|
Szagham |
Group: Members Joined: 23rd Apr, 2008 Topic: 38 Post: 217 Age:
30
|
|
| Posted on:11th May 2008, 4:50am |
|
| |
 I Need Your Suggestion about Suhagraat
Dear Seemi Sis,
Salam,
Seemi sis , Aap shaadi shuda hein aur main aap se aik sawal karna chahta hun ,Go k main abi married nahin hun lakin main yeh poochna chahta hun k pehli raat ya pehley din mein larki k zehan mein kia hota hai ya yun kahein k wo kia chah rahi hoti hai aya us ka husband us se mubashrat karey ya na karey.
Kia wo yeh chah rahi hoti hai k pehli raat sirf batein ki jayein ya kia usey maloom hota hai k mun dikhayee k baad kia karna hoga.I mean k dress changing etc..
MAY ALLAH BLESS TO YOU.
Syed Zagham |
|
Aag |
Group: Moderators Joined: 21st Nov, 2007 Topic: 22 Post: 1130 Age:
34
|
|
| Posted on:11th May 2008, 11:44pm |
|
| |
Szagham Well my friend every girls have her own thinking and needs.. I think there is no need to ask such type of question. Wait till your marriage night. |
|
Bewaqoof |
Group: Members Joined: 19th Sep, 2010 Topic: 250 Post: 4284 Age:
38
|
|
| Posted on:11th May 2008, 11:48pm |
|
| |
jo kuch kerna hai .... dulha ne kerna hai suhag raat mai one man show hota hai, jo kuch kerna hai dulha ne hi kerna hai. dulhan ka role yeh hota hai keh: woh dari sehmi rehti hai keh pata nahi aaj kia hoga, aur agar dulha dara sehma hota hai (kuch nahi kerta) tu dil hi dil mai keh rahi hoti hai keh yeh bewaqoof kuch kare ga bhi ya yoo hi waqt berbaad kare ga?
|
|
Seemi |
Group: Members Joined: 11th Sep, 2007 Topic: 14 Post: 3829 Age:
27
|
|
| Posted on:11th May 2008, 4:45pm |
|
| |
Szagham SZagham bhai, pehli raat mein larki kaafi dari hoi hoti hai... Da is baat ka nahin hota k pata nahin us k saath kya ho ga ya woh kisi battle field mein ja rahi hai, balkey woh yeh soch rahi hoti hai k aaj se aik new life start ho rahi hai, pata nahin mera husband kaisa ho, nature kaisi ho etc etc.... Because sirf dekhnay or milnay se kisi ka pata nahin chalta jab tak aap us k saath raho nahin... Is k ilawa din bhar ki thakan bhi hoti hai... or ziada tar larkion ko clearly or munasib tareeqay se batanay ki bajaye gol mol baat kar di jati hai k mian jo bolay us se mana nahin karna, or thora bohat pain ho tu bardasht kar lena etc. etc.... Ab larki sara time yehi sochti rehti hia k pata nahin kitna pain hota ho ga k har koi yehi baat kar raha hai.
SO larki us waqt aik mili juli kafiyat mein hoti hai.. woh yeh bhi chahti hai k kisi tarah apni first weddingnight ko yaad gaar bana sakay jo us ko or us k husband ko hamesha yaad rahay.. lekin woh nervous bhi hoti hai k pata nahin kya ho ga or kaisay ho ga.. Larki se yeh kabhi expect mat kijiye ga k woh pehal karay gi.. Sab kuch larkay pe depend karta hai.. or us ke first night ka behabiour larki sari umer yaad rakhti hai... Agar husband sahab aatay hi bas "hamla awar" ho jaayein tu larki yehi sochay gi k kis jugli k saath wasta par gaya.. or agar batein kartay kartay fajar ki azan hojaye tu bhi yehi sochay gi k yeh ajeeb admi hai.. unless k larka or larki khod frankly decide kar leink unhein intercourse aaj karna hia ya kal ya jab both feel comfortable.
