sari islamic history Ghudaro or baghiyoon kay karnamo say bhuri puri hay jin say jaa bujaa islam ko or islam kay Tashukhoss ko noksaan poncha hay mujy examiner nay 2 hours kay bhad hall say jany deya
pher again muj meah nay again supplementry meah wo subject pas keya ek nay juzbay kay sath or pher meah neay Gradutaion meah bhe History he puri or Ma Islamic History meah admission leya.
Jis tara k Dr Qasim sahib nay hamain Mahmud Ghaznavi ki history paratay huway apni history b suna di. With due respect Dr Qasim sahib main nay siraf rai maingi thi, or jo rai hay wo kuch be ho sakty hay agar ap Mahmud Ghaznavi ko hero manntain hai to i have no problem with that, main ap ki rai ki respect kerta hoon. Ham sab ko khulay dil say apnay khiyalat ka izhar kerna chaye or aisay logon kay baray main khul k bat kerny chaye jinnon nay hamary history k uper ghera asar chora hay.
Regards |
|
H/dr_Qasim
|
Group: Members Joined: 10th Sep, 2010 Topic: 185 Post: 6560 Age:
36
|
|
| Posted on:8th Jun 2010, 4:45pm |
|
| |
openion about mahmood Ghaznavi
Jo Hisotry meah nay apni biyaan ki hay wo reply apko meah nahi kur raha ta wo reply Miss seemi ko meah kur raha ta or on say meri baat ho rahi tahi apko kafi hud tuk undaza ho choka hoghaa mahmood ghaznavi kaa, Or tumam pheloo discuss ho choky hen or meah phelly he btaa choka hoon kay Historians nay apni apni History jo likhi hay wo hur Historians ki apni raay hay or ono nay different tor pay mahmood ka tujziyaa keya hay, lakin es thread say etnaa puta chula hay kay log apny On leaders on Heroes kay bary meah Kesy kessy Khiyaalaat rukhty hen,Meah sumajtaa hon agur ye heroes Hindostaan meah aa kay islam kay leye raah humwaar nai kurty tu aaj Hum ram ram he kur ray hoty or ek bat meah phally he waazeh kur choka hon kay koi Firishtaa nahi taa mistakes sub say hoi hen ap mahmood ghaznavi ki mistakes yaa keh sukty hen lakin ek shuks ki kerdaar kushi kurna bot ghult baat hay or as lotara kehnaa meah sumajtaa hon ek Muslim ko zab nai data,
apko reply meah ny apni first post meah he kur deya tah,or ap kay leyeh wo he mera reply kafi tah baki meri bewakoof or seemi ki discussion ho rahi thi
|
|
love bird
|
Group: Members Joined: 06th Nov, 2008 Topic: 73 Post: 1177 Age:
38
|
|
| Posted on:8th Jun 2010, 5:49pm |
|
| |
Mehmood Ghaznavi Meray khial meiN tareegh kay ghairjanibdar mohirkheen Mehmood kay baray kuch achi rai naheeN rukhtay Tareegh ussay aik lotairay oar dosrooN ki mazhabi aazadi ko khattam karnay walay kay toar per janti hy.
Magar hum nay apnay her badshah k lihay "Zill e Elahi " yehni zameen per khuda ka sayea nahozbillah ,ka khatab dia hoa hy ,
BadshahooN say humari mohabbat bhee kuch ajeeb hy keh Badshah Orangzaib jiss nay apnay hi baap ko jail meiN dala oar iqtadar k liahai apnay hi bhahiooN ka khoan kia magar humari nazar meiN woo Allah ka wali tha.....
humari qoam ka yahee finomina General Zia tak raha keh Zia nay hazarooN loaqoon ko PPP lovers honay ki bina per qatal kia agencihoon ki madad say khouf ki faza kay lihai dajnooN loaqoon ko Hathora Group say qatal kervia ,molk meiN heroin oar klashan koof culture say lakhooN gharoon ka sakoon barbad kia magar abhi bhee kuch aisay naadan dost kehtay hain "Zia bohat acha hokmaran tha oar aik mazhabi aadmi tha etc....
|
|
shahzadpk
|
Group: Members Joined: 23rd Mar, 2009 Topic: 1 Post: 8 Age:
46
|
|
| Posted on:9th Jun 2010, 5:54am |
|
| |
Love Bird Main ap k sath agree kerta hoon. Hamary muslim qome ka masla ye hay k ham wo bat sunnana chahtay hain jo ham ko passand hay, agar koy admi aisy bat karay jo ham ko passand nahi to foren phatwa laga daitay hain. Ham jo kuch yahan pakistan main aqleeton k sath kar rahay hain Ahmedion k sath Christian k sath to kiya hamara mazhab ye kuch hi sikhata hay?
Mazhab aik zati cheez hay jis ko apni zat tak rakhna chaye. Quid-Azam nay kaha tha k ham pakistani pehlay hain or muslim christians bad main.
Hamain dusray Mazahib ko tolerate kerna chaye agar hamain just sociaty chaye, unfortunatly jab tak ham apnay dil say sochain gay or damagh say nahin to us waqat tak aqleeton k uper zulam hotay rahain gay.
baki meri bewakoof or seemi ki discussion ho rahi thi. Dr Qasi sahib kiya bat hay janab ap koy naraz lagtay hain, mujh say discuss nahi kerna chahtay Lagta hay ap ko mairay khiyalat passand nahin. Janab ye to mairay khiyalat hain zaroory to nahin history k hawallay say ye correct be hon.
Regards |
|
love bird
|
Group: Members Joined: 06th Nov, 2008 Topic: 73 Post: 1177 Age:
38
|
|
| Posted on:9th Jun 2010, 5:12pm |
|
| |
Hindustan oar Mehmood Ghaznvi ilmi halkay iss baat ki nafi kertay haiN keh India meiN islam Muhammad Bin Qasim oar Mehmood Ghaznvi ki wajah say paila oar yea kehna yaksar ghalt hy keh Muhammad bin Qasim say pehlay Hindustan meiN kohee muslman naheeN tha,Hadees ki kitabooN mein aata keh aik dafah tajrooN ka aik group jin ka libaas arbihooN jaisa na tha onhoon nay Hazoor saww say molaqat ki oar islam qabool ki sahaba ra nay pocha app saww nay kaha in ka taoulo'q hindustan say hy.TajrooN ka yahee group Islam kay nomahinday bany oar baad mein Allah kay walihooN nay Hindustan Tableegh kay lihai aahai jaisay Data sb hajvair say tashreef lai.
kia kohee zeshaore yea soch sakta hy keh Mehmood Ghaznavi kay aalah ikhlaq ki wajah say kohee Hindu muslman hoa hoga ,ager kohee aisa sochta hy tou oas ki aqal per matam knahaN hi hoa jasakta hy. |
|
For More Detail Click On Page No: 1 2 >> |
|
