21.  Surat e  inzal ko control karney ka yeh qadeem tareen tariqa hai. Dakhool kay baad sakin ho jaein. Jhatkey naa lagaein, kuch der baad ahista ahista jhatkey lagaein, inzal sey kuch der pehley ruk jaein, inzal ka waqt guzar janay kay baad phir ahista ahista strokes lagaein aur inzal kay qareeb ruk jaein. Zaroorat parey to zakar ko faraj sey bahir nikal lein. Discharge ki khwahish khatam honay per phir penetrate karein. Iss kay sath hi inzal kay qareeb paet sey lambey lambey sans lein aur tawajjuh muntashir karein.

    22.  Baaz log iss tariqey ki madad sey bhi mubashrat (intercourse) kay waqt ko taweel kar letey hain. Foreplay kay doran mein jab aap ko bharpoor tanau (erection) hojaey to phir zakar ki base per ek rubber band charha dein jo bohut mazbuti sey zakar ko pakrey, phir mubashrat (intercourse) shuru karein iss tariqey mein inzal kay baad bhi tanau (erection) barqarar rahey ga. Aur aap inzal kay baad bhi mubashrat (intercourse) jari rakh sakein gey. Eric Aid System farokht karney walon kay paas rubber kay challey hotey hain jo iss maqsad kay liey mufeed hain.

Bheenchney Ya Dabaney Ka Tariqa (Squeeze Technique)

    Squeeze Technique iss soorat mein kamiyab hoga jab biwi bharpoor ta'awwun karey. Mushq kay liye kisi pursukoon jagah ka intikhab karein. Mian bister per apni pusht per laet jaey. Iss kay ghutney (knees) kharey hun. Biwi mian ki taangon kay darmiyan mein iss tarhan bethey kay iss ki taangein mian ki body kay donon taraf hun aur bichi hui lambi hoon.