Lekin for unmarried boys.. yeh baat kehna chahoon gi k first night mein aap k chand ghnaton ka behaviour aap ki sari zindagi pe asar andaaz hota hai.. Agar aap ne un few hours mein apni biwi ka dil jeet liya tu aap ki zindagi hamesha khushgawar guzray gi... or sab se important baat.... Aik newly married larki ko sex ki itni parwa nain hoti jitni apnay husband k love care or affection ki hoti hai... Agar us ka husband pehli raat mein us ko yeh feel karwa de, us k saath loyality ka izhaar kar de tu surely larki martay dam tak us ka saath nibhaye gi.. |
|
Szagham |
Group: Members Joined: 23rd Apr, 2008 Topic: 38 Post: 217 Age:
30
|
|
| Posted on:12th May 2008, 4:10am |
|
| |
How i pay you thanks Dear Seemi sis,
Salam,
Seemi sis main aap ka kin alfaz se shukriya ada karun.jis tarha aap ne muje apney knowledge se satisfy kiya hai marey paas alfaaz nahin k main aap ka shukriya ada kar sakun.Seemi sis main is forum par itna purana nahin lakin main aap se aur beauty bahi se bohat impress hun k jo bohat achey tareeqey se guide kartey hein.main abi saudia main hun aur ho sakta hai 2 ya 3 months tak pk aon ga.q k ma g kehti hein k beta g shakal dikha jao.it is my first time to come foreign.
main ne yeh sawal is liye kiya tha k hosakta hai ghar waley force kar k meri shaadi kar dein q k ab ma g ko aik adad beti chahiye.main tu abi nahin maan raha lakin ma g ko inkaar nahin kar sakta.anyway so many thanks.aap ne bohat achey tareeqey se apney knowledge se muje satisfy kiya.
aap ki baat se main is nateejey par pohancha hun k 1st night aap pehley apni wife se bohat sari batein karo usey apnaiyat ka ehsas dialo.bohat sari mohabbat do aur phir dheery dheery frank ho jao aur phir us ki marzi pooch lo.
but once again..........So many thanks
MAY MY SWEET ALLAH G BLESS TO YOU AND YOUR FAMILY.
Syed Zagham Jaffar |
|
Seemi |
Group: Members Joined: 11th Sep, 2007 Topic: 14 Post: 3829 Age:
27
|
|
| Posted on:12th May 2008, 4:49am |
|
| |
You are welcome Szagham bhai, aap jab bhi pakistan jaayein, yeh ziada behta hai k shaadi kar k hi aayein lekin mein aap ko yehi suggest karoon gi pehlay yeh arrangements kar lijiye ga k aap apni wife ko apnay saath hi KSA la sakein... Warna its very strange for a female to live alone without her husband.... Although femaliy members are around there but she needs her husband... Its a simple suggestion for you..
Good Luck and GOD bless you. |
|
Szagham |
Group: Members Joined: 23rd Apr, 2008 Topic: 38 Post: 217 Age:
30
|
|
| Posted on:12th May 2008, 4:58am |
|
| |
I will Seemi Sis,
meri company Family visa deti hai .main jab chahun apin wife aur teen bachun ko bula sakta hun.lakin main chahta hun k shaadi k baad kuch arsa wife meri ma g k sath rahey aur phir chotey bahi ki shaadi b shayad jaldi hi kar dein gay.tu phir apin wife ko sath le aon ga.main samjta hun k nayee naweli dulhan ka bin husband guzara nahin hota.aur shayad aik husband k b nahin.
kia aap b kisi foreign country mein rehti hein.anyway muje yeh question poochna nahin chahiye lakin aisa hi pooch liya.
