 29 Feb 1975 Kabhi Aai Hi Nahi
29 Feb 1975 kabi aai he nai
Punjab k jis pasmanda ilaqay may hum paida huay wahaan pedaish hua kerti hay tareekh-e-pedaish nai hoti,humain yaad hay jab koi humari amma je "jinon nay apanay bachpan may kabi school ki koi boseedha biulding b nai dekhi thi" say poochta humaray barhay bhai sahib ki date of birth ka tu barhi hushi say jawab deti k ALLAH nay muje ye beta bari eid(Eid ul Azha) walay din deya tha,jab us say chotay ki bari aati tu kehten muharamaan (Muhram ul Haram) main hua tha,us say chotay ka keten shabrat walay maheenay main paida hua tha,4th betay k bari aati tu kehten then sawan(punjabi month jab moon soon ka mousam hota hay) ki barishon may hua tha,hum mazaq uratay thay k ye barsati keerha hay,our janab jab sab say chotay betay ki bari aati(yani humari) tu bohat he atraa k barhay fakher say kehten k mera ye beta bohat he pyaray month may hua tha,edher RABI UL AWAL ka chand nazer aya edher mera ye chand dunya may tashreef laya,sath ye fiqra b shamil kerten then k ye hua tu baray pyaray maheenay may hay per hay barha nakama,iss ko ehsas he nai hay k ye kis maheenay may paida hua tha,iss ki harkatain dekho tu lagta hay k ablees k kan kaat k aya hay.lo ji ye tu ho gai humari tareef,ab zara humaray ilaqay k our karnamay suno tu..... galti say hum 4 jamatain kya perh bathay amma ji nay shor machaa deya k beta mera officeron wali kursi wala kaam keray ga tu janab humaray ilaqa may na tu koi officer na he koi kursi thi.hum nay b socha amma ji humasha kehti hain k issay apni pedaish k maheenay ka b khayal nai ata ab hum in ka ye gilla dhoo dalain gay,naik banain gay naik kaam kerain gay our hoob kamain gay,hum nay b aik qareebi gaon may engilsh school bana dhala our office may aik barha sa tabel banwa ker us k peecha gole chaker khanay wali bari c kursi rakhwa k beraa jaman ho gay tu mehsoos hua k iss k ander tu hum kom our ye zeyada dikhti hay,staf k itraz kernay per hum nay us kursi ko hatwanay ka irada ker liay but iss per amaldramad say pehlay amma ji ko aik dora kerwa deya school ka k dekh lain beta offceron wali kursi pay beth gaya,aglay din unnon nay baqaida humaray ser ka sadqa day dhala k nazer-e-bad na lag jay.lo ji pir kya tha school may dharha darh bachon k dakhlay anay start ho gay.nigrani k liay sectory sahib ko apnay he office may aik kona aata ker deya tu aik din aik khatoon apnay 7salay bachay ka nursury addmition kerwanay tashreef lain tu sectory sahib nay deryafet kia k bachay ki DATE OF BIRTH kya hay tu boli iss ki wo nai hay,,hum foran beech may kood parhay our bolay "baji ji bacha kadoon paida hoya c"(bacha kab paida hua tha).jawab aya jadhoon inaa(Ishara sectory sahib ki taraf tha jo k usi gaon say thay)da Shamas paida hoya c,(jab in ka beta shamas paida hua tha).aik sahiba say poocha gaya tu boli bajryan vich(yani bajray ki katai k mousam may),hum say reha na gaya foran bolay kyun gher may jaga nai thi jo bajray k khait may jana parha.
aik bachay board exam k addmition k liay b form ki zaroorat aan parhi tu us k walid ko paigham baija gaya k apni all olad ka record jo k NADRA nay BEY form(B form) ki shakal may app ko anait fermaya hay wo lay ker hazer hon,jab wo form aya tu us may sab say bari beti ki DATE of Birth likhi thi "29 Feb 1975".hum nay poocha ye beti ab kahan hay tu bolay meri ye beti medical ker rehi hay(MBBS).hum dhang reh gay.
hum tu hamaisha sochtay aay thay k Punjab may humara he ilaqa aisa hay jahaan Pedaish hoti hay tareekh-e-pedaish nai, mager ye b form dekh k our un ki bat sun k hum bohat hush huay k sirf humara ilaqa he aisa nai balkay humaray waten-e-aziz k Union concil Offices(jahan date of birth likhwai jati hay)NADRA Office(jahaan Qomi shanaht nama banta hay)Medical colleges,our her wo edhara jahaan jahaan say Waten ki ye beti Taleem k markay ser kerti hoi ajj MBBS ka paharh ser kernay ponch gai hay..wahaan b tareekh-e-pedaish nai hua kerti.
|