Quaid-E-Azam Muhammad Ali Jinnah: Few Facts

1. School maiN Muhammad Ali Jinnah k naam k saath "khojah" likhwaa dia gaya thaa... lekin jab woh class 6th maiN gaye to khud onhouN nay apnay naam k saath khojah ki bajaa.ay "muhammadan" likhwa dia.

2. Muhammad Ali Jinnah ko karobaar k liyeh onkay walid nay london bheja thaa. lekin jab onkay karobaar rok gayaa to Mr. Jinah nay mazeed paRhnay ka faisklah kia... woh jab london gaye to 6th class main thay... oss zamanay maiN 7th class matric kahlati thee yaani ap matric pass nah thay. Linkin Inn maiN "matric pass" ko dakhila milta thaa... magar apnay test pas karkay khud ko daakhlay ka ahal saabit kia.

3. Linkins Inn main onhouN nay daakhlay ka faislah iss bunyaad par kia k wahaaN onhain dunyaa k baray baRay qanoon daanouN ki fahrist maiN Muhammad PBUH ka naam saray fahrist nazar aayaa thaa.

4. hazrat Quaid.e.Azam RA nay 25 jan 1948 ko karachi bar association maiN farmaya thaa... meri samajh maiN nahi aataa k yeh shar.angaizy kiyouN ki jarahi hai, yeh propaganDa kiyouN horaha hai k Pakistan ka aayeen shariyat par mabni nahi hogaa. Islami osool to aj bhi waisay hi naafiz haiN jaisay madeenah state main srkaaray do Alam PBUH k zamanay main naafizul amal thay.

5. jab Lord batin nay yeh kaha k jab apko azaadi mil jayegi to apko Akbar Aazam k naqshay qadam par chalna chahiyeh (aqilatouN k maamlay main) to Quaid.e.Azam nay farmayaa:….. Thirteen hundred years ago, what our prophet Muhammad pbuh did, we will treat minorities on that pattern.

6. 23 march 1940 ko khataab main Quaid.e.Azam nay baar baar "hindu-india" aur "muslim india" (2 new countries) kahtay rahay… who word "Pakistan" k mokhaalif thay… iss liyeh k iss lufz main Bengaal ka bay shamil nah tha (pay=Punjab; alif=afghan sarhad; kaf=Kashmir; seen=sindh & taan from balochistan)……. Pakistan ka lufz tanhaa chaudhry rahmat Ali nay nahi nahi balkay Cambridge uni k kai student nay milkar banayaa thaa including ch sb. …… lekin jab 1943 k muslim leage k salaanah ijlaas main sab nay milkar paksitan-zindah baad ka naraah lagaya to onhouN nay bhi iss lufz ko zccept kar lia.

7. sirf maulna Ashraf Ali thanvi aur maulana Shabbir Ahmed Usmani (aur onkay chand saath ulemaa) nay tahreekay Pakistan ki hamayat ki baaqi ulemaa nay nahi… jab hazrat Quaid.e.Azam say iss baray main poocha gay to ap nay farmayaa k… haan lekin on sab ulema ko aik parlay main rakho aur doosray parlay main maulana ashraf thanvi ko rakho to who sab par bhari haiN

8. islam aur paighambar.e.Islam par Q Quaid.e.Azam ka Ameeq motaale'aa … Yeh tahreekay Pakistan par 25 kutub k mosannif aur historian Syed Rizwan Ahmed ki aik new book hai jo jald shaya horahi hai… Q Quaid.e.Azam k deen o mazhab par sawaal oThanay walouN ko iska mutaalea zaroor karma chhaiyeh…

Syed Rizwan Ahmed ka aik tafseeli interview haft rozah Akhbaar.e.JehaaN k tazah shomarah main publish howa hai jo net par bhi dastyaab hai. Issay zaroor parhaiN.

myrizvi bhai

quaid-e-azam

kya ap mujhe wo waqai explain kar saktey han jab quaid-e-azam ke waja se british law mai changes kee gayee

kya koi explain karey ga

aik bandey ko phansi huwe law tha to be hanged

jinnah jantey thei k galat phansi huwey ha magar chand wajoohat ke bina par rok na sakey

jab usko phansi dee jani thei tou wahan aik bandey ne jinnah ke kehney par uss admi ke taangain pakar laeen ab u hang tou ho gaya magar death na huwe aur choot gaya

phir british law change huwa TO BE HANGED TILL DEATH

koi explain karey ga

kia koi waseem08 ko bataygaa k

(01)hamare quide pakistan ka muzhaub kia tha?

