Qaid-e-Azam Mohammad Ali Jinnah

saqootay dhaka k 3 kirdaar

bahoot khoob kali zubaan... tareekh yehi hai k BD issi tarah banaa khaah yeh tareekh, In The Line Of Fire... jaisee "ghair-maqool" book hi maiN kiyouN nah maujood ho.

saqootay Dhaka / qayaamay BD k 'teen-founders' thay... shekh mujeeb, z a bhuttoo aur indra gandhi.... qudrat nay teenouN ko issi dunyaa maiN aik ibrat.naak anjaam say do chaar kia.... ghaleban shekh mujeeb dunyaa ka woh wahid "founder of a new country" thaa jissay new country k qaaim hotay hi ossi mulk k baasiyouN nay fauri taur par ahlay khana samait halaak kardia. sirf aik beTy shekh haseena wajid buch gayee jo oss waqt BS say hi bahar thee.

Bengal k muslims pooray barra.sagheer k muslims say zeyadah daanaa, zeerak aur achay muslims thay. all india muslim league ka qayaam ahlay bengaal hi ka marhoonay minnat thaa.... they new k pakistan bannay ki soorat main woh bharat k "raham o karam" par rah jayengay k woh zameeni raastay k zariyeh bharat say juray howay aur "baqya pakistan" say hazarouN mile door hongay... iskay bawajood onhouN nay pakistan ka saath dia aur qayamay pakistan maiN baRh chaRh kar hissa lia lekin "west pakistaniyouN" nay 25 baras tak onkay saath kia kia???

jiss tarah kahaa jata hai k pakistan all india muslim league nay nahi balkay indian congress nay "banaayaa" coz agar congress india muslims k saath -ve behaviours nah rakhti to pakistan kabhi nah bantaa aur quaed azam congress choR kar kabhi ML maiN nah aatay....... issi tarah yeh baat bhi "durust" hai k bengla desh, bengaliyouN nay nahi balkay maghribi-pakistaniyouN nay banayaa k agar woh.... u all know, wot i mean :)

pakistan bantay hi india+west pakistaniyouN nay milkar BD ki bunyaad rakhi... WP nay onhaiN mosalsal onhi k wasaail say mahroom rakha, aksariyat main honay k bawajood onhaiN markazi hakoomat & establishment say door rakhaa hatta k khud EP ki establishment maiN bhi WP nay EP ki jagah lay lee...... doosri taraf india nay in "zameeni haqaaiq" ko baRha chaRha kar media k zariyeh bengaliyouN k zehan ko masmoom kia jissmaiN "local hindu bengalis" nay catalyst ka kirdaar adaa kia... do any one knows k dhka uni maiN islamita tak k ostaad hindu thay.

W.PakistaniyouN maiN z a bhutto nay iqtedaar k laluch maiN "muttahdah pakistan" k taboot maiN aakhri keel Thonki... aj bhutto khandaan ka pakistan maiN koi naam o nishaan iss tarah nahi k bacha khucha naam o nishan bhutto-zardari ban chuka hai... woh khud aur oski tamam aulaad "ghair-tabe'yee maut" ka shikaar howi... rahay naam Allah kaa

Quid e Azam ka deen-1

Bhimji!

ap nay tareekh k tanazur maiN Quid e Azam Muhammad Ali Jinnah k deen /mazhab ka back ground bilkul durust pesh kia hai... iss tasweer main koi baat "ghalat" nahi albatta thoRee see "kami" hai. woh maiN bayaan kiyeh deta houN.

It's true k 'quaid family' agha khani khoja shia thee......... BUT ... BUT ... zati taur par quaid ... hosh sambhaalnay k baad say lay kar taadamay marg kabhi bhi "practicing agha khani nahi rahay".....

woh aik taajir k beAtay thay... abhi woh ghaleban middle pass hi thay k aalaa taleem k liyeh london bhej diyeh gayee.... aik middle pass insaan jetna "mazhabi" hosakta hai, united india chornay say qabal Muhammad Ali bhi otnay hi "khandani agha khani" hongay...

london pahonchnay k baad...... as deger muslim or hindu indians, onka apnay abaayee deen say talluq mahaz naam ka rah gayaa aur woh aik "secular-indian" k taur par london ki fizaa main parwaan chaRhay. hatta k onka baiThna aur khana peena sab kuch angrezoun jaisaa hogayaa. woh baray baray lord angrezoun say baray 'lord angrez' ban gaye. shayad hi kissi ko yeh maloom ho k jab woh barister ki taleem k baad bombay aa.ay to onka ghar ka style bhi yeh thaa k onka khaan.saa maaN onhaiN "menu-card" pesh kia kartaa k "sahab ap raat main kia khana pasand karengay?" Muhammad Ali sahab meu card par tick karkay oss din k menu batlaatay... aik martabah lateefah yeh howaaa k onhouN nay fruits main mango ko tick kardia, jabkay woh sesion mango ka nahi thaa.... har baRay aadmi ki tarah onka zehan bhi baRi baRi bataiN sochtay howay aisee choTi choTi "ghaltiyaaN kartay hi haiN :)

ap ki family chand afraad par mushtamil thee... magar aap ghar main bhi "dinner suit" pahan kar dinning table par chori kaaNtay say dinner kia kartay etc etc goyaa woh india wapsi par aik baray qanoon.daan to thay magar zati zindagi main aik angraiz ka namoonah thay... onhouN nay apni seyasat ka ghaaz bhi "secular seyasat" say kia aur congress maiN shamil howay hatta k congress k sadar bhi rahay... iss dauran woh mosalsal "hindu-muslim-ittehad" k congress k "sarkari slogan" par qaaim rahay. magar jald hi woh bhamp gaye k taqreeban tamam hindu leadership "muslims k maamlaat" par monafiqat karti hai aur ander say anti-muslim hai. aisay moqay par onhaiN all india muslim league maiN shamoolita ki dawat dee jati hai to woh fauran ML maiN shamil hojatay haiN.