Seemi sis 1st night agar intercourse kiya jaye tu wo kon si position hogi jis se wife kum pain mehsus karey?mishnari ya koi aur.yani jitna ho sakey wife ko compulsate kiya ja sakey.
aur agar intercourse nahin kiya jata tu phir subo agar dono husband aur wife ghusal b nahin kartey tu phir dono k dost ya family relative kia sochien gay.ya biwi ki sahailiyan????
i shall wait for your reply
THanks |
|
My Reply |
Group: Members Joined: 19th Sep, 2010 Topic: 2 Post: 2048 Age:
45
|
|
| Posted on:12th May 2008, 2:20pm |
|
| |
read article about suhag raat suhag raat mai bivi ki feeling kia hoti hai aur dulha ko kaisa behave kerna chahiye ke liye read article:
Suhag Rat For Dulha Step - I
Suhag Rat For Dulha Step - II
Suhag Rat For Dulha Step - III
Suhag Rat For Dulha Step - IV
Suhag Rat For Dulha Step - V
Suhagra Rat More Explanation - I
Suhagra Rat More Explanation - II
Suhagra Rat More Explanation - III |
|
BeautyStar |
Group: Members Joined: 16th May, 2007 Topic: 52 Post: 3598 Age:
26
|
|
| Posted on:19th May 2008, 9:30pm |
|
| |
 Thanks Seemi-Baji
App ne hum Gair-Shadi-Shudah Naujawanoo k liyah buhat hi important baat likhey hai..... Thanks k app ne hamaiyn eak Aurat k dil ki baat bataey... aur umeed karta hoon k app Future ma bhi Aurtoon k dil ki raaz ki baatein hamaiyn batate rahein geee... (lol)
|
|
Seemi |
Group: Members Joined: 11th Sep, 2007 Topic: 14 Post: 3829 Age:
27
|
|
| Posted on:19th May 2008, 9:44pm |
|
| |
BeautyStar bhai Aap ko kya baat pata chal gayi.. us ki bhi wazahat kar deni thi aap ne... I will try my best in contributing my views with all friends.
|
|
BeautyStar |
Group: Members Joined: 16th May, 2007 Topic: 52 Post: 3598 Age:
26
|
|
| Posted on:20th May 2008, 10:12am |
|
| |
Seemi-Baji Apne jo Larki ki Shadi wale din ki kaafiyaat bataey hai woh Qabil-e-Tareef hai... Aur yah bhi pata chala k sirf baatein karein gaey tou Larki Bewaqoof samjhey gee aur Direct Attack karein gaey tou lakri Jangli Behardyah samjhey gee... hehehehe... Waisey yah app ne bardey raaz ki bata dey hai BeautyStar ko... aur uss ne Dil ki Diary ma note bhi kar ley hai...
Abb zara yah bhi bataein k Larkiyaan sab se zayadah kis cheez se impress hote hain... Husband k kis tarah k behaviour ya attitude se.... Aur Surooh k dinoo ma kin batoon ka khayal rakhna chahiyah takah Dulhan possitive hi soochey aur kin batoon se Naey Nawaley Dulhan ko Susraal waloon k khilaaf Dil ma aag bhardak uthte hai... Thanks...!
|
|
Seemi |
Group: Members Joined: 11th Sep, 2007 Topic: 14 Post: 3829 Age:
27
|
|
| Posted on:20th May 2008, 6:18pm |
|
| |
Szagham bhai
Yeh achi baat hai k aap apni wife ko apnay pass le jaayein ge.. InshaALLAH aap ki life achi guzray gi.. Aap is site per available books parhein.. aap ko idea ho jaye ga k shadi k shoroo k dinon mein intercourse kaisay karna chahiye... lekin mein aap ko yeh zaroor kehna chahoon gi k intercourse kartay time, apni wife ke face expressions ko bhi observe kartay rahein tu ziada behtar ho ga...
Enjoyment or excitement AND pain or bezaari mein bohat bara difference hai.. Aap yeh assume nahin karein k aap k saath saath aap ki wife bhi enjoy kar rahi hien.. balkey is baat ko observe karein.. Agar aap ko lagay k she is not getting enjoyment,, us se poochein..k kya howa... you can change style.. you can delay it for some other time.. Agar shoroo k dinon mein larki ko yeh ehsaas howa k intercourse is a painful activity,,, tu woh hamesha is se bhagay gi... Woh aap ko khush karnay k liye ready tu ho jaye gi but during intercourse yehi sochti rahay gi k jaldi discharge ho or jaan chutay..