(02)or jo unka muzhub tha un muzhub walon k kia aaquaid hy?

ye sb waseem08 apni maloomat k liye poch raha hy.

thank you.

Qaid.Azam RA k "mazhab" ki haqeeqat

onkay baap dadaa "aghakhani khoja shia" thay... issi liyeh 5th class tak onkay naam k saath "khojah" lagaa howa thaa jissay onhouN nay doosray school maiN class 6th maiN daakhlay k waqt az khud replace karkay "Muhammadan" lagaa dia... onhaiN bachpan hi say "Muhammad" PBUH say mohabbat thee.

6th clas k baad woh london chalay gayee... ab 6th class k bachay ka mazhab koi nahi hotaa (khaah oska abaayee deen koi bhi ho)... london main taleem k dauran till barrister bannay tak woh amalan "ghair mazhabi" shakhs rahay... wahaaN onhaiN onkay "abaayee mazhab" ki taleem o tarbiat denay wala koi nah thaa.... aur aik aam "deunyaa-daar" insaan ki tarah woh mahaz khud ko "MUSLIM" samajhtay rahay... yeh jaanay beghair k ISLAM k taqazay kia haiN aur onka kiss "mazhabi-maslak" say talluq hai... woh har qism k "mazhab o maslak" say balaa tar khud ko musalmaan kahta rahay aur taa qayaamay london kabhi islam ko sanjeedgi say study kia nah practice kia (nah agha khani maslak ko nah kissi aur ko)

qayaamay bombay k ibtadayee ayyam maiN onki practice k dauran bombay aghaa khani jamaa'at nay ... apnay mazhab k aqeeday k ain motaabiq... Mr. jinah say onki pahli aghaa khani biwi ki wafaat par onki jannat maiN "bokking" k liyeh raqam talab ki to Mr. Jinnah chankay k yeh kia kharafata hai..... tab onhaiN "batlaya gayaa" k onkaa talluq agha khani mazhab say hai aur iss mazhab ki roo say har marnay walay ki jannat maiN booking ki gharz say hasbay hasiyat raqam local jamaat khana maiN dee jaati hai........ jinnah nay aisay kissi qanoon ko mannay say inkaar kartay howay kahaa k woh aisay kissi mazhab ko nahi maantay... woh to seedhay saadhay mosalmaan haiN jo Hazrat Muhamad PBUH k deen ko maantay hain... agar oss deen main aisee kissi raqam ka concept hai to woh dengay warnah nahi.

agha khaniyouN nay yeh jaan kar k kaheeN (mash.hoor hotay howay) jinnah ki dekha dekhi deger aghaa khaniyouN nay bhi INKAAR karna start kardia to kaheeN "maslah nah paidaa ho jaa.ay... indian personal law k tehat jinnah ko payement ki adaaigi k lyeh adalat maiN talab karlia...

yahaaN zimnan arz karta chalouN k ... agha khani awaamunnas khud ko "mosalmaanouN hi ka aik maslak /firqah" samajhti hai... onkay ibadat khanouN maiN dua hoti hai namaaz nahi... mid 80s maiN karachi k aghaa khaniyouN nay apnay jamaa't khanouN maiN dua ki jagah "namaaz paRhnay" ki koshish ki to aik taanaaze'aa khara hogayaa jo adalat tak jaa pahonchaa... wahaaN "pataa" chalaa k dunya bhar k agha khani jamaat khanay ... deger mazaahab ki tarah WAQF /trust nahi haiN balkay prince karim agha khan ki zati property hai lehaza inmaiN sirf onki authirity chalti hai... youN "namaaz paRhnay k arzoo mand aghaa khani" yeh moqadmah haar gayee...aur onhain jamaat khanouN maiN namaaz paRhnay ki ijazat nahi mili (ab ka pataa nahi k wahaaN namzaa hoti hai yaa nahi)

haaN to zikr horaha thaa bombay main local aghani jamaat nay jinnah par payement ka moqadma kia ... jinah nay as barisster khud iss moqadmay ki pairwee ki aur adalat main alal elaan kahaa k woh aik "mosalmaan" haiN aur oss deen ko maantay haiN jo 1300 baras qabal Hazrat Muhammad PBUH laa.ay thay..... agar onkay den main aisee koi "payment ka concept" hai to woh bakhushi payemnet karengay warnah nahi..... youN yeh case jinnah jeet gayee....