Quid e Azam ka deen-2

woh kuch arsay tak congress k saath saath AML k bhi sadar rahay aur mosalsal yeh koshish kartay rahay k congress muslims k maamlay maiN monafiqat turk kar kay sanjeedah hojaa.ay to hindu-muslim mil kar angrezouN say india ko azaad karaa.aiN.... lekin mayoosi par woh congress choR kar ML k plate-form say muslim-seyasat (islami seyasat nahi) ka aghaaz kartay haiN aur bar.re.sagheer main "muslim honay k dawedaar tamaam logouN" k liyeh aik alag "muslim-country" k hasool ki seyasat maiN shamil hojatay hain. iss tahreek maiN onhaiN azeem awaami-hemayat milti hai.

deeni taur par ab tak woh khandaan k etbaar say khud ko "ismaili-muslim" hi samjhatay hain aur ap nah to "ismaili-aqaid" k baray main kuch jaantay hain (chotay moTay rasoomaati moshaahiday k ilawah) aur nah hi onhaiN "kissi bhi muslim "firqay" k baray main kuch maloom hai..... ab tak onhouN nay nah to quran /hadees ko study kia hai nah hi ismailli firqay k aqaaid o ebaadaat ko nah hi kissi aur maslak ko..... bombay amaad aur bombay high court maiN practice k dauran onki biwi ka inteqaal hojataa hai........ i.e. the turning point....

onki biwi k marnay par bombay aghaa khani jamaat k local zimmah daraan onsay kuch raqam ka motaalebah kartay haiN takay onki wife k liyeh (agha khani aqeeday k motaabiq) jannat maiN zameen "khareedi jasakay"....... paRhay likhay, raushan khayaal "ismaili-muslim" Muhammad Ali iss naa.maaqool-motaalebay par "chaunk jaatay hain aur kkahtay haiN k wot is this non-sense.... "khoja-mazhab" say naa.waqif jinnah ko phir "samjhaya" jata hai k ... u r a "khoja akhaani-muslim" aur iss "mazhab' ki roo say aisaa hi hota hai.... jinnah jawaab detay hain k woh kissi aisay non-sense mazhab ko nahi maantay... woh to "seedhay saadhay muslim" hain aur oss "islam" ko "maantay" haiN jo 1400 saal qabal hazrat Muhammad PBUH lay kar aaye thay... agar onkay laa.ay howay quran /hadees main "iss raqam" ka koi jawaaz hai (jinnah yeh bhi nahi jaantay thay k aisaa hai yaa nahi) to woh yeh raqam denay ko tayyar haiN warna nahi...

ab khojah agha khani ajab shahsh o punj maiN mobtalaa hotay hain... agar raqam say dastbardaar hotay hain to deger "khoja-muslim" bhi aisa kar saktay hain... lehaz aonhouN nay "personal law" k tehat bombay high court maiN case kardia k "hamaraa" aik naujawaan hamaray deen k motaalebaat nahi accept kar raha.. adalat personal law k tehat issay majboor karay....... jinnah apnay iss moqadmay ki khud pairwee kartay hain aur adalat maIn yeh elaan kartay hain k woh "aisay kissi deen" ko nahi maantay. woh to hazrat muhammad pbuh k laa.ay howay deen walay muslim hain. lehaza woh sirf aur sirf quran o sunnat par amal karnay k "paband" hain... youN yeh moqadmah kharij hojata hai....

iss case k baad quid nay pahli martabah quran /hadees ka thora bahoot study kia aur aik "general-idea" lia k asal islam kia hai... onhouN nay sha'oori taur par issi "asal islam" ko pahlay adalat main "blindly" accept kia baad main paRh kar... wazah rahay k yeh quran o hadees parhnay walaa aik genious insaan thaa jo barister bhi thaa... taham yeh haqeeqat hai k jinnah ko islam ka zeyadah motaale'a karnay yaa iss par amal karnay ka moqah nah mila aur woh jald hi indian-muslim-politics maiN bahoot zeyadah masroof hogayee.... lehaza onkay islam ki jhalak onkay maamoolaat /activities say nahi jhalakti... taham nhouN nay angrezi pahnawawa turk karkay "islami lebaas" (sherwani, topi) pahan kar "batlaa dia" k ab woh "mosalmaan" hogaye haiN.... phir onhouN nay apni taqaareer main baar.haa kahaa k woh indian muslims k liyeh aik aisaa mulk hasil karna chahtay hain jahaan muslim apnay deen k motabiq amal karsakaiN...... onkay aisay tamaam bayanaat /tahreek onkay iss "mokhtasar islamic teaching ki study" par mabni thaa....

taham woh kissi bhi "maslaki tanaaze" maiN molawwas honay say bachnay k liyeh kabhi bhi kissi maslak, hatta k agha khani, islamili, bohri, shia, sunni, deu-bandi......... kissi k khelaaf bhi nahi bolay........ aur jin ulmaa.ay deen nay onkay deen par SHAK ka izhaar kia, onpar bhi comment nahi kia.

