har aam o khaas ko mut'laa kia jata hai k guzashtah shab kissi hacker nay meri yahoo wali email ID hack kar li hai. aur woh iss ID say meray jumlah contacts ko fake e.mail bhej raha hai. Allah janay oska maqsad kia hai... bus ittelaa.an arz kardia hai. takay kissi ko agar meri ID say koi aisee waisee mail milay to mujh say bad.zunn nah ho.... Allah hacker ko hedayat day. aameen
oho bohat afsos huwa sun kar last days bhi yahan k aik member ki 3 ids hacked hogai thin . Allah jane kisi ki id hack karne ka maqsad kiya hota hae. khair aap reshan na hon yahan kisi k paas aap ki id nahi :)
yeh meri sab say old ID thee, jiss maiN contacts bhi sab say zeyadah thay. aik maqsad to yeh hota hai k jiss banday (yaa oskay mission /cause etc ) say kissi ko takleef ho rahi ho, woh inteqaaman aisaa kar sakta hai... net world maiN meray jahaaN bahoot say khair khaah haiN waheeN bahoot say mujh say bezaar bhi haiN :)... yaqeenan onhi maiN say kissi aik ko moqah mil gayaa...
but "ghalati" meri bhi thee ... kal mujhay issi ID pay iss mazmoon ki mail milli k aap apnay "frofile ko confirm" karaiN warnah within 15 days aap ki ID inactive hojayegi... neechay format maiN meri ID, pass word, DOB etc likha thaa...main busy honay ksabab sochay samjhay beghair sari info send kardi lol ab mausoof nay shayad password badal kar meray access ko khatam kardia.
phir ossi ID say meray dostouN ko mail milaa k maiN (myrizvi) emergency maiN london pahonchaa to meraa luggage aur cash waghairah gum hogayaa... aur maiN hoTel maiN bay. aasra baiTha houN lehaza mujhay iss address pay 1500 pound bhej dain :)
ab subah say kaii phone aa chukay haiN mobile pay k kahaaN ho aur yeh kia howaa? waisay agar koi meray naam pay 1500 pound mausoof ko bhej sakta hai to woh mujh say bhi baRa ahmaq hogaa :)
tafseel batlaanay ka maqsad yeh hai k deger members kabhi bhi issi taarh ki ail par apnay profile detail nah bhejaiN....warnah woh bhi...
aap ne bohat acha kiya jo detail bata di aienda baqi sab aap ko dekh kar abaq hasil karain gay:) asal main some times jab koi forum pe account bhi banaya jata hae tab bhi apna id aur password genuine mangte hain may be is tarah se bhi id ko mis use kiya jata hae. khair woh to acha hae k aap k friends aap ki tarah aqle saleha rakhte hain:) k aap ko call kar kar k pooch rahe hain:))
Hack hoe id wapis asakti hai agar hacker nay uski tamam register ki hoe info change nahi ki ho, app jab yahoo pe login hotay hain tou nechey "forget your password" ka option mojood hota hai, app us option pe click karain tou apko darj zeel options dasiyaab hongay.
inmain se tamam options ko try karain, apki id wapis ajayegi .
yeh try karchuka houN... aik processing ki reply yeh mili k alternate mail par new pw bhaij dia gaya... ab alternate mail ko kaisay open karouN??? alternate id to yahoo nay khud dee magar oska pw kahaaN ... dooesri prossing maiN mausoof nay pahlay school ka naam poocha jo yaqeenan mera sec ques thaa... ab jo naam enter karta houN to woh ghalat sabit hojata hai.. 2/3 tareeqay say naam match nahi howa... ab pahla school to badalnay say rahaa...
alternate email pe confirmation link bhejtay hain takay app usko open kar k new paasword k peage pe pohonch jaye, app chek karain k uspe koi link hai k nahi
2nd agar apne demaagh pe zro daalain aur school ka naam yaad karne ki koshish karain, i guess "PEELA SCHOOL" hoga apke school ka naam lol.......khiar jab salma sahista aur razia k naam yaad rakh saktay hain tou school ka naam bhi yaad hoga sochain dobara...... paasword ka sawal hai
app inhin pe try karain, abhi ye tips bhi apke ikhtiyaar main hain
aisaa hi reply ayaa thaa k link bhej dia gaya hai ... lekin "alterrnate-email" hai kaun saa.... processing k dauran aik email to onhouN nay khud tick karwaya thaa... ab woh email kaisay open ho without pw? aur mera koi apna alternate email to nah thaa tab... yeh mera pahlaa piyaar ops i mean k pahli email ID thee........... school ka naam bhi baRa gaR baR hai... mera pahla school bhi chaar tha :) jiss pahlay school maiN paRhta thaa oskay 2 naam thay... magar woh board say registered nah thaa iss liyeh school ki doosri registered branch say matric ka exam dia thaa oskay bhi 2 naam thay........ ab charouN ko try karchuka houN result sifar baTa sifar :)
hon dasso ki karaan ... faateha paRh lewaaN yahoo tay???
Alternate email main wo email likha jata hai jo k apka dosra email ho ya jispe apka excess ho takay koi problem hojaye id k sath tou wahan pe email bhej kar solve ki jaye, ab agar account apne banaya tha apna tou apko pata hoga k konsa alternate email enter kiya hai
aur solutions nahi hai siwaye forget password main jo dastiyaab hain,
(wese mainay school na naam pocha tha tafseel nahi. lol) ;-)
Warning :The information presented in this web site is not intended as a substitute for medical care. Please talk with your healthcare provider about any information you get from this web site.
yahoo mail ID hacked
myrizvi bhai