yehi jinnah k aqaid ka turning point hai... aik nawjawan aur qabil barrister nay phir islam ko study kia aur jald hi islam ki haqeeqat ko paa.lia........ magar tab tak jinnah ki seyasi masroofiat ka aghaaz hochukaa thaa..... aur woh bahoot busy rah kar din raat sirf aur sirf "pakistan k qayaam" k liyeh kaam karnay lagay... aur iss tahreekay pakistan k dauraan onhouN nay baar.haa iss azm ka elaan kia k woh pakistan islami nizaam aur madeenah reyasat ki pairwi k liyeh banaa chaahtay haiN.....

magar yeh baat hamaray deeni ulemaa ko HAZAM nah howi aik bah zaahir deen say door... (jiska abaaye mazhab agha khani hai) aur jiskay seyasi saathi nawaab angrezouN k parwardah) haiN.... islam k liyeh aik new mumlikat kaisay banaa saktaa hai. issi liyeh ulemaa ki bhari aksariyat tahreekay pakistan say "laa.talluq" rahi..... balkay chand aik nay to "mokhaalfat" bhi ki jiss tarah chan aik nay "hemayat" bhi ki........ hatta k pakistan ban gayaa aur as governor general Quaid.e.Azam nay phir elaan kia k woh pakistan ki sarzameen ko madeenah ki reyasat ka par.tau banaa chaahtay hain............ tab mokhalfat karnay walay ulemaa nay apni "qabl azeeN roy say rajoo karlia".... kuch to pakistan bhi aa gaye jaisay maulana maudoodi...... jinnaiN governor general ki taraf say radio pakistan par paksitan ko islami reyasat bananay k  tareeqoun par speech karnay ki dawat dee aur apnay taqareer keen........ issi tarah india ko opt karnay walay jamiat ulmaa.e.hind k akaabereen nay bhi pakistan ko qabool karnay ka elaan kia...

yeh hai Muhammad Ali jinnah k "mazhab" ki haqeeqat............

ap k doosray sawaal yani onkay "abaayee mazhab" agha khaniyouN k aqaaid kia haiN...... iss par koi aur raushni Daalay... meri knowledge iss baray maiN zeyadah nahi....... albatta sirf yeh maloom hai k agha khani, bohri aur ashnaa ashri shia etc....... yeh sab k sab "imaamia maslak" say linked hain... inmaiN baahmi kuch ikhtelaafaat /faraq bhi hain... inkay maujoodah leaders /peshwaa bhi juda haiN tahaam ibtedaayee sadiyoun maiN yeh aik hi thay. wallaho aalam bissawab

myrizvi bhai salam

apka bhut shukriya tafseeli jwaab dene k liye pr iss se hamare quaide ka muzhub waaza ny howa ye sach hy jo apne bataya pr wo sb unki apne muzhub ki doori ki wajaah se tah asl me wo ek sache insaan the or unke muzhub ka proper khena muhaal hy k history me khin ye likha hy k wo namaaz b prhte the to khin ye b likha hy k unhone kabi b namaaz ny prhi.

baharhaal waseem08 unke muzhub k bare me yehi kheta hy k wallaho aalam pr wo ek sache insaan the.

(01)rahi baat unke aabaoe ajjaaad k muzhub ki to yes ap sai kherahe hen wo ek khuja(aagah khani muzhub)se talluk rakhte the or aagah khani muzhub k aaquaid ye hy k unme 12 emaamo me se srf teen imaam ko follow kia hy baqi wo apne peshwaa ko follow krte howe aarahe hen jinhen wo prince kheten hen.

(02)rahi baat bohri muzhub ki to unhone b 12 emamo me se srf 05 yaa 06 ko follow kia hy baqi wo b apne peshwaa ko follow krte aarahe hen jisse wo hadi kheten hen or abb k burhan uddin unke muzhub k 69 way hadi hy.