sirf ginti k chand ulemaa hi quad azam ko samajh sakay, jinhoun nay quad ki mokhalfat say INKAAR kia baqi ulemaa ki aksariyat quid k sabeqah deeni pasay manzer aur haal huliyeh k baes onkay mokhalif hi rahay... hatta k paksitan bannay tak tahereekay pakistan hi k mokhalif rahay (pakistan bannay k baad nahi)... balkay pakistan bannay k baad paksitan aanay walay ulemaa to pakistan ko aik islamic mumlikat banaanay k liyeh jiddo johad kartay hi rahay... jo ulemaa pakistan nahi aa.ay woh bharat main rahtay howay bhi pakistan k mokhalif nah rahay.

excellent reply by myrizvi

aap ne jo do topic yani Bangladesh kaise bana aur Qaid-e-Azam ka deen per jo post kia woh baht hi maloomati hai. keep it up. 

re:

Choudhry Babar Sb

App nay kaha Aap k leaders ne Angraiz se Pakistan hasil kar k Islam azad karwa liya ,

Tou Mr.Babar kia app Quaid e Azam oar Allama iqbal ko sirf mera leader samjhtay hain apna naheen......jo mujjay kaha hai app ka leader.....

Mujjay tou fakhar hai keh woo meray leader hain

App ka leaders koun hain...... Mr.Gandhi ji ....Yah Mr.Nehro Lal Sb...iss mein sharmany ki zaroorat naheen agar hain tou plz share karain agar woo Molana Hussain Ahmed Madni Oar Molana Abu kalam Azad jaisay mohterm jeed ulma keh ho saktay tou phir app kiss khait ki ..... hain....bus farq itna hai keh oas waqat woo loaq apni rai ka barmalah izhar kertay thay oar ajj oan ki baqiat dhakay chuppay ilfaz mein.......

Mujjay hairat hoti oan loaqoon per jo quaid kay eman per shak kertay hain oar per ungli utathay oar kamal baat yea hai in ko Jinnah kay baad sirf Mr.Gandhi hee nazar aatay.....Pata naheen inn ki nazar mein Gandhi shahid barah muslim tha........

Quaid.e.Azam aur ulemaa.e.karam

Quaid.e.Azam k deen k baray maiN ulemaa.e.karam ki tashkeek 'bay.jaa' nahi. As all of us knows k "khoja ismaiilii shia mazhab" jo Mr. Jinnah ka aabaayee deen thaa, ka oss "ISLAM" say bahooooooooooooot doooooooooooor ka 'rishtah' hai..... yaani khojaa ismaailii to khud ko "muslim" hi declare lartay hain magar onkay aqaaid, ebadaat, etc etc quran o sunnat say bahoot judaa haiN. aur quaid.e.Azam RA ko kabhi bhi openly apnay aabaayee mazhab say laa.taaluqi k barsaray elaan ka moqah nahi milaa .... except in the above mentioned case ... jiski bahoot zeyadah 'tash.heer' bhi nahi howi /ki gayee. iskay elawah Muhammad Ali Jinnah ki zati zindagi ka namoonah bhi "islami" nahi thaa aisay maiN ulemaa.e.karaam ka mohtaat rawayyah kuch "ghalat" bhi nah thaa hatta k pakistan ban gayaa....... jab pakistan ban gayaa aur jinnah nay amalan SABIT kar dekhayaa k woh india k muslim-ummah k liyeh mukhlis thay to Mr. jinnah ki qayadat main tahreekay pakistan say doooooor rahnay walay aisay tamaam ulemaa nay nah sirf yeh k pakistan ko tasleem kia balkay jinnah k baray maiN apnay qabl azeen k saabeqah khayaalaat say bhi rajoo karlia....... lehaza iss ARR main ulemaa.e.karaam par keechaR ochaalnaa kissi taur par bhi theek nahi. islamically onka koi amal GHALAT nah thaa.

Hazrat Quaid.e.Azam Muhammad Ali jinnah Rahmatulla Alaih ka ISLAM aisaa hi thaa jaisay koi non-muslim shakhs chupkay say islam qabool karlay aur ossay apnay iss qabooliatay islam ka alal elaan ka moqah nah mil sakay aur nah hi ossay 'islam laanay k baad' islamic taleemaat par openly amal karnay ka moqah mil sakay.... ab aisay 'shakhs' k baray main (jo bila shobah 'pakka musalmaan hai) agar adam shawahid ki bunyaad par ulemaa.e.karaam 'mohtaat rawayyah' ikhteyaar karaiN to iss say nah to ulemaa.e.karam k 'khaloos' par haraf aasakta hai aur nah hi oss shakhs k islam par.

above misaal walay fard aur Quaed.e.Azam RA main faraq sirf etnaa hai k hazrat jinnah RA aik mash'hoor n masroof seyasat.daan thay... entay masroof k pakistan movement k dauraan onki 'personal-life' rahi hi nahi...... woh din-raat aik baray seyasi amal maiN busy rahay...... aur bombay court maiN apni biwi walay moqadmay maiN apnaa ISLAM declare karnay k bawajood onhaiN apni 'personal life style' ko badalnay... mosharraf bah islam karnay ka moqah hi nah mil sakaa... taahaam pnhouN nay kaRoRouN muslims ko bayak waqt angrezoun aur hindu'oun ki "ghulaami" say nikaalnay aur "madeenah" k baad doosri aisee reyasat qaaim karnay ka shaandaar kaarnamah anjaam dia jiski bunyaad laa-elaaha-illallah yaani islam par thee........

kia hazoor nabi kareem saw nay aisay shakhs RA k jannati honay ki gawaahi nahi dee... jinouN nay imaan laanay k baad aik namaaz /rozah nahi rakhaa aur maidaanay jahad maiN shaheed hogayee??? kia quid.e Azam nay "imaan laanay" k baad apni zindagi mosalsal "jehaad" maiN nahi guzaari???

