Bachey Ki Paedaesh Kay Liye Aurat Ka Inzal Zaroori Hai?

 (Female Discharge)

    Merey ek client kay bhai ki shadi hui lekin biwi iss shadi sey mutmain na thi, kyun kay woh orgasm hasil nahi karti thi. Baad mein iss aurat ka bacha paeda ho gaya to merey client ney apni bhabhi sey tanziya kaha kay tum to kehti thiin kay miyan mujhey mutmain nahi kar pata phir yeh bacha kaisey paeda ho gaya.  Ek research sey sabit hua hai kay bachey ki paedaesh kay liye sirf mard ka inzaal (ejaculation) zaroori hai. Aurat ki taraf sey sirf egg ki zaroorat hai aur egg kay ikhraj ka aurat kay orgasm sey koi ta'alluq nahi. (Zakir)

Jinsi Lutf Aur Bachey Ki Paedaesh Kay Liye Mian Biwi Donon Ka Ek Sath Orgasm Hasil Karna Zaroori Hai? 

    Hamarey yahan aam logon ka khayal hai kay bharpoor jinsi lutf aur bachey ki paedaesh kay liye donon husband wife ka ek hi waqt jinsi urooj tak pohonchna zaroori hai. Iss ki koi haqeeqat nahi. Jinsi lutf kay liye donon ka orgasm hasil karna zaroori hai. Chahey husband wife mein ek pehley orgasm hasil karley aur doosra baad mein. Issi tarhan bachey ki paedaesh kay liye sirf mard ka inzaal (ejaculation) zaroori hai. Agar aap ko betey ki khwahish hai to agar biwi pehley orgasm hasil karley to mufeed hai. Nabi Kareem Hazrat Muhammad (P.B.U.H) ka irshad hai kay miyan biwi mein sey jiska pani ghalib aaey ga aulad iss per hogi. (Mashkawa) Ek aur research sey maloom hua kay woh  aurtein jo mard sey pehley orgasm hasil karti hain (chahey tariqa koi bhi ho) woh sex sey zyada lutf andoz hoti hain. (Zakir)