App kay maslay kay mutaliq mae ne pehlay kuch batain post ki theen magar net ki problem ki wajah se nahi post ho saki.. mae dobara try karon ga kah post hojain.

Husband aur wife kay darmian communication bohat zarori hae. Aap ki wife aap se free nahi hain aur lagta hae keh aap dono sirf zarori baat he kartay hain.

Aap nay bataya hae key aap Christian hain Lakin yeh nahi batay key Catholic hain ya Protestant ?

Aap ne detail tou kafi likhi hae lakin aap kay jumlay mukamail nahi hain aap ki profile kay mutabik aap ki qualification MBA hae.

Sex kay topic per wife say kitni martaba baat khul kar baat ki? aur us say wajah nahi pochi kay unhain kis baat ka khof hae?

Aap nay khud sex kay topic per kabhi books parhi hain ya kabhi noor clinic per mojod kutab ka mutalea lia hae?

Aap ko Noor clinic kay baray mae kis nay bataya? kia aap nay wife ko suggest kia hae kah woh Noor clinic per mojod kutab ka mutalea karain?

Kia aap aur wife ghar mae akailay rehtay hain? aap ki post parh kar aisa lagta hae ki aap ki family Faisalabad mae hae aur aap dono he Lahore mae hain.

Aap business kay silsilay mae subah kitnay bajay nikaltay hain? aur wapsi kab hoti hae?

In 4 months mae aap aur wife evening mae kitni martaba bahar ghomnay phrnay gaye hain? (Sirf aap dono)

In 4 months mae aap wife ko shopping kay leye kitni martaba lay kar gaye hain? aur gaye hain tou un ka kia rad e amal tha?

in 4 months mae aap kitni martaba wife kay leye koi gift laikar aaye hain? agar kabhi laye tou wife ne kaisay response kia?

Aap nay aik jagah likha hae keh aap ki wife prayer karti hain ya kar rahi theen, kia aap regular prayer kartay hain ya Church jatay hain?

Agar aap ki wife religious minded hain tou unhoon nay Bible study ki hogi ya wof ghar mae Bible ka mutalea karti hongi aur unhain ilam hoga kay husban aur wife kay baray mae Bible mae kia taleemat hain.

Agar church jatay hain tou wahan dosray church members mae aap ka ya aap ki wife ki koi dosta hain? ya un ki koi shadi shud cousins jo church ati hoon.?

Kia aap kay han kabhi parties hoti hain? aur agar hotio hain tou kia aap kay ya wife relatives invited hotay hain?

Kia aap kay haan aap kay church kay priest visit karnay aatay hain? aksar Christian families mae priest apni wife kay saath visit per aatay hin aur bbaz okat akailay bhi aatay hain aur family kay saath prayer kartay hain?

agar aap ki wife ki shadishuda dost/cousins hain tou aap un kay husband se baat karain keh woh aap ki wife ki counselling karain. ya aap kay priest ki wife bhi kar sakti hain.

Aap ki post parh kar lagat hae keh aap khud bhi kuch sharmelay hain?

aap ne sex kay leye paish kadmi kaisay ki thi? ya kartay hain?

Kia aap khud kisi zehni perashni mae tou nahi? Business mae tou kai kisam ki parashanian hoti hain?

aap wife say khul kar baat karain aur agar munasib ho tou wife kay saath kisi psychologist se milain akthay ya phi alag alag.

Mae nay apni samajh aur tajarbay kay mutabik koshish ki hae keh aap kay maslay ka hal bata sakoon. Hosakta hae keh dosray members bhi aap ko munasib advise karain.

Wish you all the best