Divorce Due To 2nd Marriage Of Husband: Is It A Right Decision

hamare forum ki aik member reeba ki dukh bhari kahani --

mera tamam membran se request hai keh thande dil se ghair jazbati ho kar jawab de keh reeba ka yeh faisla sahi hai ya nahi.

aurat ke andar yeh khoobi hai keh woh shohar ke beghair barso zindagi guzar deti hai, jaisa keh pakistan ki lakho aurta jin ke husband barso se mulk se bahir ya city se bahir hai, kuch log sal mai aik mahina ke liye, kuch do sal mai aur kuch tu 5 sal se bhi oopar ho gaye hai lekin ghar nahi aaye.

lekin reeba alaihda hone ka soch rahi hai. mera zati khial hai keh areeba apne shohar ke beghair bhi zindagi guzar sakti hai, lekin woh iss liye alaihda hona chahti hai keh on ke shohar ki doosri bivi on se bardasht nahi ho rahi hai. aur woh apne husband ko share nahi kar pa rahi hai. doosri taraf os ka shohar bhi areeba ke saath insaaf nahi kar paraha hai.

mera tu zati khial hai keh agar tu areeba ko koi aur munasib shohar mil jaye jo ke namumkin tu nahi lekin kuch mushkil zaroor hai, tab tu alaihdgi ka faida hai. warna mera zati khial hai keh woh shohar ke beghair zaroor zindagi guzar de lekin divorce na le.

agar bap ma alag alag ghar mai rah rahe ho tu yeh bachcho par otna bura asar nahi karta jetna ke divorce lene ke baad ho ta hai. aur agar ma doosri shaadi kar le tu bachche ka tu bera hi gharq ho jaata hai.

lehaza mera zati khial hai keh reeba apne shohar ki ziadti par sabar kar le, aur tasawar kar le ke os ka shohar ghar se door hai jo kai barso ke baad aaye ga. iss tarah bacho ko nafsiati jhatka nahi lage ga keh os ke ma bap divorced hai.

divorce na hone ki soorat mai, mai yaqeen se kahta hoon keh 5-10 years ke baad sab aik ho jaate hai aur sab aik doosre ko maaf bhi kar dete hai. aisi soorat mai bachcho ko ma aur baap dono ka piar milta hai, warna abhi ma baap dono ki khahish ho gi keh bachche onhai favour kare jab keh mera zati mashwarah hai keh bachcho ke dil mai ma aur bap dono ki mohabbat rahni chahiye.

mera post lamba ho gia, lekin kia karoo, mujhe aisa lag raha hai keh yeh aik emergency masla hai jis par jald se jald discussion honi chahiye.

re

   Main sirf aik baat kahna chahti hoon kay allah nay jahan alahdgi ki ijazat di hay wahan saber ka hukam bhi dia hay.  Ab ager bacchay houn tu alahdagi say itnay maslay paida ho jatay hain kay yahan sab ko shumaar bhi nahi kia ja sakta. 

     Iss soortahaal main ager khudanhasta main hooti tu main saber ker laiti.  Kayounkay kabhi na kabhi tu husband wapis aa hi jay ga aur phir say bachay apnay walid ko paa lain gay lakin talaaq ki soorat main un ka koi mustaqbil nahi ho ga.  aur loag itna zaleel kertay hain asi soorat main kay bas. 

      Jab ham apni problem main phans ker bachoun ko bhoal jatay hain tu phir un ki sari zindgi herab ho jati hay.  Iss lliay main tu yahi kahti hoon kay bayshak reeba alahda ho jay lakin divorce na lay.

Re: Bewaqoof (Reeba)

Re

divorce due to 2nd marriage..

in my opinion

suggestion for husbands:
second marriage ki agar koi valid reason hai to 2nd marriage say pehlay apni first wife say baat kar lena behtar hai, aur husband ko chahiye k wo bv ko waja bataye k wo dosri shadi kyon karna chahta hai... Ya convince kar lay ya phir convice ho jaey,, ziada tar pakistani khavateen husband ki dosri shadi ki waja say hurt ho jatin hain,, to kisi ko hurt kar k shadi karnay say wo khushi nai mil sakti jo kisi ko raazi kar k convince kar k shadi karnay ya na karnay say mil sakti hai..

suggestion for wives:
agar husband chori chhupay shadi kar lay, to maar dhaar aur laraee jhagra karnay say behtar hai k us rishtay ko accept kar lia jaey... apkay laraee karnay say husband ko jo thora bohat ehsas hoga k mainay pehli bv k sath galat kia, wo ehsas aur hamdardi khatam ho sakti hai aur wo ye sochay ga k acha kia ye bv to museebat hi hai, naee wali ziada achi hai.... aur apki value ahista ahista kam hoti jaeygi...

sirf is waja say divorce lena k husband nay dosri shadi kar li hai, meri nazar mai ye ghalat faisla hoga....

baki i agree with other members who has already replied on this topic.