Aj nah to hum jinnah k islam par koi ungli oThaa saktay haiN aur nah hi jinnah ki pakistan movement main hissah nah lenay walay aur jinnah k islam par mohtaat rawayyah rakhnay walay ulemaa.e.karaam ki tazheek karsaktay hain.... bilkhasoos jabkay onhoun nay baad azaaN apnay sabeqah rawayyoun say rajoo kar lia ho

wallaho alam bissawab

aik osool yaad rakhiyeh

1. agar 2 afraad yaa 2 groups aik doosray k aamnay saamnay madday moqaabil houn to zaroori nahi k dounouN maiN say aik laazman ghalat hai (go k aksar aisaa hi hotaa hai)... dounouN sahih bhi hosaktay hain aur dounoun ghalat bhi hosaktay haiN. yaani 2 ghalat quwwatain bhi baham laR sakti haiN aur 2 sahih quwwatain bhi.

2. islamic point of view say iski behtareen misaal jangay jamal hai... iss jang maiN bahoot say sahabah RA shaheed bhi howay... aik taraf hazrat Aisha RA aur onka lashkar thaa aur doosri taraf hazrat Ali RA aur onka lashkar thaa......... aur mosalmaanouN maiN say koi single fard bhi aisaa nahi hosakta jo in dounouN azeem shakhsiyaat k baham jang karnay k bawajood kissi aik ko BATIL qarar day aur doosray ko HAQ ... dounoun apni apni jagah HAQ par thay aur bawajooh (wajoohaat ki details ka yahaaN moqa nahi) baham laR paray

3. issi tarah 2 kafir (aqwaam) bhi baham laR sakti haiN. hamaray nazdeeq dounouN ghalat hain (refer cold war between usa & ussr)....

same misaal Mr. jinnah Vs Ulemaa bhi hai. dounouN apni apni jagah HAQ par thay....... taham 'bawajooh' (see above for details) dounouN ki chemistry baham nah milli aur dounoun aik dossray say alag thalag rahay during pakistan movement........ lehaza hum jaisay common persons k liyeh zaroori nahi k kissi aik ki 'hamayat' maiN doosray ko ghalat qarar dain... dounouN haq par thay.... wallaho aalam bissawab

Re: How Bangladesh Founded?

How  Bangladesh founded?

This is absolutely wrong that Bangladesh was formed by West Pakistan. Although; injustice has been done with Bengalis in different ways.

Since the foundation of Pakistan, in 1947 Indian leadership where chewing their fingers in the teeth. All that happened against their desires. They wanted capture the whole Indian sub-continent, but the Muslims were claver enough that they have parted the India, The Mother of Hindus.

India started conspiracy in the East-Pakistan. A leader who had been very popular in East Pakistan was Bhashani. He was secular and Pro-Indian. Before he appeared. When Quid-e-Azam M A Jinnah went to Dhaka in 1947 after establishment of Pakistan, the leaders of Bhashani Party demanded that the capital of Pakistan must be Dhaka. They secondly demanded that they should have separate currency different from West Pakistan. Quid-e-Azam refused their demands since that was not possible to have different currencies in the same country. But saying this is also true that the basis of Dhaka Fall had been established since the beginning.

Bhashani had been seducing the people of East Pakistan against West Pakistan. His follower was Mujeeb ur Rehaman who after him leaded the Party.

Agartala Conspiracy:

A famous conspiracy had been caught red handed in Agartala India against Pakistan in which Mujeeb ur Rehman was found to be there talking with Indian leaders. After breaching that Conspiracy its impact declined other wise they have decided to divide Pakistan in two parts.

Revenge of the defeat in 1965:

Dhaka Fall was the revenge by Indians of the defeat that they have got from Pakistan. Since Mujeeb Ur Rehman has already changed the minds of Bengalis therefore; he has taken the supports of Indian Army. 1971 after Elections when Mujeeb Party got 1^st Position he demanded for PM ship. If ZA Bhutto would agreed for that, even despite of that offer, they did not stop their movement against Pakistan. Since it had already been told that the basis of Dhaka Fall had been made since 1947.

Once the PM ship had refused, the local Army of Mujeeb started chaos in the East Pakistan. In order to fight against these culprits once Pakistani Army Entered in East Pakistan, India with out prior notice attacked from western border and acted against rules and regulation of UNO. Finally two sided attach was not tolerated by Pakistani Army, one  from western border and second by the local Army of Mujeeb. A lot of blood shed that have done in East Pakistan was actually done by Mujeeb’s Army and the blame had been put on Pakistani Army.

Remarks of Indra Gandhi on Dhaka Fall:

Indra Gandhi proudly announced that by making Bangladesh they have achieved two targets:

1. They have taken the revenge of 1965 war
2. They have put the Two Nations Theory in the river and taken the revenge of 1000 years of bondman ship  from Muslims

By this announcement it has proven that Bangladesh was founded by Indians and they have taken the advantages of the Pakistan’s weakness just like they are now doing conspiracies in Afghanistan against Pakistan.