Shaadi sirf mard ki enjoyment ka naam nahin hai... yeh donon partners ki khushgawar zindagi ka aghaz hota hai... yeh baat bhi yaad rakhni chahiye...Life mein sex hi sab kuch nahin.... biwi ko yeh ehsaas nahin hona chhaiye k aap usay sirf sex k liye hi laye hien.. Biwi ko time dein, as maximum as you can... kyonke biwi aap se sirf aap ka time chahti hai..
Secondly, agar first night intercourse nahin kartay.. tu nahanay mein kya problem hai.. aap waisay bhi subah nashtay se pehlay nahatay hi hoon ge.. tu us din bhi naha lijiye ga... Koi aap se yeh poochnay ka right nahin rakhta k raat ko kya howa... So simple.
All the best from my side.
|
|
Seemi |
Group: Members Joined: 11th Sep, 2007 Topic: 14 Post: 3829 Age:
27
|
|
| Posted on:20th May 2008, 6:46pm |
|
| |
BeautyStar bhai
Aap apni dil ki diary mein achi achi baatein note kartay raha karein.. Aap khod bhi achay insaan hein, inshaALLAH aap ki life bi achi guzray gi..
Aap ke sawal ka jawab yeh hia k larki apnay husband se pyar karti hai, us ko apna maan leti hai, chahay woh kaisa bhi kyon na ho... lekin waqt guzarnay k saath saath is pyaar mein ya tu kami aa jati hai ya yeh mazeed barhta chala jata hai... or donon cases ka responsible larka khod hota hai...
Usually larki ko sab se ziada apnay husband ki fikar hoti hai. woh apnay husband pe rely karti hai.. Us ko apnay husband pe yeh maan hota hai k agar koi masla ho ga tu mera husband mera saath de ga.. ya kam se kam meri baat sunay ga... Larki chahti hai k husband k saath ziada se ziada time guzaray. or us ki yehi khahish us ko thora sa possessive bana deti hai. Woh apnay husband k saath guzarnay wala har pal enjoy karna chahti hai.. chahay woh room mein hoon, chahay sea side pe, chahay market mein, chhaay car ya rakshay mein or chahay kisi k ghar dawat pe...
Is maqsad k hasool k liye larkay ko chahiye k woh apni wife ko yeh assue karwa de k woh us ka husband kam or dost ziada hai. us ki kuch ghaltion ko ignore karay.. us k saath hansi mazaq karay lekin donon k darmian dosti honay k bawajood respect qayam rehni chhaiye.. yeh na ho k mazaq mazaq mein galiyan dena shoroo ho jaayein ya aik dosray pe thanda paani phaink dein.
Larki jab susraal aati hai tu shoro mein khoob aao bhagat hoti hai.. lekin pas e parda yeh observation bhi chal rahi hoti hai k hamara baita ya hamara bhai kahin biwi ka ghulam na ban jaye. or agar woh yeh mehsoos karein k baita ya bhai ab ziada time biwi ko deta hai tu woh baitay ko kuch kehnay ki bajaye bahoo ke peechay par jatay hien.. Is baat ka khayal rakhna bohat zaroori hota hai k biwi ko larkay ki family ke saath bohat jaldi mix up karwa diya jaye... takeh kisi ko yeh na lagay k yeh bahar se aayi hai or hamari family member nahin hai..
