Wazaif aur Awraad

Quran ka her aik lafaz apnay ander aik maina aur aser rakhta hai jis ak perhna aur lagatar perhna insani jisam, zehan aur rooh per aser dalta hai

Aima karam aur ulama aur deen main quran per mehnat kernay walon ne quran ki ayat aur surton se nataij akhaz kiyay hain

kuch suratain ya ayat aisi bhi hain jin kay awraad chilay ki shakal main kiyay jatay hain halankay quran ka maqsad yeh nhn k quran ko sirif kamer derd, ser derd bukhar ya kisi aur hajat k liyay perha jai aur woh bhi aik makhsoos hisa quran bazat e khud aik shafa hai ab us main se hum kis terah shafa hasil kertay jisam k liyay ya rooh k liyay

in wazaif ka aser bhi unhi per hota hai jo quran ko baqaidgi se perhtay hain aur Nabi SAW ki taleemat per amal bhi kertay hain

humaray han 90% log jo peeron faqeeron k pass jatay hain khud be amal hotay hain aur chahtay hain k peer saheb kuch ais aphoonk den k sab takaleef door ho jain

halankay peer saheb bhi jantay hain k ais amumkin nhn lekin mureed ko bhi to qabu main rakhna hai ayat ya surat ka taweez bana ker rakhna bhi isi liyay man ahai kiun k is se insan khud be amal ho jata hai

werna quran ki berkat se kon inkar ker sakta hai k quran ki ayat ya surat ko pass rakhna ba nafse hi berkat hai forum per love marriege ayr mohabat k liyay wazaif k sawalon ki bhermar hai

shiraai lehaz se aisay wazeefay kerna batana dono mana hain kiun k ager aisa wazeefa aser ker jai to is ka matlab yeh huwa k ap ne kisi ko us ki merzi k khilaf apni teraf mail kiya jo k na to mazhab ijazat deta hai na muahera aur na hi yeh mohabat ka taqaza hai k jadoo ya wazeefay se mohabat hasil ki jai

aur ager dono insan aik dooseray se mohabat kertay ho lekin maan baap na mantay hon to us main bhi sahi nhn apni nafsi khuwahish ki takmeel k liyay maan baap per jadu ya wazeefa se aser dala jai

wazaif ki kitabon main baaz wazaif to aisay bhi hain jo k normal insan k bas se baher hain lekin roz merah zaruriyat k wazaif jo aam zindagi main tention, pereshani aur takaleef k rafa kernay main madad den un k liyay is thread main senior members se request hai k sawal poochnay walon ko wazaif batain

aur in wazaif ko behas na banain  k kis ne btaya kahan se nikla kiun k kuch khas wazaif k ilawa hadees ya riwayaat se kuch bhi sabit nhn bas yeh hai k ulama aur naik logon ne apni samjh se quran ki ayat ko samjha aur un ko aik khas terteeb se perha aur aser hasil kiya to logon k liyay bhi aam ker diya

aisi her kitab main likha hota hai k " Aik hadees main aya hai ( aur koi refrence nhn hota) ya aik buzurg ne fermay ahai ab woh buzurg kon thay koi pata nhn is liyay akser wazaif ko yeh soch ker kerna k yeh sunat hain ais anhn hai

OPEN FOR ALL 

dua aur wazaif

About Wazifas

Bluink well said with explain wazaif

@alone but happy

Bluink mery pas ap k lfz bht choty aa rhy hen