Why Z A Bhutto has given the punishment of death:

ZA Bhutto, Shah Faisal Shaheed, Mahateer Muhammad, Colonel Qazafi………………………

They have made Muslims UNO. ZA Bhutto stared Nuclear Program. Henry Kissinger from USA warned him not to do that but he refused. General Zia taken over on the signal of USA and given him the punishment of death unlawfully.

Same thing has also happened with Shah Faisal, Mahateer Muhammad etc.

Conclusion:

Bangladesh was not made by Pakistan; It was made due to the conspiracies against Pakistan and so-called Pakistan’s weaknesses.

Z A Bhutto was hanged not due to Bangladesh foundation, He was hanged since he started Nuclear Program.

Love Bird

Agar main Muhammad Aali Jinnah se muhabbat nahi rakhta ya un ko Quaid e Azam nahi manta ya un ko apna leader nahi manta to is se meray eman aor meray Islam pe koi farq nahi parrta, Muhammad Ali Jinnah eik siasi Leader thay jin k nazriyat aor siasat se ikhtelaf kiya ja sakta hae aor kiya gaya, itnay jazbati na hon k apni language he kharab kar lain, Laikin zati tor pe main is baat ka qail nahi hon k Muhammad Ali Jinnah ko bura kaha jaye is liye un se nazriyati wabastgi na honay k bawajood main un ka ehtram karta hon. na un pe koi fatwa lagata hon aor na un k baray main koi ghalt language us ekarta hon.

Ulema e Deoband ko eik sochi samjhi sazish k tehet Pakistan ban janay k baad bura bana k pesh kiya gaya halank k un ka moqf apni jaga theek tha k woh Hindustan se is tarah dastbardar honay ko tayyar nahi thay aor Muslims ki taqseem nahi chahtay thay. phir ye bhi eik tareekhi haqeeqat hae k ye Ulema angraiz s eshadeed nafrat kartay thay aor Angraiz se azadi main in ka bohat barra kirdar hae , Angraiz se azadi ki tehreek eik alag cheez thi aor India ki taqseem eik alag cheez. Angraiz se azadi ki tehreek main Ulema ne bohat qurbanyan di jin ko aap chupa to saktay hain magar is se haqeeqat nahi badl sakti. jab k India ki taqseem keh lain ya Pakistan k wajood main aanay ki baat ho ye sub cheezain Hindu aor angraiz k mafad main thi aor kisi muslim leegi ko is main kaanta tak nahi chuba tha sari qurbanaya aam muslims ne he di thi.

na to Muhammad Ali Jinnah koi Nubuwwat k maqam pe faiz thay aor na he Pakistan k baray main koi Quran ki aayet utri thi, eik siasi amal tha jis ki himayet aor mukhalifat ki ja sakti hae. daleel se baat karain, main zaroor is main participate karon ga laikin ye khet ki moli ya is tarah k lafz aap ko zeb nahi detay hain.

jis tarah aap ko Muhammad Ali Jinnah s emuhabbat hae aor mian aap k is jazbay ki qadar karta hon isee tarah mujay in Ulma se muhabbat hae . in Ulema se meri jazbati , nazriyati wabastgi ki bunyad pe agar aap samjhtay hain k mera emaan aor islam mashkook ho gaya hae to phir aap ki soch pe afsos he kiya ja sakta hae.

Choudhry Babar Sb

Aap ki post parhanay k baad mein nay apni last post ko dobara read kia mein nay app kay muslim honay per kohee shak naheen kia oar waisay bhee kissi kay muslim oar non muslim ka oas ki seasi wabastagi say kaisay kia ja sakta hai.....Bohat jeed ulma nay bhee Quaid e Azam ki na sirf mokhalfat ki balkeh Pakistan bannay kay ghilf kam bhee kia magar hum oan ko na sirf muslman samjhtay hain balkeh woo aalim deen bhee hain.

Bohat say muslmanoo ka lihay Mr.Gandhi Mr.Jinnah oar Iqbal say kaheen behter leader thay yea oan ki seasi wabastagi thi oan sab kay muslman honay per kissi ko kohee shak naheen.

Agar app Mr.Jinnah ko apna leader naheen mantay tab bhee app ka eman qahim hai patta naheen app nay kiss baat say yea nateeja aghaz kia bassically humara culture hee aisa hai keh hum opposite point of view ko foran non muslim karar daitay jaisay khoud Quaid e AAzam bhee issi culture k hathoo non muslim honay ka cerificate laina para.

Magar Babar Sb hum oan loaqoon mein say naheen woo loaq kohee oar hain ,forsat millay tou apnay aas paas nazar dorahain!!!! 