Aik husband ko pehlay se yeh pata hona chhaiye k us ki biwi ki kya basic needs hien or un ko poora karna us ka farz hia.. Shoroo k dinon mein hi husband ko apni biwi se freely is baray mein discuss kar lena chahiye.. for example, husband ko yeh pata hona chhaiye k usay apni biwi k liye pads ka arrangemnet karna hai. Biwi se pooch lena chhaiye k us ki next date kab hai or woh konsay pads use karti hai.. Takeh biwi ko koi pareshani na ho balkey aik dili itmenaan hota hai k mera husband caring hai or meri zarooriyat ka khayal rakhta hai... ..... Larki apnay saath Pads ki bori le kar nahin aati... baz dafa yeh hota hai k husband is baray mein koi baat nahin karta, or larki sharam ki waja se kuch bata nahin paati.. or aik din yeh hota hai k mian sahab office gaye howe hein or baad mein biwi mushkil mein aayi hoi hai k ab kya karoon... Saas ya nandoon se bhi nahin mang sakti.... ........... Periods ki date ka is liye bhi maloom hona chhaiye takeh un donon mein intercourse se avoid kiya jaye. Pads k ilawa or bhi bohat si cheezein hein jin ki arki ko zaroorat hoti hai... un ka bhi khayal rakhna chhaiye...
Larkay ko bohat jaldi is baat ka andaza kar lena chahiye k us ki biwi ki nature kya hai... Agar us ki biwi taiz or chalak hai tu bhi us ka farz hia k biwi or us ke ghar waloon mein larayi na ho... lekin agar woh shareef si hia tu bhi ghar waloon se bachana usi ka kaam hai... chouti moti baatein har ghar mein hoti hien.. yeh husband pe depend karta hai k woh kis arah situation ko deal karta hai k koi bhi naraz na ho.
Shoroo shoroo meiin larki k dil mein yeh jazba hota hai k woh apnay susral waloon ki khidmat karay gi, un ko khush rakhay gi... larkay ki zimadaari hai k agar woh apni saas ya susar ki khidmat karti hai ya nandoon or devaron se achi dosti karti hia tu husband us ko encourage karay or us ko yaqeen dilaye k us k aa janay se ghar ka mahool or bhi acha ho gaya hai.. is se woh waqai bohat acha feel karay gi or sab ko khush rakhnay ki koshish karay gi..
Husband ko chahiye k apni biwi pe trust karay... Kisi ki baaton mein aa kar us se na laray, balkey agar us se koi ghalti ho gayi hai tu us ko discuss karay or us k saath mil k us ki remedies talash karay. Larki yehi chahti hai k us ka husband supportive ho...
baqi aap ko kuch poochna ho tu likh dein. I will write you in detail..
|
|
BeautyStar |
Group: Members Joined: 16th May, 2007 Topic: 52 Post: 3598 Age:
26
|
|
| Posted on:20th May 2008, 9:15pm |
|
| |
 Thank you so much Seemi-Baji :)
App ne mere liya itna barda aur detail reply likha iss ka buhat buhat shukriya... App ne mujhey buhat sarey baatein sekhaein hain... aur yah maiyn sirf apne liya nahi balkah apne Doston aur Cousins ki rehnumaey k liyah bhi poocha raha tha.... Eak Larki se behtar Larki ki Dil ki baat kaun bata sakta hai... App ka maiyn behadd shukar guzar hoon Seemi-Baji... so nice of you :)
Bas mujhey eak hi confusion aur hai k Ghar waloon aur Bivi k darmiyaan kaisey ache taluqat rakhey jaein...? Kyun k Bivi k pass Shohar hota hai tou Amman ko lagta hi uss ka beta chann laey gee... Aur Amman k pass hota hai tou Bivi ko lagta hai k mere Shadi ghalat jagah kar dey gaey hai....... Iss ka kiya hal hai...???