(03)or aakhir me rahi baat shia to wo 12 emamo ko follow krte hen jo hzrat ali(radiyallaho anho)se lekr hzrat muhammad urff mehdi(radiyallahoanho)tak hy ko mante hen pr unme or hamare(swade aazam,aahele sunnat wall al jamaat)me bhut frqq hy aaqaued ka or asl me jin emmamo ko wo mante hy wo asl me hamare hi emmam hy to asl me hum shia hy pr abi ye khena jb k yahan iss dunia me shia ,sunni ban chuke hy apne apko khena munasib ny hy jisse awaam mun naas abb shia khete hen(swade aazam, aahle sunnat)unko shia ny khete balake rafidii khete hen

Quaid.e.Azam ka anjaam

1. Quaid.e.Azam ka anjaam aghakhani khojah mazhab par nahi howa... onhouN nay bombay high court maiN alal elaan iss mazhab say laa.talluqi ka elaan kia aur khud ko oss deen say attached honay ka elaan kia jo hazrat Muhammad PBUH 1300 baras qabal laa.ay thay....... ap k nazdeeq alal elan islam par iss tarah imaan laanay ka iqrar karnay ki koi ahmiat nahi, hairat hai???

kia apkay khayaal maiN "mosalmaan honay k liyeh" kissi aalimay deen k saamnay do zaanoo hokar kalima paRhnay say hi insaan mosaalmaan hota hai???

2. onhouN nay pakistan ki reyasat "mosalmaanouN" k liyeh qaim ki aur kahaa k issay "madeenah ki reyasat" ki tarah islami mulk banaya jayega... ap onkay iss repeated qaul ko bhi koi ahmaiyat nahi detay, hairat ki bata hai

3. onhouN nay pakistan banaanay k baad issay apnay abaayee mazhab "agha khani reyasat" bananaay k liyeh koi elaania /khufia pesh raft nahi ki...... halaaNkay aisaa karna onkay liyeh "bahoot asaan" tha... yeh sab log aur deger nawaab muslim league maiN aham ohdouN par faaiz thay... agar koi mulk "banaanay wala" (khaah aqliat hi maiN kiyouN nah houN) ... agar nau.khez mulk ko koi "makhsoos color" dena chahaiN to kia mushkil hai.

4. pakistan bannay say qabl yaa baad yaa quaid k inteqaal k baad kissi bhi maroof aghakhani shakhsiyat /adaray /jama'at khanaa nay yeh nahi kaha k quaid.e.azam "hamaray deen" par haiN... agha khaniyouN nay onhaiN (LEADER bannay k baad) kabhi OWN nahi kia.

5. Quaid ki zaati family maiN sirf onki aik bahan fatima jinah onkay saath rah gayee thee (jinhouN nay pak movement maiN onka saath dia) baaqi family members say woh alag thalag rah gayee thay... balka governor general bannay k baad aik martabah onka bhai onsay milnay aayaa aur Governor house maiN ander parcha bhijwaya jiss par likha tha brother of governor general, to ap nay onsay milnay tak say inkaar kardia.

6. waseem bhai ap kahtay ho k woh ... wo ek sache insaan the..... ghalat bilkul ghalat. yaa to ap jhoot boltay ho yaa Quid.e.azam "jhootay insaan" thay..... agar woh aik sachay insaan hotay to apna "agha khani mazhab" (agar woh issi mazhab par faut howay as per ur perception) kabhi nah chopaatay... woh agar aik martabah bhi iska elaan kardetay to mazboot aghaa khani community onhaiN alal elaan own karti. 

yeh to thee onkay IMAAN ki haqeeqat... imaan aik alag cheez hai aur amal aik alag cheez hai...... amal say kosouN door honay k bawajood aik mosalmaan, mosalmaan hi rahta hai... khaah woh ketnaa hi gonah.gaar kiyouN nah ho.

kia tareekhay islam maiN aisay "mosalmaan" nahi jinhouN nay islam laanay k baad koi aik namaaz bhi nahi paRhee lekin onkay liyeh jannat ki basharat di gayee??? agar moqah milay to above mentioned interview zaroor paRhiyehgaa aurwoh book bhi jo quaid k imaan /islam ko describe karti hai

myrizvi bhai salam

A THANK YOU VERY MUCH BHAI RIZVI SAAB.

kheir ap apne nazariye se hy or waseem08 apne nazariye se.

pr waseem08 apke nazariye ka aaehtaraam krta hy.

or waseem08 ki dua hy k mulk ka hr bacha bacha quaid k nuqshae quadam pr chale AAMEEN.

pakistan zindabaad.