Ch baber

read n agreed.... ap ki jumlah bataiN osooli bunyaadouN par haiN jo bar haq haiN. seyasi leaders includinh Mr Jinnah say ikhtelaaf bhi kia jasakta hai aur ittefaaq bhi. dounouN soortouN maiN aisaa karnay walay k imaan par koi faraq nahi paRtaa. well said bhai...

lekin kuch bhashan :)) hum nay bhi ap dia hai ap nay yaa love bird nay on par koi comments nahi kia lagta hai k iss post main ap dounouN mahaz aik doosray say bahas-o-takraar karnaa chaahtay haiN... topic par doosray members ki replies ko lift nahi karanaa chaahtay lol

Love Bird

Aap eik meherbani karain gay ?? is se meri information main bhi izafa ho jaye k jub Pakistan ban'nay ki tehreek chal rahi thi aor Mr. Jinnah is ki qiadat kar rahay thay aor no doubt India k Muslims ki barri aksariyat mr. Jinnah k sath thi to Darul Uloom Deoband se Mr. Jinnah pe kufer ka fatwa kub laga ???? koi date, koi Mufti??? is se bhi aagay chalain Ulemae Deoband main se kisi eik ka name likhain jo kisi ne siasi meeting ya public main bhi Jinnah pe kufer ka fatwa lagaya ho ??? ya Mr Jinnah k bare main awam main un k maslik aor mazhab ki bunyad pe  nafrat phailayee ho ???

yahan logon k tas'ub ka ye alim hae k agar kisi Deobandi Alim ne Taqseem e Hind ki mukhalifat ki hae to 1947 se le k aja tak Ulema e Deoband ko Pakistan main galyan di ja rahi hain, awam se ye baat chupaayee jati hae k inhi Ulema ne Angrazi ki qaid kati, Angraiz ki maar khayee aor inhi Ulema e Deoband k eik group ne Muhammad Ali Jimmah ka sath diya aor apnay he sathi Ulema ki shadeed mukhalifat ki to in ka ziker e khair kabhi nahi kiya jata.

sari zindagi jo log Angraiz ki nokri kartay rahe, angraiz se zameen aor uhday letay rahe jub taqseem ka waqt qareeb aaya to Mulism Leeague main shamil ho kar Azadi k hero ban gay. ye nawab, jageerdar kya jaanain Malta ki qaid kya thi, Kala Pani ki qaid kya thi, Phansi ka phanda kya tha aor Angraiz se nafrat ki kya qeemat adaa karni parrti thi.in ki khidmat k badlay jatay waqt Angraiz in ko eik alag mulk de gaya aor goray angraiz ki bijaye awam ka wasta kalay angraiz se parr gaya "Manzil un ko mili jo shareek e safar na thay"

Main Muhammad Ali Jinnah ki respect karta hon, woh India k Muslims ki bohat barri aksariyat k leader thay magar Muslim League jageer daron, aor nawabon ki jamat thi aor Taqseem main in ka apna mafad tha . in ki koi qurabi nahi hae angraiz k khilaf , aor in logon ki history utha k dekh lain ye angraiz k wafadar thay aor in logon ki olad aaj tak pakistan pe hakoomat kar rahi hae. Pakistan ban jane k baad bhi aap Muslim League ko study kar lain har woh General, dictator jis ne Pakistan pe qabza kiya us k qadmon aap ko Muslim League he nazar aaye gi.

Ulmaah ka kirdar

Wajoohat jo b hon lkn yeh haqeeqat hai ke Quid aur Molviyun ki Chemistry nahin bn paai (Isay Quid ke nazriyaat keh lain ya unki Moulvi Fehmi). Pakistan ki Tehreek-e-Azadi main b Ulmah ne khul kr Quid-e-Azam ka sath nahin dia balkeh Jamat-e-Islami aur Deo Band Ulmaah ne mukhalifat ki. Ulmaah ke ilawa Peshawar ki Wali Khan family b Pakistan ki shadeed Mukhalif thi.
Main har fiqha ke Jaieed Ulmaah ki Deen Fehmi se inkar nahin krta. Unki Deeni Khidmaat qabl-e-Qadr hain magar Ulmaah ne Syasi torr par Pakistan ke hawalay se kabhi b Qabl-e-qadr role play nahin kiya chaahe Pakistan ki azadi ka moqa ho ya Indian PM ki Pakistan yatra ka.
CH. Babar aur grounds pr Ulmaah ko defend kr rahe hain aur Love Bird aur reasons ki taraf ja rahe hain aur Mazay ki baat hai dono hi theek keh rahe hain.
Babar Bhai, aap ki tamam batain sahi hain magr yeh fact hai ke agr hum topic ke title ke mutaabiq baat ki jaaey tou Pakistan ki azadi ulmaah ka active role nazar nahin aata albattah agraiz se azadi ke lie unki qurbaniyan zaroor hon gi. 

MY RIZVI/BHIMJI/CHOUDHRY SB

My Rizvi Sb.

Mein app ka bohat mamnoon hoon keh app nay iss thread ko ronaq bakhshi,mein nay app ki posts/bhashan parheen hain magar oan per tabsara naheen kia keh behs ka aik oar darwaza khul jata oar topic divert hojata......

App ki last post mein jo app nay likha keh kissi seasi wabastagi per kissi ko kafir naheen karar daina chaehay…bilkul sahee kaha app nay ….mein nay bhee yahee kaha hai app ki post kay oper mera reply mojoad hai…woo Babar sb ko kohee galt fehmi hogahee thi ….Mein nay oan say sirf oan k leader ka namm pocha tha oar kaha tha keh kaheen oan ka namm Mahatma Gandhi ya Nehro tou nahee……Iss say babar sb nay kaha keh mein nay  oan ko non muslim kaha hai…..

Bohat say muslman congress party ka member thay oar hain Molana Abul Kalam Azad Congress party kay oadedar thay abb wooo non muslim thori thay………..balkeh mein nay aik thread Mahtama Gandhi kay janam din ko celebrate bhee shirro kia magar tah dame tahreer kissi nay bhee reply nahee kia……

Mohterm Babar sb say mujjay achay laqtay iss lihay oan ko replies kerta rehta hoon…..oan say larhna maqsad naheen hota------

KUCH GOZARSHAT MY RIZVI KI POSTS K BARAY MEIN

App apni post "Quaid e Azam oar ulma Deen "mein farmatay hain

"Hazrat Quaid.e.Azam Muhammad Ali jinnah Rahmatulla Alaih ka ISLAM aisaa hi thaa jaisay koi non-muslim shakhs chupkay say islam qabool karlay aur ossay apnay iss qabooliatay islam ka alal elaan ka moqah nah mil sakay".