"Possessiveness" kiya yah zaroori hai LOVE karne k liyah......?
|
|
BeautyStar |
Group: Members Joined: 16th May, 2007 Topic: 52 Post: 3598 Age:
26
|
|
| Posted on:20th May 2008, 9:15pm |
|
| |
Seemi-Baji App ne yah thread acha likha hai... maiyn Szgham Sahab wale reply bhi read kar raha hoon ok :)
|
|
Seemi |
Group: Members Joined: 11th Sep, 2007 Topic: 14 Post: 3829 Age:
27
|
|
| Posted on:21st May 2008, 7:36pm |
|
| |
Szagham bhai Aap ki shaadi kab ho rahi hai?? Aap ne bohat jald likha hai but kitni jald ? :)
|
|
Seemi |
Group: Members Joined: 11th Sep, 2007 Topic: 14 Post: 3829 Age:
27
|
|
| Posted on:21st May 2008, 8:05pm |
|
| |
BeautyStar bhai Aap yeh sab baatein apni dil ki diary mein note kar lijiye.. Hamari bhabhi jee ko khush rakhein ge phir aap..:)
Aap k sawal ka jawab yehi de sakti hoon k Shadi k baad larki ko susraal mein adjust honay mein kuch na kuch time tu lagta hai... or us adjustment mein bohat se factors involve hotay hein. Is adjustment mein jahan larki ka apna bohat role hota hai wahan ziada zimadaari husband or larkay k ghar waloon per hoti hia khas tour per Larkay ki ammi or behnon per...
Jab larki susraal jati hai tu us k liye aik new environment hota hia.. chahay woh apni phophi ya mamoon ya chacha k ghar hi kyon na shadi ho ke gayi ho, but mahool tu naya hi ho ga.. Saas ko chhaiye k woh apni baho ko apni beti ki tarah hi treat karay.. behnon ko bhi apni bhabhi ki care karni chahiye.... Jo sab se bara problem aap ne poocha k agar biwi ko ziada time de tu maan kehti hia k beta cheen liya hum se..... Is baat ko maan or behnon ko samajhna chahiye... Aik larkay ki zindagi larki se different hoti hai... Shaadi se pehlay larka konsa sara time apni ammi k pass betha rehta hai... Us waqt bhi woh job, games ya apnay dostoon mein ziada time spend karta hai.. maan ya baqi ghar waloon se aap soutine mein hi mulaqat hoti hai.. dinning table per ya TV lounge mein.. Shaadi k baad yeh samajhna chahiye k aik bandi sirf or sirf apnay mian k liye sab ko chour k aayi hai. agar us ka mian hi us ko time nahin de ga tu or kon de ga..
Lekin same time pe, mian jee ko bhi yeh sochna hai or is baat ka balance rakhna hai k har waqt hi apni begam k pass na betha rahay.. ghar walon se saath ghul mil ke rahein.. apni activities mein sab ko shamil karein.. Shopping pe ja rahay hien ya kisi dinner pe.. chouti behanon ko bhi offer karein.. or agar saath le ke jana munasib nahin tu un k liye bhi kuch na kuch le kar aayein.
or yeh sab us waqt mumkin hota hai jab mian biwi mein achi understanding ho.. Main apni wife ki feelings ko samjhay... or wife apnay mian ki feelings k saath saath us k ghar waloon ka bhi khayal karay.. Agar larki sirf yehi kahay k bas mera main har waqt meray pass betha rahay ya hum bas akelay sari duniya mein ghoomtay rahein or koi poochnay wala na ho tu yeh ziadti hai... Larkay ki bhi apni family hai, maan baap behan bhai hien, un ko bhi time dena hai us ne.. Mein yehi kahoon gi k acha environment barqaraar rakhnay k liye sab ko hi apna kirdaar ada karna chahiye.. Saas bahoo ko beti samjhay na ke nokarani or baho saas ko man samjhay na k dushman.. nandoon se dosti qayam karnay ki koshish ki jaye....
Yahan aik baat or qabil e ghour hai... larki k apnay susraal waloon se taluqqat is baat per bhi depend kartay hien k larkay k apnay susraal waloon se taluqaat kaisay hien.. Agar larka apnay saas susar ki respect karta hai.. salay or saliyon se dosti qayam karta hia tu yehi attitude biwi bhi apna le gi.. lekin agar woh dekhay k mian jee meray maan baap se tu batameezi se pesh aatay hein or un k baray mein ghalat zaban istamaal kartay hien tu lazmi si baat hia k biwi kyon larkay k parents ki izat karay gi..
