Hawa thami thi zaroor lekin

Woh shaam bhi jaise sisak rahi thi

K zard pattun ko aandhioon ne

Ajeeb Qissa suna diya tha

K jisko sun kar tamaam pattay

Sisak rahe thay bilak rahe thay

Najaane kis "saanehay" k ghum mein

Shajar jarrun se ukhar chuke thay

Bohat talasha tha hum ne tumko

Har ek rasta..

Har ek waadi..

Har ek parbat..

Har ek ghaati..

kahein se teri khabar na aai

To keh ke yeh hum ne dil ko taala

"hawa thamay gi tau dekh lein gay"

Hum us ke rastoon ko dhoond lein gay

mager humari ye "khush kheyali"

Jo hum ko barbaad kar gayi thi

Hawa thami thi zaroor lekin

"Bari hi muddat guzar chuki thi"

Hamare baalun ke jangloon mein safayd chandi utar chuki thi

Falak pe taaray nahi rahe thay

Gulab Peyaare nahi rahe thay

wo jin se basti thi dil ki basti

"wo log saaray nahi rahe thay"

magar ye "almiyah" sab se baala tar tha

"k Hum tumhaare nahi rahe thay"

"k Tum humare nahi rahe thay"

Hawa thami thi zaroor lekin

Bari hi muddat guzar chuki thi