 Mazeed aik jagah per aap (my rizvi) farmatay hain

"iskay elawah "Muhammad Ali Jinnah ki zati zindagi ka namoonah bhi "islami" nahi thaa aisay maiN ulemaa.e.karaam ka mohtaat rawayyah kuch "ghalat" bhi nah thaa"

Aik lateef noktah yeah hai keh app nay apni sirf iss post mein hee  Qyoon  Quaid e Azam kay sath Hazrat oar aakhir mein Rehmatullah allaih likha…… iss ki wajah yea keh oas k baad app nay oan per intahee sakhat personnal hamla kerna tha oar oas ka assar zahil kernay k lihay app nay pehlay oan ko walaihat kay darjay per bhee ponchea dia yehni karvi dawahee say pehlay meethi goli"

App oar dosray ehbab behter jantay keh Islamic literature mein Rehmatullah allaih  Allah k wali oar perhaiz gaar loaqoon k sath yea likha jaata hai Aap aik tarf tou oan ko Allah ka aik Wali mantay hain oar dosri tarf oan ko aik aisa muslman samjhtay hain jiss nay chupkay say islam qabool kia oar jiss ki zindagi ka nammona bhee islami naheen.

Yea aik haqeeqat hai keh jo loaq Quaid ki zindagi mein oar oan ka baad bhee oan kay islam phar shak kertay rahay hain oar kertay hain wo loaq bhee abb oan k sath Rehmatullah Allaih likhtay hain ,yahee oan ka doghla ravia oan ki baatin oar zahir kay farq ko zahir kerta hai.

Meray khial mein na tou Quaid e Azam nabowat kay darjay per thay oar na walahait ka martabay per magar wo hum jaisay lakhoon loaqoon say kaheen behter oar sachay muslman thay!!!!!

BHIMJI

APP KI POST PARAH KER YOON LAGA KEH DILL KI BAAT KO ZUBAN MILL GAHEE …..THANKS FOR PARTICIPATE

 CHOUDHRY BABAR :

App ka bhee bohat mamnoon hoon keh app phir say mehfil arrah hohay app post kafi lambi hogahee …zindagi rahee tou next post mein app ki post ko zaroor discuss karain gay …Insahullah

Love Bird

Main aap se political issues pe behes ko larraie nahi samjhta hon , laikin aap k meray main ye words k meray leaders Nehro ya Gandhi hain  zaroor qabil e eitraz thay. meray bhai main ne apnay mazhabi, siasi nazaryat forum pe kabhi chupaye nahi hain aor jo main hon wahi zahir karta hon . mera jamhooriyat pe yaqeen he nahi hae, na main is system ko manta hon is liye mera koi leadre nahi hae, aor na main ne kabhi vote dala hae. isee tarah Taqseem e hind se pehlay bhi meri kisi bhi leader se siasi wabastgi nahi hae, jin Ulema ko main defend kar raha tha un se mera mazhabi rishta hae aor main un ka is liye bohat ehtram karta hon k woh angraiz se shadeed nafrat kartay thay aor yahi Ulema thay jinho ne angraiz k paida kiye howe fitna Qadiyaniyat ka muqabila kiya.is liye mujay Gandhi ya nehro se koi wasta nahi hae.aap k mazeed reply ka wait karon ga.

Choudhry Babar Sb-1

Choudhry Babar

App kay Quaid e Azam k baray mein yea remarks keh “Agar main Muhammad Aali Jinnah se muhabbat nahi rakhta ya un ko Quaid e Azam nahi manta ya un ko apna leader nahi manta to is se meray eman aor meray Islam pe koi farq nahi parrta, Muhammad Ali Jinnah eik siasi Leader thay”

Mein yea kehta hoon keh yea app ka jamhori/bunyadi haq hai keh app on ko manain ya na manain ya oan kay nazriat say mokammal ya jozvi ikhtalf karain is say na app kay Islam per kohee farq parta hai oar na hee app kay mohib e watan honay per.

Aitraz tab banta hai jab agar app ki sari omer issi ikhtalf mein guzray magar app k iss dunyea say oat janay k baad app k baad anay wali nasal yea kahay keh Choudhry Babar tou Quaid e Azam kay bohat barahy lover thay,haqaihaq ko jab iss kadar maskh kia jata hai tou per aitraz farz hojata hai.

Aap ki apnay ulma say mohabbat per bhee mujjuay kohee aitraz naheen keh yea bhee app ka haq hai keh app oan say mohabbat karain.App apni posts ka conclusion mein likhtay hain “Aap eik meherbani karain gay ?? is se meri information main bhi izafa ho jaye k jub Pakistan ban'nay ki tehreek chal rahi thi aor Mr. Jinnah is ki qiadat kar rahay thay aor no doubt India k Muslims ki barri aksariyat mr. Jinnah k sath thi to Darul Uloom Deoband se Mr. Jinnah pe kufer ka fatwa kub laga ???? koi date, koi Mufti??? is se bhi aagay chalain Ulemae Deoband main se kisi eik ka name likhain jo kisi ne siasi meeting ya public main bhi Jinnah pe kufer ka fatwa lagaya ho ??? ya Mr Jinnah k bare main awam main un k maslik aor mazhab ki bunyad pe  nafrat phailayee ho ???

