To Zeb: Share Recipes Pizza & Shoup

zeb bhai aap ko ager pizza banane ki recipes ati hai to please yahan share kare.lekin pizza zabardast hona chahein..like pizza hut

aur chicken soup bhi ki bhi lekin soup bhi bhut zabardast ho jese bazaari hota hai.

Star

 Pizza hut jaisa Pizza banana nahi ata,lekin mai pizza bohat acha banati hun.

 agar reciepie chahye to de dungi apko jaisa mai banati hun.

ok

maien bhi app ko pizza ki recipe day sakti hoon almost pizza hut jesa or soup ki bhi

if u want let me know

star

ok kal mein ap ko in dono ki recipe yahan per dun ga

pizza takreeban pizza hut jesa hi hota hai

aur soup bhi mazay ka

like hot n sour ;-p

Chicken n vegetable pizza

CHICKEN N VEGETABLE PIZZA

sub se pehle ap chicken mein thori si kali pirch aur salt daal ker us mein thora sa cornflour aur 2 spoons water daal ker mix ker leyn phr is ko fry ker leyn....fry kerney k liye oil mein deep fry keryn jub half chicken gal jayen aur halkay se light brown hon to nikal leyn

phr alag se pan mein 1 spoon oil daal ker us mein 1 tea spoon ginger garlic paste daal ker aur hicken ko is mein pakayaen...jub chicken poori gal jaye to nikal leyn

2 ya 3 naan waley parey bazar se ley leyn...aur us ko achi tarhan bail leyn....bilkul patla sa...jis pan mein pizza banana ho us mein is ko achi tarhan phela leyn....bilkul patli si base banani hai...ab is ko 10-15 minute k liye fridge mein rakh deyn

utni der mein vegetables fry ker leyn...thora sa pan mein oil leyn aur us mein onions aur vegetables ko fry keryen....us k bad chahayn to carrots, mashrroms, wagera bhi add ker leyn but i think it is enough....us k bad is mein tobatoes bhi add kereyn....tomatoes k beej nikal leyn aur baki cubes mein cut ker leyn....in sub sabziyon ko galana nahi hai but thora sa soft kerna hai....

alag se paan mein tomato sauce bana leyn ya chahayn to tomato ketchup bhi use ker sktey hain....

us k bad fridge mein se base nikalayen aur us per sub se pehle tomato paste ki layer achi tarhan lagayen...us k uper....sub vegetables ki lagayen...aur phr chicken ki layer aur akhir mein grinder cheese ki layer se cover ker deyn....

ab is ko 35-40 minutes tak bake keryn...aur pizza tayar hai

thanks zeb bhai

thank you very much

muhjhe ab chicken tikka pizaa ki bhi recipe bataye..jitney pizze banne ate hain aap ko sab woh bata de.

baki member bhi zaroora bataye.saim aur sunheri bhi please aap bhi bataye.

zeb bhai soup ka bhi batao

Pizza

jaisa Pizza mai banati hun uski tarkeeb batati hun i hope apko pasanad ayega.

mai aksar keema ka pizza banati hun.

to pehle mai Keeme (800g) me thoda sa pani dal kar use cook ke lye rakhti hun,sath me namak mirch dal deti hun Mirch 2tbl salt 1 tbl. jab thoda sa pak jaye to mai Tomater ka paste dalti hun thoda sa.aur halki aanch pe mazeed pakne dain,

Ata: 1 paket mehda, usme ek khamir (yahan choti si khamir ki tikiyan available hain) thoda sa namak,ek dabbi dahi, thoda sa oel aur Ata Dhoodh ke sath ghundain.

Paste: 5/6 Tomatar le kar use crash kar lain mixer me,dhayan rahe ke ziyada der crash nahi karne,uske bad us me sabit kutti hui mirch dal lain,namak dal lain (hazb-e-zaika)Mirch tez rakhenge to maza ziyada ayega (mere khayal me)aur sath me thoda sa sooka poodina dal lain.(khushk pudina)

uske bad shimla mirch dho kar bareek kat ke rakh lain

Payaaz bhi bareek kat ke rakh lain

Makayi ke dane (cook hue)

Tomatar kat ke rakh lain Golayi ki shape me

Zatoon aur hari mirch agar dalni ho to...

Cheez ka ek packet le kar use crash kar lain.(ya bazar se tayar crash hua packet le lain)

ab ye ap pe depend karta hai ke pizza kitna bada hona chahye,us hisab se ate ka perha banaen,agar to oven ki tray ke size ka banana hai to zayada ata lain,aur agar roti size ka banana hai to  roti ki tarah bana lain.

Usse Tray me lain,aur pehle Tomatar ki paste jo tayar ki hai wo Pizze ki roti pe phaila dain,uske bad Keema thoda thoda dalain. phir payaaz,shimla mirch,makayi ke dane ,Tomatar,aur agar zatoon ya mirch dalni ho to wo bhi dal sakte hain, sab se akhir me Cheez dalain.

aur Pizze ko Oven me dal lain. 180grad me 20-30 min pakaen.

star

chicken tikka pizza

is ki recipe bhi wese hi hai jese main ne pizza ki batayi hai...bus is mein ferk itna hai chicken ko pehle kali mirch...namak...laal mirsh...aur tikka masala laga ker thori der rekh dyen us k bad us ko chahayem to thorey se oil mein paka leyn aur uper se koelay ka dum dey deyn ya phr chahyen to seekhon per paka leyn

us k bad pizza mein layer laga leyn...baki sari cheezeyn wese hi hain...vegetables mein kami beshi ker sktey hain