Hasil kalam yeh hai k aik kamyaab shaadi chalany k liye jahan baqi logon ka apna apna kirdaar hota hai, wahan sab se ziada zimadaari husband ki hoti hai.. Wohi apnay actions se apni marital life ko khushgawar se khushgawar bana sakta hia or wohi apni life ko jahanam bana sakta hai...
aap ne possessiveness ki baat ki hai.. tu is ka simple answer yehi hai k yeh insaani fitrat hia k insaan jis cheez ko apnay liye pasand karta hia us ki yeh khahish hoti hai k yeh sirf usi k pass ho, kisi or k liye nahin.... Baaz dafa isi feeling ko Hasad ka naam diya jata hai.. lekin Pyaar aik aisa jazba hai jis mein possessiveness bohat zaroori hai.. Agar yeh nahin ho ga tu phir Pyaar exist hi nahin karta.. Meri nazar mein is ki simple example yeh hai k har pyar karnay wala larka ya larki yeh kyon chahta hai k us ki shaadi us se ho jaye jis se woh pyar karta hai.. because shaadi k baad woh kisi or ki/ka nahin ho sakta. larka nahin chahta k jis se woh pyaar karta hai woh kisi or se milay or yehi kafiyat larki ki hoti hai.. meri nazar mein mian biwi ka rishta possessiveness k baghair nahin chal sakta...
yehi waja hai k aam tour per larki kabhi dosri shaadi ka nahin sochti... or agar us ka husband aisa sochay tu woh zabardast resist karti hai.. woh apnay mian ko kisi se share nahin karna chahti.... or agar yeh feelings na hoon tu phir mian biwi ka rishta Aaaqa kaneez ka rishta ho jaye, jis mein kaneez sirf apnay lord ko khush rakhnay k liye mojood hoti hai..
Feel free to ask if you need more explanation...
Regards.
|
|
Red Chilli |
Group: Members Joined: 20th Feb, 2008 Topic: 5 Post: 4968 Age:
|
|
| Posted on:21st May 2008, 8:16pm |
|
| |
Beautystar uncle lagta hai aap ki shaadi Szagham se pehle ho gi..jo aap us se ziyada sawal jawab ker rehe hain
Seemi aunty..........well done..............
|
|
goodman |
Group: Members Joined: 11th Oct, 2007 Topic: 59 Post: 7336 Age:
32
|
| Blocked |
| Posted on:22nd May 2008, 12:38am |
|
| |
shabassh Shabash seemi jee app kee possitive battoo say ab B.S kee life koo Char Chan lag jain gay B.S bahi hamari Bahbi kee khoob care keray ga...
Wasay app nay be achi post lekhi aur bohat lambi ha agar app point 2 point baatt lekhay too mujay pernay may aur assani hoo gee aur mara time bee save hoo ga.iss per zara consdier ke giyay ga.
Thanks and wait for your possitive reply.. |
|
BeautyStar |
Group: Members Joined: 16th May, 2007 Topic: 52 Post: 3598 Age:
26
|
|
| Posted on:22nd May 2008, 2:41pm |
|
| |
Awesome.... Seemi-Baji...!!! App ka maiyn buhat buhat buhat shukar guzar hoon... Aur bhi mann ma buhat sarey sawalaat hain.. magar app kuch din apni ungliyoun ko rest dey dein.. phir pochoon ga ok... App buhat hi acha aur detail ma satisfactory reply karte hain.. khass tou per app ne Possessiveness wala point buhat hi acha explain kiya hai with valid reasoning......!
Thank You so much once again Seemi-Baji :)
Red Chilli Aunty... mujhey pata hai app ko Shadi k khane ki fikar ho rahi hai... app fikar nahi karein janab app ko apni Shadi ka khana zaroor khilaoon ga... iss liyah app sabar rakhein 7 - 10 years ok :) |
|