Aap ulmahai deoband say mohabbat kertay hain tou yea baat yaqeenan jantay hongay keh Darul Haloom Deoband aik mazhabi tehreek/madrisa tha na keh aik seasi tehreek tou onhoon nay kabhi bhee kohee seasi issue per halchal paida naheen yahan per discussion oan molvihoon ki horahee hai jinhoon nay oas waqat ki politics mein hissa lia…..

Is ski missal mein aisay doonga keh agar yea behs horahee hoo keh Pakistan mein mazahabi jamhatain dictator ki besakhian/sahara banti hain jaisay Zia dour mein jamat islami oar Mushraf doar mein MMA magar iss discussion mein agar kohee yea israr karay keh naheen yea baat galt hai oar kahay keh mujjay batain keh Kab Tableeghi Jamat nay Mushraf ya Mr.Zia /Mr.Ayub ki Hamayat ki……..

Omeed hai app baat samjh gahay hongay------to be continue………

Choudhry Babar -2

Ulmahai Deoband kay farig ul Tehseel ulma mein say agar kissi ko seasat ka shokhaf hota tou oan k lihay aik seasi plat forum Jamihat Ulmahai Ind tha oar hai ,

Oar humara thread in say relevant hai,…

Jammet ulmahai Ind aik mazhabi seasi jammat thi yea aik tareeghi haqeeqat hai keh iss jammahat nay almost her doar mein Congress ki himayat ki.Molana Shabir Ahmed Usmani bhee issi jamat kay member thay apnay asooli mohaqaf per in ko jamat say nikal dia gia…….

Pakistan bannay k baad jamat kay wo akbareen jin ka tahalouq iss Pakistan say tha Pakistan bannay kay baad oan ko ikhtah kia gia oar Jemihat Ulmahai Islam ki bunyad rukhi gahee …..yea batana isslihay zaroori hai keh issi jamhat kay sarbarah Mufti Mehmood nay Aug 11,1972 mein Press conference mein kaha “Allah ka lakh lakh shokkar hai keh Hum oar hummaray Abahoajdad Pakistan bannay kay Gunah mein Sharik naheen”newspaper gawah hain.

Jab woo khoud aitraf ker rahai hain tou hum bhalah kia ker saktay hain…….!!!!!!

Abhi purani baat naheen Issi Musharaf period mein Mufti Mehmood kay Sahibzaday Janab Molana Fazul ur Rehman nay Aalmi Deoband conference karwahee tou India say Jamihat ulmahai ind ki tarjmani k lihay Molana Hussain Ahmed (Jinka zikar thread k aghaz mein hochukka hai) kay sahibzaday Molana Asad Madni Tashreef lahai oar onhoon nay kaha”Kashmir mein Jahad naheen Dehshat Gardi horahee hai oar yea khattam honi chaehy”Kashmir mein honay walay Indian army k zulm per onhoon nay kohee baat naheen ki…..Iss per mein yahee kahoon ga keh onhoon nay apni hakoomat ko defend kia

Pakistan Kay Shadeed Mokhalif Ulma…

Ø      Molana Modoodi Sb

Ø      Molana Atta ullah Shah Bukhari Sb

Ø      Molana Abul Kalam Azad Sb

Ø      Molana Anyatullah Mashraki Sb

Ø      Molana Hussain Ahmed Madni Sb

 Molana Abu aalah Modoodi Bani Jamat e Islami apnay mahnama Tarjaman ul Quran Aug-Sep 1947 mein apnay adria ka naam likhtay hain “Dirinday ki Paidahish”

Pakistan ko onhoon nay aik dirinday ki paidahish say mansoob kia mazeed onhoon nay kaha keh Quid e azam oar oan kay rofaqa nay jo kam kia hai oan kay moonh kalak say barh dainay kay lihay kafi hai….

Iss say pehlay onhoon nay apni Kitab “Muslmanoo ki seasi kashmakash” mein kaha keh “Mujjay pori Muslim leaq mein kohee bhee shaks aisa nazar naheen aata jiss ko islam ka zara sa bhee fehm ho”

Molana Attaullah Shah Bukhari Apni taqreer mein Quaid e azam ko kafir kehtay thay oar Pakistan kay shaded mokhalif thay.

Inn  Hazrat ki books taqareer iss baat ki gawah  keh inhoon nay sari zindagi Mr.Jinnah oar Pakistan k ghilaf (Qyame Pakistan k ghilaf) guzari afsoos ki baat yea hai keh yea tamam mohterm ulma na tou Shia hain oar na bralvi hain oar na Ail e Hadees in sab ki maslaki haqeedat Deoband say ja milti hai……..oar yea aik ittafaq bhee hosakta hai…..

Mein app ka iss baat per mamnoon hoon keh app personnaly Muhammad Ali Jinnah ko ager cheh apna leader naheen mantay na oan say mohabbat kertay hain magar oan ko muslman samjhtay hain oar apni post mein app likhtay hain Laikin zati tor pe main is baat ka qail nahi hon k Muhammad Ali Jinnah ko bura kaha jaye is liye un se nazriyati wabastgi na honay k bawajood main un ka ehtram karta hon. na un pe koi fatwa lagata hon aor na un k baray main koi ghalt language us ekarta hon.

Love Bird